Փաշինյանն ու թիմը կրկին «քցեցին» հպարտ քաղաքացիներին, ովքե՞ր են միակ արտոնյալները

Երբ առողջապահության նախարարությունը հայտնեց իր՝ պարտադիր պատվաստման կամ թեստավորման որոշման մասին, ի սկզբանե նշվում էր, որ այդ որոշման լուսանցքում են մնացել մի շարք առանցքային բարձրաստիճան պաշտոնյաներ: Նախարարությունից շտապեցին հանդարտեցնել հանրային կրքերը, և անձամբ նախարար Ավանեսյանը հայտարարեց, որ այդ որոշումը վերաբերվելու է ոչ միայն հպարտ քաղաքացիներին, այլ նաև պաշտոնյաներին:

Սակայն, երեկ հպարտ քաղաքացիները ստիպված էին կանգնել այն փաստի առաջ, որ իրենց կրկին ստել են: Բանն այն է, որ արդարադատության նախարարությունը տարածել է աբսուրդալի և ծիծաղաշարժ մեկնաբանություն, թե ինչու բարձրաստիճան պաշտոնյաները չեն կարող ազատվել աշխատանքից և հետևաբար կարող են նաև չպատվաստվել: Պարզվում է ՝ նրանց` վարչապետին, նախագահին, դատավորներին, պատգամավորներին ընտրել է ժողովուրդը, հետևաբար նրանք չունեն վերադաս, ով վերջիններիս կազատի աշխատանքից: Ժողովուրդը, իհարկե, կարող է խնդրել թարմացնել իր հիշողությունը և հուշել, թե երբ է ինքը վերջին անգամ ընտրել նախագահ կամ դատավոր, սակայն, ժողովուրդը դրա ժամանակը դժվար ունենա. պատվաստման և կորոնա թեստերի հանձնման հերթերի մեջ է:

Իսկ ի՞նչ հիմնավորմամբ են ստիպելու պատվաստվել կամ թեստավորվել այն գործարարին, ով աշխատում է օֆիսում, սակայն, ինքն իր վրա: Նրան ո՞ր վերադասն է ազատելու աշխատանքից: Կամ եթե պատգամավորներին կարող է պատժել կամ աշխատանքից զրկել միայն ժողովուրդը, ապա ինչո՞ւ են իրավապահները կալանավորել ընդդիմադիր պատգամավորներին. թողնեին ժողովուրդը հարցերը կլուծեր: Ասել, որ տվյալ հիմնավորումը ծիծաղելի է և զավեշտալի, նշանակում է ոչինչ չասել: Սա միակ դեպքը չէ, երբ ժողովրդի ծոցից ելած հեղափոխականներն իրենց այդ ժողովրդից արտոնյալ  են դասում: Դեռևս համավարակի առաջին փուլում, երբ դիմակները պարետի որոշմամբ դարձել էին պարտադիր, այդ պարտադրանքը շատ ուշագրավ կերպով շրջանցեց պաշտոնյաներին: Նույնը կարելի է ասել վիրավորանքի դեպքում, այսինքն` շարքային հպարտ քաղաքացուն վիրավորել կարելի է, իրենց՝ պաշտոնյաներին, ոչ:

Ակնհայտ է, որ հեղափոխական թիմը վաղուց շեղվել է իր իսկ կողմից իրականացված հեղափոխության արժեքներից:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)