Սահմանի բնակիչների համար սակագնի փոփոխություն չի լինի. Գարեգին Բաղրամյան

Հայաստանում սպառողների համար գազի սակագինը կախված է սահմանին ձևավորվող գնից: Եթե այժմ ընթացող բանակցություններով այն նույնը մնա, ապա, ամենայն հավանականությամբ, բնակիչների համար սակագնի փոփոխություն չի լինի:

Այս մասին ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը ԱԺ-ում լրագրողների հետ զրույցում:

«Սահմանին գազի գնի վերաբերյալ բանակցություններն այս պահին ընթանում են: Ընդ որում, դրանք համալիր բանակցություններ են: Դրանք ներառում են «Գազպրոմ Արմենիա»-ի ամբողջ կառավարվող գույքի վերաբերյալ բանակցությունները, դա և´ «Հրազդան 5»-ն է, և´ գազի սահմանային գինն է, և´ գազամատակարարման համակարգն է»,- ասաց Բաղրամյանը:

Այս պահին քննարկումները դեռևս ավարտված չեն: Դրանք ավարտված կլինեն, երբ կստորագրվի միջկառավարական համաձայնագիրը: Բաղրամյանը նշեց՝ երբ վերջնական փաստաթուղթը լինի, նոր կարելի է գազի սակագնի գնահատական տալ:

Այս պահի դրությամբ ՀԾԿՀ-ն գազի կամ էլեկտրաէներգիայի բարձրացման հայտեր չի ստացել: Գազի սակագինը վերջին անգամ փոխվել է հուլիսին:

Անդրադառնալով գազի սակագնի հնարավոր փոփոխմանը՝ նա ասաց. «Կախված է նրանից, թե սահմանին գազի ինչ գին կձևավորվի: Եթե բանակցությունների արդյունքում ունենանք նույն գինը, կարծում եմ, գազի սակագնի փոփոխություն առնվազն չենք ունենա»:

Այս թեմայով Մենք կկորցնենք մեր բոլոր սահմանները, եթե մտանք նոր սահման գծելու տրամաբանության մեջ. Փաշինյան Հիմնանորոգվում է ՀՀ պետական սահման-Մարգարա-Վանաձոր-Տաշիր-ՀՀ պետական սահման միջպետական նշանակության ավտոճանապարհի հատվածը Մեկնարկել է ՀՀ պետական սահման-Մարգարա-Վանաձոր-Տաշիր ճանապարհահատվածի հիմնանորոգումը Երթևեկության սահմանափակումներ` Վանաձոր-Ալավերդի-ՀՀ պետական սահման հատվածում Ֆրանսիայի ազգային ժանդարմերիայի բրիգադային գեներալը դիտարկել է սահմանին տիրող իրավիճակը Մինչև փետրվարի 15-ը փակ կլինի դեպի Վրաստանի սահման տանող միջպետական ավտոճանապարհի հատվածը Մինչև փետրվարի 15-ը արգելվելու է բեռնատարների և ավտոբուսների երթևեկությունը Վանաձոր-Վրաստանի սահման հատվածում Միջազգային ճգնաժամային խմբի նախագահն այցելել է հայ-ադրբեջանական սահման «Ժողովուրդ». Ինչո՞ւ հայկական ԶԼՄ-ների այցը սահման չէր կազմակերպվել գերիների վերադարձի օրը 30 տարի սահման պահող արցախցուն չէին ասում՝ ՀՀ անձնագիր չես ունեցել. Մանուկյան