Դավիթ Տոնոյանի նախազգուշական մեսիջը Փաշինյանին

Պաշտպանության նախկին նախարար Դավիթ Տոնոյանն առաջադրված մեղադրանքը չի ընդունում եւ որևէ պարագայում չի ընդունի, քանի որ իրեն մեղադրում են մի արարքի կատարման մեջ, որը նա չի կատարել: Այս մասին հայտարարություն է տարածել Դավիթ Տոնոյանի փաստաբանական խումբը:

Հայտարարությունում նաեւ ասվում է. «ՀՀ պաշտպանության նախարարի պաշտոնից ազատվելուց հետո պարոն Տոնոյանը ձեռնպահ է մնացել մեկնաբանություններից՝ հաշվի առնելով պետական գաղտնիքը, ՀՀ ազգային անվտանգության եւ միջպետական հարաբերությունների շահերը: Այսօր եւս պարոն Տոնոյանն այդ շահերը վեր է դասում սեփական շահերից եւ տիրապետելով տեղեկատվության մեծ ծավալի՝ այն չի օգտագործում հանրային տիրույթում սեփական պաշտպանության համար:

Ի՞նչ է սա, եթե ոչ թափանցիկ ակնարկ իշխանություններին և անձամբ Նիկոլ Փաշինյանին, որ եթե քրեական գործը չկարճվի, Տոնոյանն էլ չհայտնվի ազատության մեջ՝ վերջինս աչք կփակի պետական գաղտնիքի վրա և կսկսի խոսել: Ենթադրվում է, որ Տոնոյանի տիրապետած տեղեկատվությունը իր մեջ սպառնալիք է պարունակում Փաշինյանի և նրա մերձավոր շրջապատի համար, հակառակ դեպքում` փաստաբանական թիմը նման հնարքի չէր դիմի: Ինչո՞ւ է Դավիթ Տոնոյանը հիմա ակնարկում այս մասին: Ի վերջո, եթե նա տիրապետում է տեղեկատվության, նա կարող է ոչ թե հանրայնացնել այն, այլ փոխանցել իրավապահներին` շրջանցելով, այսպես ասած, հանրային օղակը: Սակայն, Տոնոյանը դա չի անում և սպառնում է Փաշինյանին հենց հանրային հնչեղությամբ և ռեզոնանսով` հասկանալով, որ դա Փաշինյանի համար շատ ավելի ցավոտ կլինի և գուցե նաև՝ անվերահսկելի: Մինչդեռ ավելորդ է նշել, որ եթե Տոնոյանը տիրապետում էր նման ինֆորմացիայի, նա վաղուց պետք է խոսեր և լույս սփռեր հանրությանը հուզող մի շարք կարևորագույն հարցերի վրա: Հայաստանում արդեն մեկ տարի է, ինչ չկա պետական գաղտնիք, կա միայն ցանկություն` հասկանալու, թե ինչպես եռապատկվեց Եռաբլուրը և կորսվեց հայրենիքի 75 տոկոսը: Եթե Տոնոյանը ունի այս հարցերի պատասխանը և լռել է, ապա հենց այս պահին նման հայտարարություն տարածելը ոչ այլ ինչ է, քան պարզ շանտաժ և առևտուր»:

Այս թեմայով Փաշինյանն անցել է շանտաժի լեզվի Կռիվ են անում, մեկը մյուսին անվանում է թուրք, խի՞ թուրք և ոչ թե նորզելանդացի. Փաշինյան (տեսանյութ) Արևմուտքի՝ «մտրակի ու բլիթի» քաղաքականությունը Փաշինյանի հանդեպ Ֆրանկոֆոնիայի խաղերի ազգային կոմիտե կստեղծվի. Փաշինյանը որոշում է ստորագրել 290 միլիոն ֆունտ ստեռլինգ՝ Հայաստանը Ռուանդայի վերածելու դիմաց. The Times Հայաստանն ու Ղազախստանը առևտրատնտեսական համագործակցության չիրացված ներուժ ունեն․ Փաշինյան Փաշինյանը «ՀՀ սոցիալ-հոգեբանությունը» թեմայով դասախոսություն է կարդացել (տեսանյութ) Արևմուտքը Փաշինյանի վրայից «մաքրում» է Արցախի հանձնման մեղավորությունը «Կոֆե, կենտրոն, Հռոմ» նախագծի անփառունակ ավարտը Փաշինյանն Անվտանգության խորհրդի շտապ նիստ է հրավիրել․ «Հրապարակ»