«Յուղոտ» պաշտոններ՝ նախկին պաշտոնյաների և օլիգարխների ազգականներին

Հեղափոխությունից հետո Նիկոլ Փաշինյանը և իր թիմը խոստացել էին թերթել նախկին իշխանությունների արատավոր պրակտիկայի էջը և պետական պաշտոններում բացառել այս կամ այն պաշտոնյայի ազգականի հայտնվելը: Երեք տարի անց պետք է փաստենք, որ ՔՊ-ն ոչ միայն չի թերթել տվյալ էջը՝ պաշտոնների նշանակելով իմքայլական պաշտոնյաների խնամի-ծանոթ-բարեկամներին, այլև նույնիսկ չի խորշում պաշտոններ առաջարկել բազմիցս քննադատված և մերժված նախկին իշխանությունների ներկայացուցիչներին, այդ իշխանություններին մոտ կանգնած օլիգարխներին և վերջիններիս ազգականներին:

Դիցուք՝ 2020 թվականի փետրվարի 10-ին ՀՀ Քննչական կոմիտեի Երևան քաղաքի վարչական շրջանների քննչական բաժինների գործունեության վերահսկողության բաժնի պետ է նշանակվել ՀՀ Հատուկ քննչական ծառայության նախկին պետ Վահրամ Շահինյանի որդին՝ Նարեկ Շահինյանը։

ՊԵԿ-ում կառուցվածքային փոփոխությունների արդյունքում Տիգրան Զաքարյանը նշանակվել էր միավորված վարչությունների պետի տեղակալ։ Սակայն, ՊԵԿ այն ժամանակվա նախագահ Դավիթ Անանյանի այդ հրամանը Սերժ Սարգսյանի օգնական Մարտին Զաքարյանի տղայի համար ուժի մեջ է մնացել միայն 1 օր։ Թերևս, համարելով տեղակալի պաշտոնը ոչ հարիր՝ Տիգրան Զաքարյանի քմահաճույքը բավարարվեց, և նա նշանակվեց «գերեկամտաբեր» Արարատյան մաքսատան պետ։ Նշենք, որ Զաքարյանը այս պահին այդ պաշտոնը այլևս չի զբաղեցնում:

Միքայել Մինասյանը՝ Երևանի ավագանու նախկին անդամ Գրիգոր Մինասյանի և Վատիկանում ՀՀ նախկին դեսպան, 3-րդ նախագահ Սերժ Սարգսյանի փեսա Միքայել Մինասյանի հորեղբոր որդին էլ նշանակվել էր  Արդարադատության նախարարության աշխատակազմի ղեկավար:

Ինչպես հայտնի է` այսօր էլ Նիկոլ Փաշինյանը մի շարք համայնքներում համայնքապետերի ժամանակավոր պաշտոնակատարներ է նշանակել: Ջերմուկում նշանակված Վահագն Արսենյանը, մամուլի տեղեկություններով, ՀՀԿ-ական նախկին պատգամավոր, «Ջերմուկ Գրուպ»-ի սեփականատեր Աշոտ Արսենյանի որդին է։ Ուշագրավ է, որ Բադեն-Բադենը քարոզչական դրոշակ դարձրած Նիկոլ Փաշինյանի հույսը ՀՀԿ-ական երբեմնի ամենակարկառուն գործարարներից մեկն է, մասնավորապես՝ նրա որդին։ Ոչ վաղ անցյալում մամուլը բազմաթիվ անգամներ գրել է, որ  Արսենյանը Սերժ Սարգսյանի Բադեն-Բադենի ուղեկիցն է եղել։

Այս թեմայով «Ժողովուրդ». Օրինապահից դեպի «բարձր ռիսկային խումբ» մեկ քայլ է Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար «Իմ Քայլ»-ի բարեգործական ընթրիքը նպատակ ունի աջակցել կին գործարարների գործունեության ընդլայնմանը Որևէ մտահոգիչ քայլ չի արվում. ՊՆ փոխնախարարը՝ Տավուշին հարակից գյուղերի մասին Եթե մեր քայլից հետո Ադրբեջանը ընդառաջ քայլ չանի, ուրեմն կմտնենք տուպիկ. Աղազարյան «Այս շփումների վերջնական անկեղծությանը կդժվարանամ հավատալ, քանի դեռ գործնական հողի վրա որևէ քայլ չի արձանագրվել». «Փաստ» Էդգար Սևիկյանը հունգարական «Ֆերենցվարոշ» տեղափոխությունը կարևոր քայլ է համարում «Շատ եմ զրուցում Խաչիկի հետ, պատկերացնում, թե ինչ-որ քայլ անելուց առաջ նա ինչ կմտածեր. չէր սիրում, որ մարդիկ չարանում էին». Խաչիկ Գրիգորյանն անմահացել է 2022 թ. սեպտեմբերի 13-ին Շիկահողում. «Փաստ» Մեր երազանքների Ալավերդի համայնքը քայլ առ քայլ կերտելու ենք. Արեն Մկրտչյան