Առանցքային հանձնաժողովն՝ ընդդիմության և ՔՊ ամբիցիաների բավարարման թատերաբեմ

ԱԺ պաշտպանության և անվտանգության հարցերի մշտական հանձնաժողովում շարունակվում է արդեն ամիսներ ձգվող աբսուրդային իրավիճակը: Ընդդիմությունն ու իշխանությունները` ի դեմս ՔՊ-ի, արդեն 8-րդ անգամ չեն կարողանում հանձնաժողովի փոխնախագահ ընտրել, որովհետև ընդդիմադիրներն ամեն անգամ այդ պաշտոնին առաջադրում են Արթուր Ղազինյանի թեկնածությունը, ՔՊ-ն էլ ամեն անգամ տարբեր պատճառաբանություններով այն մերժում է:

Հարց է առաջանում՝ մինչև ե՞րբ պետք է շարունակվի այս իրավիճակը, որը բնավ հարիր չէ պառլամենտական երկրին: Տպավորություն է, որ թե՛ ընդդիմության, թե՛ իշխանության համար հանձնաժողովը վեր է ածվել հարաբերություններ պարզելու, սեփական գերսկզբունքայնությունը ի ցույց դնելու, ինքնահաստատվելու ամբիոնի, մինչդեռ ԱԺ ամենակարևոր և առանցքային հանձնաժողովի մասին է խոսքը, որի դերը և նշանակությունը պատերազմից հետո կրկնակի անգամ աճել է: 

Մինչդեռ կարևորագույն հարցեր լուծելու, քննարկումներ անելու, նախագծեր հաստատելու փոխարեն՝ հանձնաժողովը տարված է պարզ աթոռակռվով: Հարցերն էլ իրենք իրենց կլուծեն, հետպատերազմյան երկիրն էլ ինքն իրեն ոտքի կկանգնի, կարևորը, որ ընդդիմությունը ցույց տա՝ որքան սկզբունքային է, իսկ իշխանությունը ցույց տա` որքան անհանդուրժող է նախկինների հանդեպ: Ընդդիմադիրների և իշխանավորների ամբիցիաներից տուժում է միայն պառլամենտարիզմը, ԱԺ հանձնաժողովի աշխատանքը և քաղաքացիները, ով իր հարկերի դիմաց ստիպված է ամեն շաբաթ կրակոտ ռազբորկաների ականատես լինել սույն հանձնաժողովում: 

Այս հանձնաժողովը չի ստեղծվել նրա համար, որ Արթուր Ղազինայնը արժանանա բաղձալի պաշտոնին, այն ստեղծվել է երկրի առջև ծառացած անվտանգային մարտահրավերներին ադեկվատ լուծումներ գտնելու համար, մինչդեռ այսօր ընդդիմության և իշխանության համատեղ ջանքերով հանձնաժողովը բառի բուն իմաստով` մատնված է պարապուրդի:

Այս թեմայով Երբ ադրբեջանցիները կսկսեն վերադառնալ իրենց նախկին բնակավայրերը, սկսելու է կինոն․ Տիգրան Քոչարյան Այս իշխանություններն այս տարիների ընթացքում ավելի շատ ապօրինություններ են արել, քան նախորդ 3-ը միասին. Քոչարյան (տեսանյութ) Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Զուգադիպությո՞ւն, թե գծված ծրագիր Վենեդիկտովը հիշել է իր խոսակցությունը Հեյդար Ալիևի և Ռոբերտ Քոչարյանի հետ (տեսանյութ) Մենք բառիս բուն իմաստով ամրոցներ ենք կառուցում սահմանին՝ չինական պարիսպի պես. Անդրանիկ Քոչարյան Կրակոցը վատ բան է, բայց եթե չենք պատասխանում, նշանակում է՝ այդքան մեծ վտանգ չենք տեսել դրանում. Քոչարյան Մենք մտահոգված ենք ցանկացած կրակոցով. Քոչարյան (տեսանյութ) Փաշինյանը խաբե՞լ է. Անդրանիկ Քոչարյանի բացահայտումը Ուզում է՝ Վահե Ղազարյանը ցուցմունք տա, չեն կարող ապացուցել մի բան, որը չի եղել․ Լևոն Քոչարյան (տեսանյութ)