«Լեռնային Ղարաբաղ այլևս գոյություն չունի». Ալլահշուքյուր Փաշազադե

Հոկտեմբերի 13-ին Մոսկվայում (Ռուսաստանի Դաշնություն)՝ Ս. Դանիելի պատրիարքանիստ վանքում, միջնորդությամբ Մոսկվայի և Համայն Ռուսիո Կիրիլ Պատրիարքի, տեղի ունեցավ Ռուսաստանի, Հայաստանի և Ադրբեջանի հոգևոր առաջնորդների հանդիպումը։

Հանդիպումից հետո Կովկասի ժողովուրդների բարձրագույն կրոնական խորհրդի նախագահ Ալլահշուքյուր Փաշազադեն հայտարարել է, թե «Լեռնային Ղարաբաղ այլևս գոյություն չունի»:

«Իրավիճակը, որը ծագեց այն բանից հետո, երբ 2020 թվականի նոյեմբերի 10-ին երեք երկրների առաջնորդները ստորագրեցին հայտարարություն, որը վերջ դրեց Ադրբեջանի և Հայաստանի միջև ռազմական գործողություններին և զինված հակամարտությանը, նոր դարաշրջանի հնարավորություններ է ստեղծում Հարավային Կովկասում, և այսուհետ այնտեղ ռևանշիստական ​​հռետորաբանության, վրեժխնդրության, թշնամանքի կոչերի համար տեղ չպետք է լինի, անհրաժեշտ է համագործակցություն սկսել ի շահ երկու ժողովուրդների»,- ասել է նա:

Փաշազադեն նաեւ նշել է, թե իբր «Ադրբեջանի քաղաքական եւ աշխարհագրական քարտեզի վրա չկա Լեռնային Ղարաբաղ անունով տարածքային միավոր»:

«Այսօր Ստեփանակերտում և հարակից բնակավայրերում ապրող հայերը, ինչպես մյուս էթնիկ խմբերի ներկայացուցիչները, Ադրբեջանի քաղաքացիներ են և պարտավոր են ենթարկվել ադրբեջանական օրենսդրությանը: Ինչ վերաբերում է կարգավիճակին, ապա այդ հարցը Ադրբեջանի համար քննարկման առարկա չէ», - ասել է Փաշազադեն:

Նշենք, որ 2008 թվականին Լոս Անջելեսի հանդուրժողականության կենտրոնի ղեկավար, ռաբբի Աբրահամ Քուփերի հետ հանդիպմանը Փաշազադեն հայտարարել է, թե հայերի հետ բանակցությունները չեն հանգեցնում ղարաբաղյան հակամարտության լուծմանը, քանի որ «սուտը և դավաճանությունը հայերի արյան մեջ են»: 

Այս թեմայով Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար Օկուպացված Քաշաթաղի շրջանում գտնվող Զորախաչ եկեղեցին՝ ադրբեջանական թիրախում