Հայաստանի և Կիպրոսի խորհրդարանների ղեկավարները վերահաստատել են համագործակցությունն ամրապնդելու պատրաստակամությունը

Հայաստանի Ազգային ժողովի նախագահ Ալեն Սիմոնյանը և Կիպրոսի ներկայացուցիչների պալատի նախագահ Աննիտա Դեմետրիուն հոկտեմբերի 25-ին կայացած հանդիպմանը վերահաստատել են Կիպրոսի և Հայաստանի միջև կապերն ու համագործակցությունն ամրապնդելու պատրաստակամությունը։ Ինչպես տեղեկացնում Է cyprusMail-ը:

Սիմոնյանը գոհունակություն է հայտնել միջազգային հարթակներում երկու երկրների համագործակցությունից՝ ընդգծելով միջխորհրդարանական մակարդակով համագործակցությունը։

«Հայկական կողմն ամեն ինչ անելու է մեր երկրների միջև միջխորհրդարանական համագործակցության առավել խորացման համար՝ ի օգուտ երկու ժողովուրդների»,- նշել է նա:

Նա հավելել է, որ հանդիպման ընթացքում ինքը և Դեմետրիուն քննարկել են Լեռնային Ղարաբաղի հակամարտության և Կիպրոսի խնդրի հետ կապված հարցեր։

Սիմոնյանը շնորհակալություն է հայտնել Կիպրոսի խորհրդարանին՝ Ադրբեջանի կողմից Լեռնային Ղարաբաղում հրադադարի ռեժիմի խախտումը միաձայն դատապարտելու համար: Նշվում է, որ նա նաև վերահաստատել է Հայաստանի ամբողջական աջակցությունը Կիպրոսի խնդրի խաղաղ լուծմանը: 

«Քանի որ Կիպրոսը և Հայաստանը երկուսն էլ Թուրքիայի անզիջողականության զոհն են, կենսականորեն կարևոր է, որ նրանք ավելի ամուր կապեր հաստատեն միջխորհրդարանական, միջազգային մակարդակներում»,- ասել է  Դեմետրիուն։

Նա նաև նշել է, որ Հայաստանի, Կիպրոսի և Հունաստանի միջև քննարկումներ կսկսվեն Սիմոնյանի Կիպրոս կատարած պաշտոնական այցի ավարտից հետո։

«Ընդհանուր ռազմավարության միջոցով մենք կարող ենք դիմակայել ցանկացած մարտահրավերի՝ մեծ թե փոքր, բայց նաև ամրապնդել մեր ձայնը եվրոպական և միջազգային հարցերի շուրջ, որպեսզի կարողանանք առաջ քաշել մեր ընդհանուր սկզբունքները»,- շեշտել է Դեմետրիուն։

Այս թեմայով Երևանի Կողբացի փողոցի 36/3 հասցեում կառուցված համալիրից 235,8 քմ մակերեսով տարածքը սեփականության իրավունքով կփոխանցվի Հայաստանի Հանրապետությանը ԵՄ ռևերանսները Բաքվին՝ ի հաշիվ Հայաստանի շահերի Երևանի քաղաքապետը հանդիպել է Հայաստանի բասկետբոլի կանանց թիմային առաջնությունում հաղթողներին Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Հայաստանի բասկետբոլի տարբեր տարիքային թիմերը նոր գլխավոր մարզիչներ ունեն ԲՏԱ նախարարն այցելել է «Հայաստանի հեռուստատեսային և ռադիոհաղորդիչ ցանց», ներկայացրել նորանշանակ գլխավոր տնօրենին Հայաստանի ժողովրդավարությանն անհրաժեշտ է, որ Եվրոպան, ԵՄ-ն ուս ուսի կանգնած լինեն մեր կողքին. պատգամավոր Հայաստանի և Ադրբեջանի միջև հավասարության նշաններ դնելու ադրբեջանական փորձերն անլուրջ են և ցինիկ․ Եղիշե Կիրակոսյան Հայաստանի ֆուտբոլի Մ-16 հավաքականը մարզական հավաք կանցկացնի Հայաստանի ֆուտբոլի գավաթի եզրափակիչը՝ մայիսի 12-ին