Էրդողանն ու Բայդենը կքննարկեն Կովկասում տիրող իրավիճակը
ԱշխարհԹուրքիայի նախագահ Ռեջեփ Թայիփ Էրդողանը կարող է հանդիպել իր ամերիկացի գործընկեր Ջո Բայդենի հետ G20-ի գագաթնաժողովում, որն այժմ տեղի է ունենում Հռոմում։
Այս մասին CNN Türk-ին հայտնել է Թուրքիայի ղեկավարի մամուլի քարտուղար Իբրահիմ Քալընը։
«Բայդենի հետ հանդիպումը կարող է տեղի ունենալ այստեղ, կամ գուցե Մեծ Բրիտանիայում: Իհարկե, սա կարևոր հանդիպում է, կան բազմաթիվ գլոբալ խնդիրներ՝ Աֆղանստանից մինչև Լիբիա, Սիրիայից մինչև Կովկաս, կա երկկողմ հարաբերությունների ոլորտ, պաշտպանական արդյունաբերության հետ կապված հարցեր»,- ասել է նա։
Նշենք, որ HaberGlobal-ի տեղեկություններով` Բայդեն-Էրդողան հանդիպումը տեղի կունենա հոկտեմբերի 31-ին: