«Հրապարակ». Չեն թույլատրի գնալ աշխատանքի, չեն վճարի աշխատավարձ եւ կազատեն աշխատանքից

«Հրապարակ» թերթը գրում է. «Պետական համակարգի եւ մասնավոր ոլորտի այն աշխատողներին, որոնք չեն պատվաստվի կամ թեստավորվի եւ տեղեկանքներ չեն ներկայացնի գործատուին, գործատուն իրավունք կունենա չթույլատրել ներկայանալ աշխատանքի, չվճարել աշխատավարձ, ինչպես նաեւ ազատել աշխատանքից։ Օրենսդրական նման փոփոխություններ է մշակել կառավարությունը՝ առաջարկում է լրացումներ կատարել Աշխատանքային օրենսգրքում, «Հանրային ծառայության մասին» օրենքում, որոնցով սահմանվում են աշխատողին աշխատանքի չթույլատրելու, գործատուի կողմից աշխատանքային պայմանագիրը լուծելու, հանրային պաշտոն զբաղեցնող անձին կամ ծառայողին աշխատանքի չթույլատրելու եւ զբաղեցրած պաշտոնից ազատելու հիմքերը:

Խոսքն այն դեպքերի մասին է, երբ աշխատանքի ներկայանալիս աշխատողի կողմից չեն ներկայացվում բնակչության սանիտարահամաճարակային անվտանգության ապահովման մասին օրենսդրությամբ սահմանված փաստաթղթերը։ Գործատուն նաեւ իրավունք կունենա աշխատանքից ազատել աշխատակցին, եթե ավելի քան 30 օր անընդմեջ կամ վերջին 12 ամսվա ընթացքում` ավելի քան 50 օր աշխատողն իր աշխատանքային պարտականությունները չի կատարել։

Սույն կարգավորումները չեն տարածվի հանրապետության նախագահի, ԱԺ պատգամավորների, վարչապետի, համայնքի ղեկավարների եւ ավագանու անդամների, ՄԻՊ-ի, ՍԴ դատավորների, անկախ պետական մարմնի անդամների, ինքնավար մարմինների անդամների, Վիճակագրության խորհրդի անդամի, դատավորների, գլխավոր դատախազի պաշտոնների վրա: Ահա հասարակության եւս մի դասակարգում սեւերի ու սպիտակների»:

Այս թեմայով Կարմրուկը մանկական անվնաս հիվանդություն չէ․ ՀՀ ԱՆ-ն կոչ է անում պատվաստվել Տղամարդը 217 անգամ պատվաստվել է կորոնավիրուսի դեմ Կապույտ հազի վարակման դեպքերի թիվն աճում է․ մասնագետը հորդորում է պատվաստվել Կարմրուկով կարող է հիվանդանալ ցանկացած անձ, ով չի պատվաստվել կամ նախկինում չի հիվանդացել. ԱՆ Ավանեսյանը, գերատեսչության պաշտոնատար անձինք ու աշխատակիցները պատվաստվել են սեզոնային գրիպի դեմ Աշխարհում կարմրուկի համաճարակային իրավիճակից ելնելով՝ արտերկիր մեկնողներին ԱՀ-ն հորդորում է նախապես պատվաստվել Օտարերկրացիները կարող են անվճար պատվաստվել կարմրուկի դեմ Եթե չեք հիշում, որ պատվաստվել ենք ընդդեմ կարմրուկի, ապա կարող եք անել դա հիմա. նախարար (տեսանյութ) 2022-ին Երեւանում ստերջացվել է 3673 շուն, պատվաստվել 2272-ը, քնեցվել՝ 852-ը. քաղաքապետարան Հայաստանում սպասվում է սեզոնային գրիպի ակտիվացում. Առողջապահության նախարարն իր օրինակով հորդորեց պատվաստվել