ՀՀ-ի շահերը ներկայացնող թիմը ՄԱԿ-ի դատարանում ներկայացրել է մասնագիտական և բովանդակային առումով ուժեղ հայց. Միրզոյան

 Հայաստանի շահերը ներկայացնող թիմը ՄԱԿ-ի արդարադատության միջազգային դատարանում Ադրբեջանի դեմ հրատապ միջոցներ կիրառելու Հայաստանի պահանջի քննությանը ներկայացրել է մասնագիտական և բովանդակային հագեցվածության առումով ուժեղ հայց: Նման վստահություն հայտնեց ՀՀ ԱԳ նախարար Արարատ Միրզոյանը՝ ԱԺ-ում կառավարության անդամների հետ հարցուպատասխանին՝ անդրադառնալով ՔՊ-ից Հռիփսիմե Գրիգորյանի հարցին:

Միրզոյանը շեշտեց՝ գործընթացն իսկապես կարևոր է: Քանի որ խոսքը դատական գործընթացի մասին է, նա չշտապեց մեկնաբանություններ անել այդ գործընթացի  մասին: «Նախնական արդյունքների մասին կտեղեկանանք միայն նոյեմբերին: Ես խոսում եմ անհապաղ միջոցների կիրառման կամ չկիրառման վերաբերյալ որոշումների մասին»,-ասաց ԱԳ նախարարը:

Նա նշեց երկու հանգամանք: «Հայաստանը ներկայացնող թիմը և մասնագիտական առումով, և բովանդակային հագեցվածության առումով ուժեղ հայց է ներկայացել: Մի արդյունք արդեն կարող ենք արձանագրել՝ Ադրբեջանն ի վերջո տխրահռչակ ռազմական ավարի պուրակից հեռացրեց մանեկեները և սաղավարտները»,-ասաց նա:

Միրզոյանն ակնհայտ համարեց, որ այդ պուրակը հայատյացության, այլատյացության ճչուն դրսևորում է: Ըստ նրա՝ դատական գործընթացը նպաստել է նրան, որ այդ մանեկենները հեռացվեն:

ՄԱԿ-ի արդարադատության միջազգային դատարանը նոյեմբերի 14-15-ին քննել է Ադրբեջանի դեմ հրատապ միջոցներ կիրառելու Հայաստանի պահանջը: Դրանով Հայաստանը, ի թիվս այլ պահանջների, առաջարկում է անհապաղ վերադարձնել հայ ռազմագերիներին, փակել ռազմական ավարի պուրակը:

Այս թեմայով ՀՀ քաղաքացիներն ունեն եվրոպական ձգտումներ, Հայաստանի և ՌԴ–ի հարաբերություններում կան որոշ խնդիրներ․ Միրզոյան Միրզոյանը ողջունել է G7-ի արտգործնախարարների հայտարարությունները Հարավային Կովկասի վերաբերյալ Էթնիկ հայերը խոշտանգվել են ադրբեջանական զինված ուժերի կողմից. լսումներ՝ ՄԱԿ-ի դատարանում (տեսանյութ) Ադրբեջանը իր բացատրություններում ձախողել է. Եղիշե Կիրակոսյանը՝ ՄԱԿ-ի դատարանում Ալիևն ասում էր՝ հայերին շների պես կքշենք, եթե ինքնակամ չգնան ԼՂ-ից․ լսումներ՝ ՄԱԿ-ի դատարանում ՈՒՂԻՂ․ Հայաստանը ՄԱԿ-ի դատարանում պատասխանում է Ադրբեջանի մեղադրանքներին Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) Արթուր Մարտիրոսյանը ներկայացրել է ՀՀ-ում իրականացվող բարեփոխումները Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան ԲՏԱ նախարարն այցելել է «Հայաստանի հեռուստատեսային և ռադիոհաղորդիչ ցանց», ներկայացրել նորանշանակ գլխավոր տնօրենին