Անահիտ Ավանեսյանի հերթական «ֆոկուսը». ո՞ւր է անհետացել չինական պատվաստանյութը

Չինական արտադրության «Սինոֆարմ» պատվաստանյութով պատվաստված մարդիկ փորձել են երկրորդ դեղաչափը ստանալ, նրանց ասվել է, որ պատվաստանյութ չունեն: Պատվաստանյութի բացակայությունը առողջապահության նախարարությունը փորձել է արդարացնել պատվաստվողների թվի աճով ու արտադրական գործընթացով, ինչպես նաև Հայաստան եկող չվերթների սակավությամբ, այսինքն՝ պատվաստանյութ չկա, քանի որ Հայաստան եկող ինքնաթիռ չկա: Չնայած առողջապահության նախարարության հավաստիացումներին, որ երկրորդ ներարկման ուշացումը որևէ վտանգ չի պարունակում և պատվաստանյութի ազդեցությունը չի նվազեցնում, այնուամենայնիվ Առողջապահության համաշխարհային կազմակերպությունը երկրորդ ներարկման համար ժամկետ է սահմանում 21 օրը, և բոլոր պատվաստանյութերի «ինստրուկցիաներում» կոնկրետ ժամկետ է ցուցված, թե երբ է պետք անել երկրորդ ներարկումը: Եթե ոչ մի նշանակություն չունենար օրը` ցուցումներում օր չէր նշվի:

Իսկ հիմա ամենակարևոր հարցը՝ իսկ ինչո՞ւ է սպառվել «Սինոֆարմը», եթե Չինաստանը ՀՀ-ին նվիրել էր ավելի քան 200 հազար դեղաչափ: Հայաստանում սեպտեմբերի 23-ի դրությամբ՝  կորոնավիրուսի դեմ պատվաստանյութի  առաջին դեղաչափ ստացել էր` 244 374, երկրորդ դեղաչափ` 133 031 մարդ։ Այսինքն` ի՞նչ է ստացվում. ՀՀ-ում պատվաստվածների 90 տոկոսը նախընտրել է հենց չինական վակցինան և այդ պատճառով է այն այդքան արագ սպառվել: Համաձայնեք՝ քիչ հավանական է: Հետևաբար հարց է առաջանում, թե ինչ անհավանական ֆոկուսներ են տեղի ունենում նախարարությունում, որի արդյունքում այդ չափի դեղամիջոցն օրը ցերեկով սպառվում է: Իսկ գուցե նախարարությունից ցանկանում են ստեղծել մի իրավիճակ, երբ նոր խմբաքանակի ներկրումը այնքան կձգձգվի, որ երկրորդ դեղաչափը ստանալու փաստի առաջ կանգնած քաղաքացիները ստիպված կլինեն պատվաստվել մեկ այլ պատվաստանյութով՝ օրինակ` «ԱստրաԶենեկա»-ով: Որևէ տրամաբանական մարդու մտքով, իհարկե, չի անցնի քաղաքացիների կյանքն այդչափ վտանգել, սակայն, արդեն իսկ հասկացել ենք, որ առողջապահության նախարար Անահիտ Ավանեսյանի քայլերը և որոշումները միշտ չէ, որ ենթարկվում են որևէ տրամաբանության:

Այս թեմայով Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post ԱՄՆ-ն մայիսի 12-ից չեղարկում է օտարերկրացիների համար Covid-ի դեմ պարտադիր պատվաստումը Չինաստանը տեղեկություններ ունի, որոնք կարող են լույս սփռել COVID-19-ի ծագման վրա. ԱՀԿ Բայդենը հավանություն է տվել կորոնավիրուսի պատճառով սահմանված արտակարգ դրության չեղարկմանը Ընտանիքը 330 հազար դրամի դիմաց քովիդի դեմ պատվաստման կեղծ սերտիֆիկատ է ստացել․ բացահայտում ԱՀԿ ղեկավարը վստահություն է հայտնել` 2023 թվականին COVID-19 համաճարակը կավարտվի Մոսկվայում խեղդամահ են արել «Սպուտնիկ V»-ի ստեղծողներից մեկին