«Հրապարակ». Արմեն Խաչատրյանի ֆիասկոն

«Հրապարակ» թերթը գրում է. «Գորիսում, Մեղրիում կրած ծանր պարտությունից հետո այդ ընտրությունների թիվ մեկ պատասխանատու եւ պարտության թիվ մեկ «մեղավոր» պատգամավոր Արմեն Խաչատրյանը խորը ընկճախտի մեջ է։ Երեկ նա հրաժարվեց մեզ հարցազրույց տալ, խոսել պարտության պատճառների, ապագա անելիքների մասին: Մի քանի ագրեսիվ հայտարարություններից հետո, թե լավ էին արել, որ Գորիսը ոստիկանապատել էին, նա մտավ իր աշխատասենյակ եւ այլեւս դուրս չեկավ։

Մեր տեղեկություններով, Խաչատրյանը կուսակցությունում արդարացել է, թե ինքն ու մարզային թիմն արել են անհնարինը, պարզապես գորիսեցիներն առաջնորդվում են «գողական» բարքերով, բանտը քաղաքի մեջ է, մեկը մյուսի հետ կապի մեջ են, եւ դրա համար էլ Առուշ Առուշանյանը հաղթեց։

Նա ասել է, որ Առուշանյանի կողմնակիցներն ու հարազատները հերթով մտել են բոլորի տները եւ ասել՝ որպեսզի երիտասարդ տղան բերդում չփտի, ձայն տվեք նրան։ Իհարկե, սրանք ընդամենը արդարացումներ են, քանի որ Գյումրիում ու Մեղրիում էլ կալանավորված թեկնածու չկար, բայց Մեղրիում հաղթեց Բագրատ Զաքարյանը` «Հանրապետություն» կուսակցության ցուցակով։

Նա, ի դեպ, քաղաքում բավականին հարգված, բայցեւ անչափ իշխանասեր անձ է` արտահերթ ընտրությունների ժամանակ աշխատել է «Քաղպայմանագրի» օգտին, ապա խնդրել-համոզել է, որ Մխիթար Զաքարյանի փոխարեն իրեն առաջադրեն քաղաքապետի ԺՊ, սակայն արմենխաչատրյանական թեւը համոզել է Փաշինյանին, թե նա անցողիկ թեկնածու չէ, ուստի ԺՊ է նշանակվել կարատեիստ Արարատ Թումանյանը, որին էլ գրել էին ցուցակի առաջին տեղում եւ պարտվեցին։

Իսկ Բ. Զաքարյանն անշառ ցուցակ է փնտրել, որն ընդդիմադիր չի լինի, եւ ամենահարմարը եղել է Արամ Սարգսյանի կուսակցությունը, որի հետ ոչ մի առնչություն անցյալում չի ունեցել»:

Այս թեմայով Վստահ եմ՝ ՌԴ-ն ամեն ինչ անելու է, որ Լաչինի միջանցքի հարցը լուծում ստանա․ Արմեն Խաչատրյան Ադրբեջանը Հայաստանի տարածքից մոտ 127 քառակուսի կմ է օկուպացրել. Արմեն Խաչատրյան Ջերմուկի ուղղությամբ ներթափանցած ադրբեջանական խմբերը դեռ շարունակում են մնալ այնտեղ․ Խաչատրյան «Հրապարակ». Մելիքսեթ Պողոսյանին եւ Արմեն Խաչատրյանին «կարմիր քարտ» են ցույց տվել «Հրապարակ». Մարզպետի պաշտոն՝ Սյունիքը նվաճելու դիմաց «Հրապարակ». Արմեն Խաչատրյանին ապտակե՞լ են Գորիսի համայնքապետի ՔՊ-ական թեկնածուն ընտրվել է, նա պետք է կրի «հեղափոխության արժեքները». ըստ Արմեն Խաչատրյանի՝ իշխող ուժը հաղթելու է. Սպուտնիկ Արմենիա Սյունիքի համայնքապետները չեն որոշելու մեր պետական քաղաքականությունը․ Արմեն Խաչատրյան Արմեն Խաչատրյանը մինչ օրս փախած է. Նաիրի Հոխիկյանն՝ իրեն Սև լճեր ուղեկցելու մասին. Yerkir.am Ինչպես է իմքայլական Արմեն Խաչատրյանը մարզպետարանի պատշգամբից հետևում Քոչարյանի ելույթին