Հարևանի հյուրին սպանած 46-ամյա քաղաքացին կալանավորվել է

Հաղթանակ թաղամասի բնակիչը կալանավորվել է՝  սպանության մեղադրանքով: Այս մասին հայտնում են ՀՀ քննչական կոմիտեի տեղեկատվության և հասարակայնության հետ կապերի բաժնից:

«ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում շարունակվում է Հաղթանակ թաղամասում տեղի ունեցած սպանության դեպքի առթիվ հարուցված քրեական գործի նախաքննությունը:

Ավելի վաղ տեղեկացրել էինք, որ 2021թ. հոկտեմբերի 12-ին՝ ժամը 01:40-ին, կրծքավանդակի կտրած-ծակած վերք ախտորոշմամբ  բժշկական կենտրոն էր տեղափոխվել տղամարդու դի:

Ձեռնարկված քննչական և դատավարական այլ գործողությունների, ինչպես նաև ՀՀ ոստիկանության աշխատակիցների հետ համատեղ իրականացված միջոցառումների արդյունքում պարզվել էին տղամարդու՝ կյանքի հետ անհամատեղելի մարմնական վնասվածքներն ստանալու հանգամանքները, դեպքի վայրը, շարժառիթը, ենթադրյալ հանցագործություն կատարած անձի ինքնությունը, ով Հաղթանակ թաղամասի բնակիչ է՝ 46 տարեկան:

 Քննությամբ փաստական տվյալներ էին ձեռք բերվել այն մասին, որ Երևան քաղաքի Հաղթանակ թաղամասում ավտոմեքենայի կայանման հարցի շուրջ վիճաբանություն էր տեղի ունեցել նույն թաղամասի 46-ամյա բնակչի և հարևանի հյուրի միջև, որի ընթացքում էլ 46-ամյա տղամարդը դանակով դիտավորությամբ հարվածել էր տուժածի կրծքավանդակի ձախ կեսի առաջային պատին, որի հետևանքով վերջինս մահացել էր՝ հիվանդանոց տեղափոխվելու ճանապարհին:

 Ձեռք բերված բավարար ապացույցների համակցությամբ՝ Հաղթանակ թաղամասի 46-ամյա բնակչին մեղադրանք է առաջադրվել՝ ՀՀ քրեական օրենսգրքի 104-րդ հոդվածի 1-ին մասով: Նրա նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»:

Այս թեմայով «Ալաշկերտ»-ը հաղթանակ կորզեց «Վան»-ի դեմ խաղում Հլը թև-թև մտեք, հետևս էլ կանգնեք, տեսնեմ՝ ով ա գալու հետս մինչև վերջ, մինչև հաղթանակ. Չախալյան Բարսեղյանի դուբլն ու գոլային փոխանցումը հաղթանակ է պարգևում Սլովանին 2024 «Լիվերպուլը» կամային հաղթանակ տարավ «Բրայթոնի» նկատմամբ եւ առաջատարն է (տեսանյութ) Վիճաբանություն և դանակահարություն Հաղթանակ թաղամասում. կա ձերբակալված անձ Պելեգրինիի գոլը հաղթանակ բերեց «Ռոմային» (տեսանյութ) Սա արժանի հաղթանակ էր․ Տուխել Արսեն Հարությունյանը 10:0 հաշվով վստահ հաղթանակ է տարել և դուրս եկել ԵԱ-ի կիսաեզրափակիչ Սա մեծ հաղթանակ է մեզ համար․ Էրիկ տեն Հագը՝ Ասթոն Վիլլայի հետ խաղի մասին «Հաղթանակ» կամրջի մոտ բախվել են Mercedes, Lexus և Nissan մակնիշի ավտոմեքենաները. կան վիրավորներ