44-օրյա պատերազմի հանգամանքներն ուսումնասիրող հանձնաժողովի պատասխաններն ավելի շատ մեզ են պետք, քան ընդդիմությանը. Սիմոնյան

Արցախի 44-օրյա պատերազմի հանգամանքներն ուսումնասիրելու համար քննիչ հանձնաժողովը կստեղծվի և կգործի: Այս մասին վստահեցրեց ԱԺ նախագահ Ալեն Սիմոնյանը՝ խորհրդարանում լրագրողների հետ զրույցում՝ անդրադառնալով հարցին, թե քննիչ հանձնաժողովի ստեղծումն ի՞նչ փուլում է:

«Մենք մի ծիծաղելի խնդիր ունենք նաև: Ունենք պատգամավորներ՝ թե իշխանական, թե ընդդիմադիր խմբակցություններից, որոնք մինչև օրս, օրինակ, գաղտնիության հետ կապված՝ իրենց փաստթղթերը չեն ներկայացրել և չեն ստորագրել: ԱԺ-ն ձևավորման փուլում է, դեռ ավարտված չէ, բազմաթիվ գործընթացներ կան, որոնք դեռ ավարտի հասցված չեն»,- ասաց Սիմոնյանը:

Նա հիշեցրեց, որ հանձնաժողովի ստեղծման մասին հայտարարություն արել է հենց ինքը: «Այդ հանձնաժողովը, բնական է, լինելու է և գործելու է»,- ասաց ԱԺ նախագահը:

Անդրադառնալով հարցին, թե արդյոք իշխանությունը պատրա՞ստ է ընդդիմությանը զիջել հանձնաժողովի նախագահությունը, քանի որ մտավախություն կա, որ, եթե իշխանությունը գլխավորի, արդար քննութուն չի լինի՝ Սիմոնյանն ասաց. «Եթե այդպես լիներ, ուրեմն այդ ֆորմատները նախատեսված չէին լինի, կասեին, որ այդ ֆորմատում պետք է լինի միայն ընդդիմությունը: Դե իրենք մի բան պետք է ասեն, ասում են: Դա նշանակում է՝ ԱԺ էլ թող չգան, որովհետև մենք այստեղ մեծամասնություն ենք, իրենք չեն կարող օրենք անցկացնել: Այդ տրամաբանությունն արդարացում է սեփական աշխատանքը չանելու կամ գիտակցելով, որ միգուցե այդ աշխատանքն իրենց ուզած արդյունքներին չի բերելու: Այդ հանձնաժողովի պատասխաններն ավելի շատ մեզ են պետք, քան ընդդիմությանը»:

Այս թեմայով Հայաստանը բախվում է անվտանգության սպառնալիքների. Ալեն Սիմոնյանը՝ լեհ փորձագետներին Սիրելի՛ մայրեր, ձեր զորությունը բոլորիս ուժն է և բարի գործերի մղելու հիմնավոր պատճառը. Ալեն Սիմոնյան Ես ցավում եմ, որ ինձ ուղղված անձնական վիրավորանքից հունից դուրս եկա. Ալեն Սիմոնյան Օգնում ենք Սեյրան Օհանյանին, որ փորձի ապացուցել՝ ժամանակին ճիշտ քայլ է արել․ Ալեն Սիմոնյան ՀՀ-ն ամեն գնով ապահովելու է իր անվտանգությունը․ որոշումը կայացված է․ Ալեն Սիմոնյան Լավրովը փաստեց՝ ինքը սխալ էր, ես՝ ճիշտ. Ալեն Սիմոնյան Անառողջ տարեց մարդկանց վիճակը շահարկելը, դրա հաշվին դիվիդենտներ ստանալը ամենավերջին բանն է, որ կարելի էր պատկերացնել. Սիմոնյան Սիմոնյանը՝ «Հայաստան» խմբակցության երեք պատգամավորի անձեռնմխելիությունից զրկելու գործընթաց սկսելու մասին «Ես ալենական եմ». Ալեն Սիմոնյանը՝ ՔՊ-ում պապիկյանականների և ավինյանականների բաժանման մասին «Փաշինյանին դժվարությամբ ենք համոզել, որ համաձայնի լինել ՔՊ վարչության նախագահ»