Ինչպես է «բախտը ժպտում» ունեզրկման սպառնալիքի առջև կանգնած նախկին բարձրաստիճան պաշտոնյաներին

Դատախազության ապօրինի ծագում ունեցող գույքի բռնագանձման գործերով վարչությունը Երևան քաղաքի առաջին ատյանի ընդհանուր իրավասության դատարան հայցադիմում է ներկայացրել ԱԱԾ աշխատակից  Սերոբ Ռազմիկի Հարությունյանից և Անուշ Արարատի Անտոնյանից` ապօրինի ծագում ունեցող գույքը հօգուտ Հայաստանի Հանրապետության բռնագանձելու վերաբերյալ։ Այն ընդունվել է վարույթ: Դատախազության հանրային կապերի վարչության փոխանցմամբ` սա աառաջին հայցադիմումն է։

Սերոբ Հարությունյանը ԱԱԾ հակահետախուզության դեպարտամենտի իրավապահ համակարգի սպասարկման եւ վերահսկման բաժնի պետն էր, 2020-ին Հատուկ քննչական ծառայությունը նրա նկատմամբ քրեական հետապնդում էր սկսել տարածքային կառավարման և ենթակառուցվածքների նախարար Սուրեն Պապիկյանի անձնական կյանքի գաղտնիք համարվող, ոչ հանրամատչելի տեղեկությունն ապօրինի հավաքելու, պահելու և այդ տեղեկությունն այլ անձի կողմից ապօրինի տարածելու դեպքերի առթիվ։ Պապիկյանն այս գործով ճանաչվել էր տուժող։ Սակայն 2021-ին Սերոբ Հարությունյանի նկատմամբ քերական հետապնդումը դադարեցվել է, եւ նա ձեռք է բերել արդարացվածի կարգավիճակ։  

Ուշագրավն այստեղ այն չէ, որ իշխանությունների առաջին թիրախը՝ իմքայլականների դեմ ինչ-ինչ քայլերով աչքի ընկած անձն է, այլ այն, որ երեք տարի շարունակ Նիկոլ Փաշինյանն ու իր թիմը լրիվ այլ անուններ էին հնչեցնում և լրիվ այլ պաշտոնյաների էին սպառնում ունեզրկմամբ:

Օրինակ՝ Սյունիքի նախկին ոստիկանապետ Հունան Պողոսյանն իր պաշտոնավարման ընթացքում մամուլի և հենց Փաշինյանի կողմից մեղադրվել է բռնություն գործադրելու և ապօրինի հարստացման մեջ։ Փաշինյանը` որպես վարչապետ, հաճախ էր հիշատակում երկրորդ նախագահ Ռոբերտ Քոչարյանի 4 միլիարդի հասնող, իր խոսքերով` ապօրինի ծագում ունեցող ունեցվածքը, Սաշիկ Սարգսյանի 50 տոկոսները, Երևանում դղյակներ ունեցող պաշտոնյաներին` թերևս նկատի ունենալով նախկին վարչապետ Հովիկ Աբրահամյանին, այստեղ, ըստ մամուլի հրապարակումների, առանձնատուն ունի ՊԵԿ նախկին նախագահ Վարդան  Հարությունյանը, նախկին ոստիկանապետ Վլադիմիր Գասպարյանը, նախկին վարչապետ Կարեն Կարապետյանը:

Փաշինյանի և նրա թիմակիցների կողմից շուրջ երեք տարի հոլովվող բարձրաստիճան նախկին պաշտոնյաների անունների կողքին Սերոբ Հարությունյանն իսկապես աննշան թիրախ է, բայց արի ու տես, որ երեք տարվա դեգերումներից հետո ունեզրկման գործընթացն սկսվում է ոչ թե վերը թվարկած պաշտոնյաներից մեկից, այլ հենց նրանից: Տպավորություն է ստեղծվում, որ ինչպես և նախկին իշխանությունների օրոք, հիմա էլ խոշորներին կշրջանցեն, իսկ ունեզրկման գործընթացի ողջ հաճույքը իրենց վրա կզգան հիմնականում միջին օղակի նախկին պաշտոնյաները: Այս վարկածը հերքելու համար Փաշինյանը ունի միայն մեկ ճանապարհ՝ ապացուցել, որ նախկին նախագահները և վարչապետերն ապօրինի ունեցվածք են կուտակել և այդ ապօրինի ունեցվածքը վերադարձնել պետական բյուջե, հակառակ դեպքում` ստացվում է, որ Փաշինյանն իր կողմից ժամանակին թվարկած պաշտոնյաներին պարզապես ջրից չոր դուրս բերելու ցանկությամբ է առաջնորդվում:

Այս թեմայով Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ) Տավուշի համայնքապետերը վերադարձել են կառավարության շենք եւ հանդիպում են Փաշինյանի հետ (տեսանյութ) Ադրբեջանը շատ ագրեսիվ է արձագանքում ՀՀ ԶՈւ բարեփոխումներին․ Փաշինյան Տավուշցիներից առաջ Փաշինյանի մոտ էին ԱԱԾ պետը, ոստիկանապետը, պաշտպանության նախարարը. «Հրապարակ»