Իսրայելի ԱԳՆ-ն հայտարարել է, որ Իրանը մոտենում է միջուկային զենքին

Իրանի հետ բանակցությունների ամեն օր ձգձգումը Թեհրանին մոտեցնում է միջուկային զենքի ստեղծմանը, Իսրայելը իրեն իրավունք է վերապահում ցանկացած պահի և ցանկացած եղանակով դա կանխել: Այս հայտարարությունը չորեքշաբթի օրը կատարել է Իսրայելի ԱԳ նախարար Յաիր Լապիդը Վաշինգտոնում ԱՄՆ պետքարտուղար Էնթոնի Բլինկենի և ԱՄԷ-ի ԱԳ նախարար շեյխ Աբդալլա բեն Զաիդ ալ Նահայյանի հետ համատեղ ասուլիսում, հաղորդում է ՏԱՍՍ-ը:

«Իմ այցի կենտրոնում (Վաշինգտոն - նշում է ՏԱՍՍ-ը) Իրանի միջուկային սպառազինման մրցապայքարն է, Իրանի վերածվելը նախաշեմային միջուկային պետության: Ամեն անցնող օր, ցանկացած հետաձգում և բանակցությունների ձգձգումն Իրանին մոտեցնում է միջուկային ռումբին: Եթե ահաբեկչական ռեժիմը միջուկային զենք ստանա, մենք պետք է գործենք: Իսրայելն իրեն իրավունք է վերապահում գործելու ցանկացած պահի և ցանկացած միջոցով, որը ոչ միայն մեր իրավունքն է, այլև մեր պատասխանատվությունը»,- ասել է Լապիդը:

«Մենք պետք է հստակեցնենք, որ քաղաքակիրթ աշխարհը դա թույլ չի տա (Իրանը ստանա միջուկային զենք - ՏԱՍՍ): Իրանի ռեժիմը հրապարակավ հայտարարել է, որ ցանկանում է մեզ (Իսրայել - ՏԱՍՍ) ջնջել երկրի երեսից: Մենք չենք պատրաստվում թույլ տալ դա անել», - հավելել է Իսրայելի ԱԳՆ ղեկավարը: Լրագրողի հարցին ի պատասխան` նա ասել է, որ Իսրայելը եւ ԱՄՆ-ն «քննարկում են դիվանագիտության ձախողման դեպքում գործողությունների այլ տարբերակներ»:

«Մենք պատմության նոր գլուխ ենք գրում:», - շարունակել է Լապիդը՝ դիմելով ԱՄՆ-ի և ԱՄԷ-ի գործընկերներին: «Ես շնորհակալ եմ երկուսիցդ էլ այս դաշինքի համար, ձեր բարեկամության համար. դրանք հույս են ներշնչում ողջ աշխարհին», - ասել է Լապիդը:

Այս թեմայով «Ամոթ քեզ»․ Իսրայելի արտգործնախարարը նախատել է Էրդողանին Իսրայելը ներկայումս կանգնած է էկզիստենցիալ սպառնալիքի առաջ․ Նեթանյահու Էս կապիկից առաջացածները էկել հայ ազգի ճակատագիրն են որոշում. Իսրայել Հակոբկոխյան (տեսանյութ) Իսրայելը ծրագրել էր հակահարված տալ Իրանին ապրիլի 15-ի երեկոյան․ ԶԼՄ Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Բաքուն համաձայնել է Իրանի դեմ օդային հարձակումների համար տրամադրել երեք ռազմակայան ԱՄՆ-ում բացատրել են, թե ինչու են պաշտպանում Իսրայելին, բայց ոչ Ուկրաինային Իսրայելը որոշել է «հնարավորինս շուտ» հարված հասցնել Իրանին Իսրայելի պաշտպանության բանակը խոստացել է պատասխանել Իրանին Նեթանյահուն բանակին հանձնարարել է Իրանի վրա հարձակման համար թիրախներ առաջարկել