Բարձր տեխնոլոգիական արդյունաբերության նախարարության բյուջեն կավելանա մոտ 90 տոկոսով

Հայաստանում 2022 թվականի պետբյուջեի նախագծով նախատեսվում է Էկոնոմիկայի նախարարության բյուջեն ավելացնել 26.9 տոկոսով, Տարածքային կառավարման և ենթակառուցվածքների նախարարությանը՝ 31.6 տոկոսով, իսկ Բարձր տեխնոլոգիական արդյունաբերության նախարարությանը՝ 89.4 տոկոսով, այս մասին ասաց ՀՀ ֆինանսների նախարար Տիգրան Խաչատրյանը՝ ԱԺ տնտեսական ու ֆինանսավարկային եւ բյուջետային հարցերի մշտական հանձնաժողովների համատեղ նիստում կայացած բյուջետային քննարկումների ժամանակ:

«Բարձր տեխնոլոգիական արդյունաբերության նախարարության համար 2022-ի պետբյուջեի նախագծով նախատեսված ունենք 17 մլրդ 278 մլն դրամ, որը 2021-ի 9 մլրդ 123 մլն դրամի նկատմամբ  ավելի է 8 մլրդ 155 մլն դրամով, կամ աճը կազմում է 89.4 տոկոս»,- ասաց Խաչատրյանը:

Անդրադառնալով Էկոնոմիկայի նախարարությանը հատկացվելիք բյուջեին՝ նա ասաց, որ ներկայացված է 13 ծրագիր, որում ընդգրկում են 56 միջոցառումներ: «Ընդհանուր առմամբ ունենք 2022-ի պետբյուջեի նախագծով նախատեսված 41 մլրդ 8 մլն դրամ ծախսեր, որոնք 2021-ին հաստատված 32 մլրդ 319 մլն դրամի նկատմամբ ավել են 26.9 տոկոսով կամ 8 մլրդ 689 մլն դրամով»,- ասաց Ֆինանսների նախարարը:

Նա հավելեց՝ 2021-ին նախարարության գծով պետբյուջեի ծախսերը ենթարկվել են պարբերական ճշտումների և ավելացումների՝ պայմանավորված իրականացվող ծրագրերի ծավալային փոփոխություններով: Այս պահին 2021-ի համար ճշտված բյուջեով նախարարության գծով կան 39 մլրդ 177 մլն դրամի նախատեսված ծախսեր:

 Տարածքային կառավարման և ենթակառուցվածքների նախարարության համար նախատեսված է 22 ծրագիր, որոնք ընդգրկում են 129 միջոցառում: Պետբյուջեի նախագծով նախարարության համար նախատեսված են 278 մլրդ 590 մլն դրամի չափով ծախսեր, 2021-ին պետբյուջեի մասին օրենքով հաստատված է եղել 211 մլրդ 667 մլրդ դրամ, աճը 2021-ի նկատմամբ կազմում է 66 մլրդ 922 մլն դրամ կամ 31.6 տոկոս: Խաչատրյանը նշեց՝ 2022-ի բյուջեն առանձնահատուկ է հատկապես ենթակառուցվածքային ներդրումների ուղղությամբ զգալի ավելացող ծավալներով իրականացվող ծրագրերով: Աճը կազմում է 31.6 տոկոս:

Այս թեմայով ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով Կրկին մութ ամպեր առողջապահության նախարարության շուրջ Վայոց ձորում իրանական համարանիշերով բեռնատարը կողաշրջվել է Ոստիկաններն ինձ զգուշացնում են՝ ռուպերով չխոսես, չխանգարես աշխատանքին, ձայնս դրանից էլ բարձր է Ուզում ենք, որ ոստիկանի երեխան հայրիկին կամ մայրիկին մղի, ասի՝ ինչո՞ւ քո աշխատավարձը կրկնակի բարձր չէ․ Փաշինյան Շոկոլադի հումքի գինը պատմական բարձր ռեկորդ է սահմանել Երևանում՝ ՀՀ Պաշտպանության նախարարության մոտ, բախվել են «Volkswagen»-ն ու կվադրոցիկլը «Ժողովուրդ». Օրինապահից դեպի «բարձր ռիսկային խումբ» մեկ քայլ է Եվրոպայի խորհուրդը կշարունակի աջակցել Ներքին գործերի նախարարության բարեփոխումներին 2023 թ. տնտեսությունն աճել է 8,7 տոկոսով. Բաբկեն Թունյան