Հանրահավաքներ անցկացնելու մասին Սաղաթելյանը քաղաքապետարանին իրազեկել է նոր փաստաթղթի ստորագրման լուրից առաջ. Yerkir.am

Նոյեմբերի 9-ին Փաշինյանի կողմից հնարավոր ստորագրվելիք երկու փաստաթղթերի մասին տեղեկությունը մամուլում սպրդել է հոկտեմբերի 22-ին, այն է՝ Դաշնակցության՝ հանրահավաքների անցկացման որոշման մասին Երևանի քաղաքապետարանին իրազեկելուց ուղիղ 11 օրանց: Այս մասին Yerkir.am-ում հրապարակված հոդվածում հայտնում է Վահե Սարգսյանը:

«Հանրության որոշ շրջանակներ, այդ թվում՝ ուղղորդված կամ ուղղորդող հատվածները, այս օրերին թեժ քննարկում են ծավալել՝ հընթացս քննադատելով «Հայաստան» դաշինքին և ՀՅ Դաշնակցությանը, թե՝ ինչո՞ւ են հանրահավաքներ և բողոքի գործողություններ կազմակերպում հենց նոյեմբերի 9-10-ը, երբ, ըստ քննադատների, այդ օրերին Փաշինյանը կարող է կա՛մ արդեն ստորագրած լինել հերթական դավաճանական փաստաթուղթը, կա՛մ ստորագրելիս լինել, և, կրկին ըստ քննադատների, նշյալ հանրահավաքները կամ ընդվզումները հնարավոր է խիստ ուշացած լինեն: Ոմանք էլ, հավանաբար ուղղորդվելով համապատասխան շրջանակների կողմից և փորձելով ավելի դրամատիկ գույներ հաղորդել իրենց քարոզչությանը, հայտարարում են, թե ընդդիմությունն իբր դիտավորյալ է այդ օրերին կազմակերպում հանրահավաքները, որպեսզի չվնասի Փաշինյանին:  

Վերոնշյալ քննարկումներին, քննադատություններին և անհիմն դատողություններին մեկընդմիշտ վերջ տալու համար ստորև ներկայացնում ենք փաստերի հաջորդականությունը:

Եվ այսպես՝ «Հայաստան» դաշինքը՝ ՀՅԴ ՀԳՄ ներկայացուցիչ Իշխան Սաղաթելյանի միջոցով, նոյեմբերի 9-10-ին տեղի ունենալիք հանրահավաքների մասին համապատասխան իրազեկում է ուղարկել քաղաքապետարան, ուշադրություն՝ հոկտեմբերի 11-ին և 14-ին (Երևանի քաղաքապետարանի՝ այդ մասին փաստող որոշումը տե՛ս ստորև): Երկրորդ անգամ իրազեկման անհրաժեշտությունն առաջացել է քաղաքապետարանի որոշ նկատառումների և, դրանով պայմանավորված, իրազեկման մեջ որոշ լրացումներ կատարելու բերումով (տե՛ս ստորև բերված Հ. 172 արձանագրությունը):

Արդյունքում՝ հոկտեմբերի 18-ին Երևանի քաղաքապետարանն իր որոշմամբ ի գիտություն է ընդունել Իշխան Սաղաթելյանի իրազեկումը նոյեմբերի 9-ին և 10-ին՝ ժամը 18.00-20.30-ը, Ազատության հրապարակում հավաքներ անցկացնելու մասին (Երևանի քաղաքապետարանի՝ այդ մասին փաստող արձանագրությունը և որոշումը տե՛ս ստորև):

Միջանկյալ նշենք զավեշտալի մեկ փաստ. ՀՀ ոստիկանությունը, Երևան քաղաքի վարչության պետի համապատասխան գրությամբ, սահմանափակել է նշյալ հանրահավաքների ժամանակ երթերի իրականացումը պետական մարմինների, մասնավորապես՝ որոշ օբյեկտների հարակից տարածքներով: Բնականաբար, խոսքը կառավարության շենքի և այնտեղ ահուդողով նստած անձի հերթական խայտառակ հրամանի մասին է:

Ինչևէ: Վերադառնալով խնդրին՝ փաստենք, որ նոյեմբերի 9-ին Փաշինյանի կողմից հնարավոր ստորագրվելիք երկու փաստաթղթերի մասին տեղեկությունը մամուլում սպրդեց, կրկին ուշադրություն, հոկտեմբերի 22-ին, այն է՝ Դաշնակցության՝ հանրահավաքների անցկացման որոշման մասին Երևանի քաղաքապետարանին իրազեկելուց ուղիղ 11 օրանց:

Ի՞նչ է ստացվում. «Հայաստան» դաշինքը նշված օրերին հանրահավաքներ իրականացնելու որոշում է կայացրել ոչ թե նշված դավադիր և գաղտնի հերթական փաստաթղթերի՝ Փաշինյանի կողմից հնարավոր ստորագրման տեղեկությունների սփռման պատճառով՝ դրանով, իբր, փորձելով կանխել այդ ամենը, այլ հանրավաքներն ընդամենը ընդդիմության՝ փողոցային պայքարի վերսկսումն ազդարարելու նպատակ են ունեցել, իսկ նշված օրերը, բնականաբար, ընտրվել են դավադիր հայտարարության մեկամյա տարելիցի կապակցությամբ:

Ահա ողջ իրողությունը: Եթե, այս ամենով հանդերձ, որոշ շրջանակներ վերստին շարունակեն ինչ-ինչ դավադրություններ փնտրել Դաշինքի՝ նշված օրերին հանրահավաքներ իրականացնելու մեջ, ապա դրանով պարզապես կընդգծեն սեփական դավադիր կեցվածքը և կխոստովանեն Փաշինյանի հայրենակործան ռեժիմին ուղղակի կամ անուղղակի ծառայելու՝ նույնչափ դավադիր մղումների մասին:

Հ.Գ. Վերոնշյալը բոլորովին չի նշանակում, որ «Հայաստան» դաշինքը մինչ նոյեմբերի 9-ը որևէ քայլ չի ձեռնարկելու Փաշինյանի հնարավոր նոր դավադրություններն ամեն գնով կանխելու համար և սահմանափակվելու է արդեն իսկ հայտարարված օրերին հանրահավաքների անցկացմամբ: Բնականաբար, Դաշինքը ոչ միայն մեկը մյուսին որևէ կերպ չի հակադրում, այլև ճիշտ հակառակը՝ դրանք, ըստ Դաշինքի ներկայացուցիչների բազմաթիվ հայտարարությունների, փոխլրացնում են միմյանց (տե՛ս ՀՅԴ ՀԳՄ ներկայացուցիչ, ԱԺ փոխնախագահ Իշխան Սաղաթելյանի՝ այդ առիթով տրված հատուկ պարզաբանումը՝ «Այդ ամենը չի նշանակում, որ մինչև նոյեմբերի 9-ը ոչինչ չենք անելու» վերտառությամբ)»,- նշված է հրապարակման մեջ:

Այս թեմայով Երկու ճակատով պետք է կռիվ տանք, թշնամին, օգտվում է սրանց անգործությունից. Իշխան Սաղաթելյան Նիկոլը գրում էր՝ «Շուշիի համար մարտերը շարունակվում են», բայց զուգահեռ բանակցում էր Ալիևի հետ. Սաղաթելյան Ինչպե՞ս պետք է ձևավորվի նոր իշխանությունը և ե՞րբ. ինչ պետք է նա անի. Իշխան Սաղաթելյանի ելույթը Իշխան Սաղաթելյանն ուղիղ կպել է Լևոն Տեր-Պետրոսյանի բաց նյարդին, նրա աքիլեսյան գարշապարին Սոչիում որևէ վերջնական փաստաթուղթ չի ստորագրվելու. Իշխան Սաղաթելյան (տեսանյութ) ՀՀ-ի ինքնիշխանության սպառնալիքը նստած է կառավարությունում, քանի դեռ դա կա, ՀՀ-ն վտանգի տակ ա. Իշխան Սաղաթելյան «Լավ գիտեք, ովքեր էին ժողովրդին տուն ուղարկողները, մեր պայքարը չի սասանվել» (տեսանյութ) Իշխան Սաղաթելյանը դիմեց Վեհափառին, ՔՊ-ին, մտավորականներին, երիտասարդներին Ամեն մեկն իր փայն է ուզում Հայաստանից այս իրավիճակում. Իշխան Սաղաթելյանը՝ Տոյվո Կլաարի այցի մասին Արցախի հանրահավաքից անմիջապես հետո մենք կարձագանքենք. Իշխան Սաղաթելյան