Փաշինյանը խոստովանեց` 2020-ի պատերազմի մասին տեղեկացել է երկու օր առաջ՝ ռադիոընկալումով

Պատերազմից երկու օր առաջ ռադիոկալումով պատերազի հավանականության մասին մեկ նախադասություն եմ լսել, որը վստահելի էր թվում. Այս մասին հայտարարեց Նիկոլ Փաշինյանը՝ պատասխանելով «Պատիվ ունեմ» խմբակցության պատգամավոր Տիգրան Աբրահամյանի հարցին, թե երբ է հստակ իմացել, որ պատերազմի շեմին են, կամ իրադարձությունները կտրուկ զարգացում են ապրել՝ մեծացել է պատերազմի հավանականությունը։

«Էն որ պատերազմի շեմին ենք, ՀՀ ղեկավարներին զեկուցվել է շատ պարբերաբար։ Օրինակ, մասնավորապես, 2011 թ. Կազանյան փաստաթղթի չստորագրումից հետո և 2018 թվականին՝ իմ վարչապետ դառնալուց հետո այդպիսի զեկույցներ եղել են պարբերաբար, որ տեղեկություններ կան, որ Ադրբեջանը նախապատրաստվում է պատերազմի։ Այս ամբիոնից Սերժ Սարգսյանի արած հայտարարությունն էլ է եղել, երբ ասել է, որ ցանկացած պահի կարող ենք սպասել պատերազմի»։

Փաշինյանը փաստացի հաստատեց, որ տարբեր փուլերում պատերազմի հավանականության մասին տեղեկություն ունեցել է։ Նշեց, որ պետք է երկու իրավիճակ տարբերակել։

«Առաջին իրավիճակ այն է, որ կատարյալ խաղաղ վիճակում ենք, մենք էլ տեղեկություն է գալիս, որ պատերազմ է հնարավոր է, կարմիիր բոլոր լույսը վառվում է։ Իսկ երբ պատերազմը հնարավոր է և դա ակնհայտ է, պարբերաբար հնչում են հայտարարություններ, որ հեսա ռազմական ճանապարհով Ղարաբաղի հարց է լուծվելու, էդ պատերազմի մասին տեղեկությունները դառնում են սովորական լրահոսի նման մի բան»։

Փաշինյանը հավելեց, որ կարևոր է նաև տեղեկության ֆիլտրումը։ Գործնականում ամեն օր էլ ստացել են տեղեկություն, որ պատերազմ հնարավոր է։ Միայն երկու օր առաջ է ռադիոհետախուզությունից հավանական պատերազմի մասին տեղեկացել։
«Իմ հիշողության մեջ արձանագրված է, որ սեպտեմբերի 27-ից երկու օր առաջ ինչ-որ ռադիոկլանում էր տեղի ունեցել՝ մի նախադասություն, որը վստահելի էր թվացել։ Բայց դրանից առաջ անընդհատ եղել են տվյալներ, որ պատերազմ է լինելու։ Ադրբեջանը, ըստ էության, 2016 թվականի պատերազմից հետո էլ քաղաքական ուղեգիծը շարունակել է»։

Պատգամավորը արձագանքեց, որ կային գործոններ, որոնք ըստ էության մոտեցնում էին պատկերը՝ օրինակ Ադրբեջանում մոբիլիզացիան, կամ Թուրքիայի հետ զորավարժությունները։ Աբրահամյանը հետաքրքրվեց՝ ինչո՞ւ երկիրը ապահովագրելու համար պետական կառավարման համակարգը և Զինված ուժերը պատրաստվածության չի բերվել։ Փաշինյանը նշեց, որ ԶՈՒ-երը գործում են ըստ կիրառման պլանի։

«Ինստիտուտ է այնուամենայնիվ։ Կա կիրառման պլան, կան անհրաժեշտ ընթացակարգեր, այստեղ ապահովագրել, չապահովագրելու մասին չէ։ Ինձ զորավարժությունների մասին տեղեկություն են տվել, որն ասելը կարծում եմ պատեհ չէ։ Եղել է գնահատական, ես ինքս էլ եմ ունեցել այդպիսի գնահատական, կիսել եմ այդ գնահատականը»,- ասաց Փաշինյանը։

Վարչապետը նաև հայտարարեց, որ նախկին իշխանությունն է Արցախին բանակցային սեղանից դուրս թողել:

«Որ ասում եք՝ Արցախի 72 տոկոսը օկուպացված է, բա կներեք, որ այդ 72 տոկոսը ձեր օրոք բանակցային սակարկության առարկա էր, դուք դրա մասին գիտեիք, ինչո՞ւ ձայն չէիք հանում», - նշեց Փաշինյանը:

Նա ասաց, թե պատերազմը կանգնեցնելու գինը բոլոր տարածքները վերադարձնելու համաձայնություն տալն էր:

«Եթե դուք հիմա ասում եք, որ 72 տոկոսը օկուպացված է, դուք, ուրեմն, 1998 թվականից մինչև 2016 թվականը բանակցելիս եք եղել հայրենիքի 72 տոկոսը հանձնելու մասին: Հերիք եղավ, բոլ եղավ, հա՞, դավադրություն, դավադրություն», - դիմելով Դաշնակցությանը՝ ասաց վարչապետը:

Նիկոլ Փաշինյանը ընդդիմադիրներին հրավիրեց խոսելու. «Եղբայր, խոսանք, ո՞վ է խոսելուց հրաժարվել: Հաճույքով, նստենք, խոսենք»:

Նա երաշխավորեց, որ լրիվ ուրիշ խոսակցություն է գնալու՝ լրիվ ուրիշ տոնով:

«Ընդդիմադիր երկու խմբակցություններին ամբողջ կազմով հրավիրում եմ », - ասաց վարչապետը:

Այս թեմայով Նիկոլ Փաշինյանը ծանոթացել է «Գառնի տաճարի մերձակա տարածքի բարեկարգում» ծրագրի ընթացքին (տեսանյութ) Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Ամենահարուստ «հեղափոխական» փոխմարզպետների թոփ 10-ը Հեղափոխական սուտն ու գնաճը «Նոր Հայաստանում» Փաշինյանի թիմակիցները զրոյացնում են վարչապետի «աննախադեպ ցուցանիշները» Հայաստանը պատրաստ է ընդլայնել համագործակցությունը ԱՀԿ-ի հետ․ Փաշինյան Ինչու Նիկոլ Փաշինյանը չի նկատում իր թիմակիցների ստացած ճոխ նվիրատվությունները Հայ-ադրբեջանական սահմանի 12 կմ-ից 7 կմ հատվածում տեղակայման կետերը հստակեցված են, մյուս 5 կմ հատվածի վերաբերյալ աշխատանքները շարունակվում են. Փաշինյան ՔՊ-ն նիստ է անցկացրել, որը վարել է Նիկոլ Փաշինյանը Փաշինյանի հեռացման հարցով ընդդիմության հաջորդ հանրահավաքը տեղի կունենա ապրիլի 11-ին. 24News.am