Հաղթելու ենք, ապագա կա․ մարզպետի քրոջ ՔՊ-ական որդին վստահ է՝ Տեղ համայնքում լավ է լինելու

Սյունիքի մարզի Տեղ համայնքում հոկտեմբերի 17-ին տեղի են ունենալու ընտրություններ․ իշխանական ցուցակը գլխավորում է անհատ ձեռներեց, մասնագիտությամբ իրավաբան Դավիթ Ղուլունցը։ Ի դեպ, վերջինս Սյունիքի մարզպետ Մելիքսեթ Պողոսյանի քրոջ որդին է և համայնքի ղեկավարի պաշտոնակատար նշանակվել է ընտրություններից գրեթե մեկ ամիս առաջ՝ մարզպետ քեռու որոշմամբ։ Մյուս թեկնածուն «Ապրելու երկիր» կուսակցությունից Արգամ Հովսեփյանն է, որը ներկայում Արավուս սահմանամերձ բնակավայրի վարչական շրջանի ղեկավարն է։

ԼՈՒՐԵՐ․com-ի հետ զրույցում Տեղի ընտրություններում «Ապրելու երկիր» կուսակցության համամասնական ցուցակը ղեկավարող Արգամ Հովսեփյանը քարոզարշավի ընթացքը գնահատեց նորմալ․ «Ես առանձին-առանձին տները մտնելով քարոզարշավ եմ անում։ Շանսերս նորմալ եմ գնահատում, քանի որ իմ 30 տարվա աշխատանքային փորձը ցույց է տվել, որ ժողովուրդը գնահատում է»,- ասաց նա։ 

Անդրադառնմալով հարցին՝ արդյոք իշխանական ներկայացուցչի կողմից խոչընդոտների հանդիպո՞ւմ է՝ Հովսեփյանը դրական պատասխան տվեց․ «Իմ ավագանիներից 9-ը հրաժարական են տվել և ասում են, որ իրենց ճնշել ու վախեցրել են։ Ես արդեն գիտեմ՝ ում կողմից են եղել ճնշումները։ Իհարկե, նաև Ղուլունցի կողմից և ոչ միայն նրա՝ ավելի վերևներից»։ Դիտարկմանը՝ գուցե Սյունիքի մարզպետին նկատի ունի՝ Հովսեփյանը չասաց։

Հարցին՝ ինչ է կարծում իրեն կհաջողվի՞ հասնել հաջողության, թե՞ Սյունիքի մարզպետի դերակատարությունը կարող է ավելի զորեղ լինել, որպեսզի նրա քրոջ որդին ընտրվի՝ Հովսեփյանն ասաց․ «Դե նախկին ղեկավարին ասել են՝ «գնա ձեր տուն», մարզպետն էլ սեպտեմբերի 21-ին Դավիթ Ղուլունցին նշանակել է պաշտոնակատար, մնացածը կտեսնենք՝ ինչ կլինի»։ 

Տեղ համայնքի ընտրություններում «Քաղաքացիական պայմանագիր» կուսակցության ցուցակը գլխավորող Դավիթ Ղուլունցը ևս մեզ հետ զրույցում քարոզարշավային շրջանը նորմալ գնահատեց։ Անդրադառնալով մյուս թեկնածուի մեղադրանքներին, թե ճնշումներ են եղել վերջինիս թիմակիցների նկատմամբ՝ Ղուլունցը հակադարձեց․ «Ոչ մի ճնշում էլ չկա, դա ուղղակի զրպարտանք է։ Ես իր հետը նորմալ հարաբերությունների մեջ եմ, ինչի մասին է խոսքը»։  

Հարցին, թե ի՞նչ ազդեցություն կարող է ունենալ իր մարզպետ քեռին ընտրությունների արդյունքների վրա և արդյոք նրանից աջակցություն  ստանում է՝ Ղուլունցը պատասխանեց․ «Ոչ մի ազդեցություն, մարզպետը ոչ խառնվում է, ոչ էլ․․․ հետո՞ ինչ մարզպետի քրոջ տղեն եմ։ Ոչ մի հանգամանք էլ ազդեցություն չի կարող ունենալ ընտրությունների վրա։ Ժողովրդի ցանկությունն ու որոշումն է եղել, որ իմ թեկնածությունն առաջադրեմ»։

Անդրադառնալով ընտրություններում հաղթելու հավանականությանը՝ ՔՊ-ական թեկնածուն վստահ է, որ կհաղթի․ «Ապագան լավ կլինի Տեղ համայնքում։ Իհարկե, հաղթելու ենք»,- ահա մեր կարգախոսը։

Հիշեցնենք, որ Սյունիքի մարզպետ Մելիքսեթ Պողոսյանը սեպտեմբերի 22-ին որոշում է ստորագրել, որով Տեղի համայնքապետի ժամանակավոր պաշտոնակատար է նշանակել Դավիթ Ղուլունցին, որն ինչպես նշեցինք նրա քրոջ որդին է։ Նշենք, որ առաջիկա ավագանու ընտրություններին Դավիթ Ղուլունցը գլխավորում է «Քաղաքացիական պայմանագիր» կուսակցության ցուցակը։

Սոնա Հարությունյան

Այս թեմայով Պապուա Նոր Գվինեան արժանի չէ մարդակերության երկիր կոչվելու. վարչապետ Զելենսկին նշել է հինգ երկիր, որոնք կկանգնեն պատերազմի առաջ, եթե Ուկրաինան պարտվի Ապրելու իրավունքը վերագտնելու համար պայքարել և ապստամբել է պետք․ Դավիթ Անանյան «Հրապարակ». ՔՊ-ականները հիշել են Սյունիքի տեղը «Ապրելու ուժ տվեց Դավիթիս երազանքի իրականացումը՝ Դադիտան կառուցումը». Դավիթ Ուզունյանն անմահացել է հոկտեմբերի 1-ին Եղնիկներում. «Փաստ» Սյունիքի մարզում ժայռային հատվածներով անցնող ճանապարհներին քարաթափումներ են լինում ՀՀ-ն առողջապահական ծրագրերը դիտարկում է ոչ թե ծախս, այլ ներդրում ինքնիշխան երկիր կառուցելու մեջ (տեսանյութ) Ադրբեջանական ԶՈՒ–ն գիշերը կրակ է բացել Սյունիքի մարզի ուղղությամբ Արտակարգ դեպք. Սյունիքի մարզում էլեկտրաենթակայան է այրվում Հայաստանը Եվրոպա է և վերջ. ՀՀ-ում պիտի արտահերթ խորհրդարանական ընտրություններ անցկացվեն