Ով ում է աջակցում Մեղրիում․ ընտրություններին ընդառաջ կրքերը լարվել են

Սույն թվականի հոկտեմբերի 17-ին Սյունիքի մարզի Մեղրի համայնքում կայանալու են հերթական ՏԻՄ ընտրությունները: Համայնքապետի ընտրություններին մասնակցում է 4 ուժ՝ «Քաղաքացիական պայմանագիր», «Հանրապետություն», «Ապրելու երկիր» և «Ազատական» կուսակցությունները: Մեղրիում ընտրություններից առաջ կրքերը լարվել են, ինչը նկատելի է հատկապես առաջին երեք կուսակցությունների և նրանց թեկնածուների միջև։

Մենք զրուցել ենք համայնքապետի թեկնածուների հետ՝ պարզելու, թե ինչպես է ընթանում քարոզարշավը և ինչպիսի տրամադրություններ են տիրում Մեղրիում։ «Քարոզարշավն անցկացվում է օրենքով սահմանված կարգով, ներկա պահին խոչընդոտներ չկան»,- այս մասին ԼՈՒՐԵՐ․com-ի հետ զրույցում ասաց «Հանրապետություն» կուսակցության թեկնածու Բագրատ Զաքարյանը։

Սակայն, անդրադառնալով իշխող ուժի թեկնածու Մեղրիի ՔՊ-ական համայնքապետի պաշտոնակատար Արարատ Թումանյանին՝ նշեց, թե վերջինիս մոտ հիվանդագին մոտեցումներ է նկատում․ «Դա կարելի է տեսնել իրենց ֆեյսբուքյան էջերում, որտեղ իմ հասցեին հայտարարություններ են արվում, բայց ուշադրություն չենք դարձնում։ Դա հոգեբանական ոչ ճիշտ մոտեցում է, շեղվածություն՝ նորմալ քարոզարշավի իրական վիճակից»։

Ինչ վերաբերում է ժողովրդի վերաբերմունքին «Հանրապետություն» կուսակցության  նկատմամբ և ընտրություններում հաղթելու շանսերին, ապա Զաքարյանը նշեց՝ եթե վստահ չլինեին, որ մեղրեցիները իրենց ձայն կտան, չէինք մտնի պայքարի մեջ։ Հարցին՝ տեսնելով իշխող ուժի նկատմամբ ժողովրդի վերաբերմունքը մտավախություն չունի՞ որ հնարավոր է չհաղթի՝ Զաքարյանն ասաց․ «Ժողովրդի վերաբերմունքը իշխանության նկատմամբ բարձր եմ գնահատում։ Մեր քաղաքացիները գիտեն, որ ես հակաիշխանական թև չեմ համարվում, որովհետև մեր գաղափարները ներկայիս կառավարության հետ նույնանման են հայրենիքի կառուցման ու անվտանգության մասով»,- ասաց նա։ 

Դիտարկմանը՝ այսինքն կարող ենք արձանագրել, որ լավ հարաբերություններ ունի ներկա իշխանության, բայց ոչ Մեղրիում ՔՊ-ի թեկնածուի՞ հետ՝ Զաքարյանը դրական պատասխան տվեց․ «Այն վերաբերմունքը, որ կա իմ քաղաքական հակառակորդի կողմից ճիշտ չէ և այն վեր է ածվում անձնական մոտիվացիաների, դրդումների՝ տանելով հրահրումների։ Սակայն, սա չպետք է նույնացնենք ՔՊ-ի հետ, քանի որ մի անձով չի կարելի բնութագրել մի ամբողջ քաղաքական թիմի։ Արհամարհական մոտեցում ունեմ ոչ թե ՔՊ-ի, այլ նրա քաղաքապետի թեկնածուի վարքի նկատմամբ»,- նշեց համայնքի ղեկավարի թեկնածուն։  

Իր թեկնածությունն առաջադրելն էլ Բագրատ Զաքարյանը պայմանավորում է Մեղրիի համայնքապետի պաշտոնակատար նշանակված Արարատ Թումանյանի անձով․ «20 տարուց ավելի եղել եմ պետության զինվոր, ծառայել եմ ԶՈւ-երում, այնուհետև ԱԻՆ-ում, աշխատել եմ Առողջապահության և աշխատանքի տեսչական մարմնում, որը գտնվում է վարչապետի հսկողության տակ։ Երբ տեսա՝ ով է նշանակվել Մեղրիի համայնքապետի պաշտոնակատար, վստահություն չունեի, որ նա կկարողանա ղեկավարել տարածաշրջանը և ճշգրիտ լուծումներ տալ խնդիրներին։ Դրա համար որոշում կայացրի առաջադրվել որպես համայնքի ղեկավարի թեկնածու»,- նշեց նա։

Մեղրիի ընտրություններում «Ապրելու երկիր» կուսակցության թեկնածուն Արմեն Հայրապետյանն է, որը 2018-ի  խորհրդարանական արտահերթ ընտրություններին առաջադրվել է ԼՀԿ-ի ցուցակով: Սակայն, նա խորհրդարանական վերջին՝ 2021-ի արտահերթ ընտրություններին աջակցում էր «Հայաստան» դաշինքին: Ըստ լուրերի՝ անազատության մեջ գտնվող Մեղրիի նախկին քաղաքապետ Մխիթար Զաքարյանն ու նրա շրջապատն ամեն ինչ անում են Հայրապետյանին օգնելու համար: ԼՈՒՐԵՐ․com-ի հետ զրույցում «Ապրելու երկիր» կուսակցության թեկնածու Արմեն Հայրապետյանը հերքեց տեղեկությունները․ «Մխիթար Զաքարյանի շրջապատից որևէ մեկի կողմից աջակցություն չեմ ստացել, բացարձակ սուտ լուրեր են։ Ինչ վերաբերում է քարոզարշավին, ապա այն ընթանում է նորմալ՝ բնակիչների հետ ամենօրյա հանդիպումներով։ Խոչընդոտների, ճնշումների չենք հանդիպել։ Մեր շանսերը բարձր ենք գնահատում, ժողովուրդը տրամադրված է շատ դրական։ «Կառուցենք Ապրելու Մեղրի»՝ ահա մեր կարգախոսը»,- ասաց համայնքի ղեկավարի թեկնածուն։ 

Ավելի վաղ ԼՈՒՐԵՐ․com-ը զրուցել էր նաև Մեղրի համայնքի ղեկավարի պաշտոնակատար, ՔՊ-ական թեկնածու Արարատ Թումանյանի հետ, որը վստահ էր՝ այս ընտրություններում ևս ժողովուրդն իր կամընտրությունը կարտացոլի․ «Այժմ Մեղրիում չկա վախի մթնոլորտ, որը տիրում էր մինչ խորհրդարանական ընտրությունները, չկան «բոբոները», որոնցից վախի սարդոստայնով գործված էր հասարակ ժողովուրդը»,- ասել էր Թումանյանը։ Խոսելով վարչապետի կողմից հնարավոր աջակցության մասին իշխող ուժի թեկնածուն նշել էր․ «Ես պարոն Փաշինյանի կողմից միայն էներգետիկա եմ ստանում, թեկուզև միայն հեռուստացույցից»։ Ի դեպ, նա զբաղվում էր դիզելային վառելիքի ներկրմամբ, սակայն պաշտոնի անցնելուց հետո դադարել է զբաղվել գործարարությամբ՝ իրեն պատկանող ընկերությունները տալով իր մերձավորին։ 

Նշենք, որ «Ազատական» կուսակցության թեկնածուն Խաչատուր Անդրեասյանն է: Կարգախոսն է՝ «Հանուն Մեղրիի նոր ապագայի»։ Անդրեասյանը զբաղվել է բիզնեսով, ԵԿՄ անդամ է, ԵԿՄ Մեղրիի տարածքային բաժանմունքի  ղեկավարն է եղել, Սյունիքի մասնաճյուղի փոխնախագահը, նախագահը, այնուհետեւ՝ ԵԿՄ վարչության անդամ։ 

Սոնա Հարությունյան

Այս թեմայով Պապուա Նոր Գվինեան արժանի չէ մարդակերության երկիր կոչվելու. վարչապետ Զելենսկին նշել է հինգ երկիր, որոնք կկանգնեն պատերազմի առաջ, եթե Ուկրաինան պարտվի Ապրելու իրավունքը վերագտնելու համար պայքարել և ապստամբել է պետք․ Դավիթ Անանյան Վայոց ձորում իրանական համարանիշերով բեռնատարը կողաշրջվել է «Ապրելու ուժ տվեց Դավիթիս երազանքի իրականացումը՝ Դադիտան կառուցումը». Դավիթ Ուզունյանն անմահացել է հոկտեմբերի 1-ին Եղնիկներում. «Փաստ» ՀՀ-ն առողջապահական ծրագրերը դիտարկում է ոչ թե ծախս, այլ ներդրում ինքնիշխան երկիր կառուցելու մեջ (տեսանյութ) «Ժողովուրդ». Ովքե՞ր կլինեն ՄԻԵԴ-ի 3 լավագույն թեկնածու դատավորները. ընտրելու ժամանակ է տրված Ֆրանսիական քաղաքի քաղաքապետի տանը 70 կիլոգրամ կանեփ է հայտնաբերվել Հայաստանը Եվրոպա է և վերջ. ՀՀ-ում պիտի արտահերթ խորհրդարանական ընտրություններ անցկացվեն «Ժողովուրդ». ՔՊ-ն կհանդիպի ՍԴ դատավորի թեկնածու Դավիթ Խաչատուրյանի հետ. իշխանությունը դրական է տրամադրված