Ես պարոն Փաշինյանի կողմից միայն էներգետիկա եմ ստանում․ Մեղրիի համայնքապետի թեկնածու

Հոկտեմբերի 17-ին Սյունիքի մարզի Մեղրի համայնքում սպասվում են ՏԻՄ ընտրություններ: Այս առիթով ԼՈՒՐԵՐ․com-ը զրուցել է Մեղրիի համայնքապետի պաշտոնակատար, իշխող «Քաղաքացիական պայմանագիր» կուսակցության համայնքապետի թեկնածու Արարատ Թումանյանի հետ։  

Պարոն Թումանյան, ինչպե՞ս եք գնահատում Ձեր շանսերը ՏԻՄ ընտրություններում։

- Եթե տոկոսային հարաբերությամբ ասեմ` անհամեստություն կլինի, բայց` ավելին, քան կարող են պատկերացնել մեր օպոնենտները։ 

Ի՞նչ եք կարծում` դա Ձեր անձո՞վ է պայմանավորված, թե՞ «Քաղաքացիական պայմանագիր» կուսակցության։ 

- Ես ներկայացնում եմ նույն քաղաքական ուժը՝ ՔՊ-ն։ Իմ կարծիքով` պայմանավորված է ընդհանուր թիմով, նաև պարագլուխներով, պարոն Փաշինյանով։ Այն իրադարձությունները, ցուցանիշները, որոնք և՛ 2018 թվականին, և՛ վերջին խորհրդարանական ընտրություններում արձանագրվեցին, կարծում եմ՝ ժողովրդի նույն կամընտրությունը կարտացոլվի նաև ՏԻՄ ընտրություններում։ 

Կա՞ քաղաքական ուժ և թեկնածու, որին գլխավոր մրցակից եք համարում։

- Բոլորին համաչափ եմ նայում, չէի ասի, թե որևէ մեկը մյուսից բարձր կամ ցածր է։ Դեռևս չի երևում, որ մեկը մյուսից առաջ է։ Ինչ վերաբերվում է մեզ, ապա մենք շատ վաղուց եղել ենք պետականաշինության ակունքների բոլոր գործողություններում։ Ինձ համար ոչ միայն 2018 թ․ էր հեղափոխության տարի, որովհետև հեղափոխության պայքարը, ընդվզումներն սկսել ենք դեռևս 2014 թվականից։ Ինչ վերաբերում է Մեղրի համայնքին, ապա այժմ այստեղ չկա վախի մթնոլորտ, որը տիրում էր մինչ խորհրդարանական ընտրությունները, չկան բոբոները, որոնցից վախի սարդոստայնով գործված էր հասարակ ժողովուրդը։ Ի վերջո, կրկին ժողովուրդը գնաց և իրենն ասեց։ 

Ինչպե՞ս է ընթանում քարոզարշավը։ 

- Շատ լավ, հանդիպումներն անցնում են հումորի և մտքերի փոխանակման մթնոլորտում։ Տեսնում ենք վստահությունը մեր և մեր քաղաքական թիմի նկատմամբ։

Պարոն Թումանյան, տարիներ շարունակ զբաղվել եք դիզելային վառելիքի ներկրմամբ։ Շարունակո՞ւմ եք զբաղվել գործարարությամբ, ո՞վ է տնօրինում Ձեզ  պատկանող ընկերությունները։

- Նախորդ իշխանությունների օրոք՝ 2017 թ․, ինձ պատկանող «Արագգ» ՍՊԸ-ն լուրջ վնասներ կրեց՝ մոտավորապես 73 հազար ԱՄՆ դոլարի չափով։ Դրանից հետո ես ունեցել եմ երկու ընկերություն, որոնք արդյունավետ էին աշխատում իմ ղեկավարմամբ։ Սակայն, այժմ ժամանակավորապես դադարեցրել եմ իմ գործունեությունը, քանի որ չէի կարող լինել համայնքի ղեկավար, պաշտոնավարել և զբաղվել բիզնեսով։ Ուստի ինձ պատկանող սեփականությունը՝ նավթամթերային պահեստարաններն իրենց տարածքներով, տվել եմ իմ մերձավորին, որն իմ վաղեմի գործընկերն է և փոխաբերական լեզվով ասած` 2 միավոր օգուտի պարագայում մեկ միավորը իմն է, մյուսը՝ իրենը։ Կանոնադրությունն, իհարկե, չի արգելում եկամուտ ունենալ։ Այսինքն` եթե մինչև որևէ պաշտոնի անցնելն ունես եկամտաբեր աղբյուր, պաշտոն ստանալուց հետո այն ի՞նչ պետք է արվի` քանդվի՞, չորացվի՞։ Օրենքով, պարզապես, չի թույլատրվում միաժամանակ պաշտոնավարել և զբաղվել բիզնեսով։

2016-2017թթ․, երբ խնդիրներ էին առաջացել «Արագգ» ՍՊԸ-ի հետ կապված, այն ժամանակ ընդդիմադիր Նիկոլ Փաշինյանն աջակցում էր Ձեզ՝ Ձեզ պատկանող ընկերության խնդիրը հնչեցնելով ԱԺ-ի ամբիոնից։ Այժմ որևէ ձևով աջակցություն ստանո՞ւմ եք Փաշինյանից։ 

- Ես պարոն Փաշինյանի կողմից միայն էներգետիկա եմ ստանում, թեկուզև միայն հեռուստացույցից։ Այն ժամանակ շփվել ենք տետատետ։ 2016-2017 թթ․ ամբողջ պետական ապարատն էր ինձ ճնշում։ Նախկին վարչապետ Կարեն Կարապետյանի օգնական Արամ  Վարդևանյանը 3 անգամ ինձ ստեց, իսկ ես սուտասաններին  չեմ հարգում։ Ինքը ուժեղ տիրապետում է իրավաբանությանը, բայց ուժեղ իրավաբան չէ։ Նորմալ իրավաբանը իրավունքն է բանում, իսկ ինքն իմ իրավունքները ոտնահարում էր։

Ինչպես եք վերաբերվում այն հանգամանքին, որ Մեղրիի նախորդ համայնքապետը գտնվում է անազատության մեջ և առանց նրա տեղի են ունենալու ՏԻՄ ընտրություններ։ Արդյո՞ք անձնապես ճանաչում եք նրան կամ շփումներ ունե՞ք նրա հետ։

- Իհարկե, ճանաչում էի նրան, շփումներ չունեմ, այսինքն դադարեցրել եմ շփվել մի անձնավորության հետ, որն ի վիճակի է եղել․․․ քանի որ իրավապահ մարմինները պետք է որոշեն մարդու մեղավորության չափը․․․ Չեմ կարող հարգել նրան, ով հնարավոր է` թաթախված լինի այն բարբարոսական ակտին, որ տեղի ունեցավ մեր երկրի ղեկավարի հանդեպ։

Հիշեցնենք, որ Մեղրիի համայնքապետի ընտրություններին մասնակցում է 4 ուժ՝ «Քաղաքացիական պայմանագիր», «Հանրապետություն», «Ազատական» և «Ապրելու երկիր» կուսակցությունները:

Սոնա Հարությունյան

Այս թեմայով Բադասյանը ՀՀ-ում ԵՄ պատվիրակության դեսպանի հետ քննարկել է Մեղրիի մաքսային կետի արդիականացման ծրագրի ընթացքը Երևան քաղաքում ավագանու ընտրություններ են Ռուսաստանում ընտրություններ են Գևորգ Ստեփանյանը «Մայր Հայաստան» դաշինքի ցուցակով կմասնակցի Երևանի ավագանու ընտրություններին Ջերմուկի համայնքապետ Վահագն Արսենյանը անշարժ գույք է ձեռք բերել Էմիրություններում․ Հետք 3 զոհ և 1 ծանր վիրավոր. Մեղրիի ավտոճանապարհին ողբերգական վթարի դեպքով քրեական վարույթ է նախաձեռնվել Երևանի ավագանու ընտրություններին այս պահի դրությամբ առաջադրվել է 8 կուսակցություն Ես կարող եմ և ապահովելու եմ արդար ընտրություններ. կուսակցական լինելը չի նշանակում օրինապահ չլինել Մեղրիի անցակետի արդիականացումը նոր ազդակ կհաղորդի. Բադասյանը հյուրընկալել է ՀՀ-ում ԵՄ պատվիրակության ղեկավարին Իշխանափոխություն Ախուրյանում. ՔՊ-ի թեկնածուն՝ Ախուրյան ԲԿ-ի տնօրենը ընտրվեց համայնքապետ