Հայաստանի տարածքով ադրբեջանական ավիացիայի անարգել թռիչքը ամոթալի երևույթ է․ Բաղդասարով

Դժվար է պատկերացնել ավելի ամոթալի երևույթ, քան ադրբեջանա-իրանական հակամարտության ֆոնին Հայաստանի տարածքով ադրբեջանական ավիացիայի անարգել թռիչքը, Տելեգրամի իր ալիքում գրել է ռուս վերլուծաբան, քաղաքագետ, պատմաբան Սեմյոն Բաղդասարովը: «Մի կողմից, Հայաստանի արտգործնախարարը խոսում է Իրանի հետ հատուկ հարաբերությունների մասին, մյուս կողմից՝ մենք տեսնում ենք շատ տարօրինակ գործողություններ: Ըստ ամենայնի՝ Հայաստանի ղեկավարությունը գտնվում է լիակատար հարբածության կամ դանդաղ շիզոֆրենիայի վիճակում: Սա նշանակում է, որ վաղը իրանական կողմն իր պահանջները կներկայացնի Հայաստանին: Հիշեցնեմ, որ Հայաստանի ելքերից մեկը դեպի արտաքին աշխարհ անցնում է Իրանով, և ամենադժվար պահին իրանցիներն այս հարցում օգնեցին Հայաստանին»,֊գրում է Բաղդասարովը:

«Արդարացումները «Հայաստանի Հանրապետության և Ադրբեջանի օդային տարածքի քաղաքացիական օդանավերի օգտագործումը սահմանափակված էր բացառապես 44-օրյա պատերազմի ընթացքում, իսկ ավելի վաղ օդային տարածքը փակ չէր, բայց նախատեսված էր բացառապես ապուշների համար» արտահայտությունների ոճի մեջ են: Հայաստանը դարձավ Թուրքիայի և Ադրբեջանի վասալ պետությու՞նը: Հետաքրքիր է, արդյո՞ք հայկական ավիացիան թռիչքներ է իրականացնում Ադրբեջանի տարածքով: Հարցը հռետորական է:

Ժամանակն է, որ հայաստանյան ընդդիմությունն էլ մտածի: Գուցե դուք պետք է շատ ավելի արդյունավետ միջոցնե՞ր ձեռնարկեք, քան դահլիճը լքելն է: Ժամանակն է դադարեցնել շիզոֆրենիայի և հարբածության ալիքը, որը տիրում է որոշ հայ առաջնորդների գլխին: Իհարկե, գործող օրենսդրության շրջանակներում»,֊եզրափակել է քաղաքագետը:

Այս թեմայով Պաղեստինի բախտը բերել է` իր Փաշինյանը չունի. Բաղդասարով Ադրբեջանը հայտնում է երկու վիրավորի մասին Ֆրանսիան շահագրգռված չէ տարածաշրջանում խաղաղության և կայունության հաստատմամբ. Բաքուն մեղադրանքներ է հնչեցրել Ալիևը ՌԴ դեսպանի հետ խոսել է «տրանսպորտային միջանցքի կարևորության» մասին Պուտինն Էրդողանի հետ կքննարկի հայ-ադրբեջանական հարաբերությունները Ադրբեջանն ու Հայաստանը պատրաստ չեն որևէ պայմանով հաշտության պայմանագիր կնքել. ՌԴ ԱԳՆ Առանց ռուս խաղաղապահների՝ «Ղարաբաղի հայերի» հետ ավելի հեշտ էր շփվել. Ալիև Ադրբեջանն ազատ է ցանկացած որոշում ընդունելու. Թուրքիայի ԱԳ նախարարը խոսել է Լաչինի ու «Զանգեզուրի միջանցքի» մասին Ադրբեջանը վտանգի տակ է դնում ընթացող խաղաղ բանակցությունները. Փալոուն Ռուսաստանն անհանգստացած է ԱՄՆ-ի՝ Բաքու-Ստեփանակերտ երկխոսության մեջ իր միջնորդական ծառայությունները պարտադրելուց. ՌԴ ԱԳՆ