Երևանի ավագանու մշակույթի, կրթության և սոցիալական հարցերի մշտական հանձնաժողովի նախագահ ընտրվեց Հայկ Միրզոյանը

Երևան քաղաքի  ավագանու անդամները ավագանու մշակույթի, կրթության և սոցիալական հարցերի մշտական հանձնաժողովի նախագահ ընտրեցին «Իմ քայլը» խմբակցության անդամ Հայկ Միրզոյանին:

Այս մասին որոշումը Երևանի ավագանու անդամները կայացրին հոկտեմբերի 26-ին Երևան քաղաքի ավագանու յոթերորդ նստաշրջանի երկրորդ նիստի ժամանակ: Որոշումն ընդունվեց միաձայն:

Հայկ Միրզոյանը, որը մասնագիտությամբ բժիշկ է, շեշտեց, որ մեծ ուշադրություն են դարձնելու պոլիկլինիկաների արդիականացման հարցին: «Այս հանձնաժողովի նախագահը պետք է կարողանա ճիշտ կազմակերպել և կառավարել բոլոր ոլորտները, անել այնպես, որ ավագանու բոլոր անդամները կարողանան ներկայացնել լավ գաղափարները և լիարժեք գործունեություն ծավալել համապատասխան ոլորտներում»,-նշեց Միրզոյանը:

Հանձնաժողովի նախագահ Սաթենիկ Մկրտչյանը հուլիսի 2-ին դիմում էր ներկայացրել իր լիազորությունները դադարեցնելու վերաբերյալ: Վերոնշյալի մասին գրություն էր ներկայացվել նաև Երևանի ավագանու «Իմ քայլը» խմբակցության քարտուղար Արմեն Գալջյանի կողմից: Հաշվի առնելով վերոգրյալը և «Իմ քայլը» խմբակցության 14.09.2021թ. առաջարկությունը՝ Երևան քաղաքի ավագանու մշակույթի, կրթության և սոցիալական հարցերի մշտական հանձնաժողովի նախագահի պաշտոնում առաջարկվել է «Իմ քայլը» խմբակցության անդամ Հայկ Միրզոյանի թեկնածությունը:

Այս թեմայով Դա դեռ հարց ա՝ էդպես ա եղել, թե չէ. Երևանի ոստիկանապետը՝ Սամվել Վարդանյանին խոշտանգելու մասին Երևանի և մարզերի որոշ հասցեներում լույս չի լինի Երևանի Կողբացի փողոցի 36/3 հասցեում կառուցված համալիրից 235,8 քմ մակերեսով տարածքը սեփականության իրավունքով կփոխանցվի Հայաստանի Հանրապետությանը Երևանում ավտոտնակներ են ապամոնտաժվել (տեսանյութ) Երևանի քաղաքապետը հանդիպել է Հայաստանի բասկետբոլի կանանց թիմային առաջնությունում հաղթողներին Երևանի ՁՊՎ֊ից Սամվել Վարդանյանի տեղափոխման կադրերը (տեսանյութ) Երևանի և Կոտայքի մարզի որոշ հասցեներում լույս չի լինի «Կասկադը» վերջնական տեսք կստանա․ հողամասերը կդառնան հանրային ու կանաչ տարածքներ Երևանի բյուջեի աուդիտը կիրականացնեն ավելի փորձառու ընկերություններ ու մասնագետներ Եկել մեյմունություն եք անում․ վեճ Երևանի քաղաքապետարանում (տեսանյութ)