Ինչո՞ւ է ԱԱԾ-ն փորձաքննության տվել Դավիթ Տոնոյանին նվիրված զենքերը

Մենք տեղյակ էինք, որ ԱԱԾ-ն տարել է ՀՀ պաշտպանության նախկին նախարար Դավիթ Տոնոյանի տան զենքերը, որոնք նա նվիրատվություն էր ստացել, սակայն, որ դրանք  փորձաքննության է տրվել տեղեկացել ենք մամուլից: Այս մասին ԼՈՒՐԵՐ.com-ի հետ զրույցում ասաց Դավիթ Տոնոյանի փաստաբան Սերգեյ Հովհաննիսյանը:

«Զենքերը խուզարկության ժամանակ են վերցվել, բայց դրանց վերաբերյալ փորձաքննություն նշանակելու մասին մեզ չեն տեղեկացրել»,- ասաց նա:

Փաստաբանը նշեց՝ այս պահին նոր գործողություններ չեն կատարվում. «Քայլեր արդեն ձեռնարկվել են, սակայն սպասում ենք դրանց վերաբերյալ պատասխաններին, դրանց մասին բարձրաձայնելու ու  հետագա գործողությունների համար»,- նշեց Հովհաննիսյանը:

Նրա խոսքով՝ Տոնոյանը չի ընդունում իրեն առաջադրված մեղադրանքը՝ այն համարելով անհիմն:

Մենք փորձեցինք ԱԱԾ-ից պարզել, թե ի՞նչ նպատակով են փորձաքննության տրվել Տոնոյանի զենքերը, սակայն մեր զանգերն անպատասխան մնացին:

Նշենք, որ տևական ժամանակ է՝ Դավիթ Տոնոյանի զենքերը չեն վերադարձվում:

Հիշեցնենք՝ ՀՀ պաշտպանության նախկին (2018-2020) նախարար Դավիթ Տոնոյանն անցնում է բանակին անպիտան հրթիռներ գնելու քրեական գործով: Նա և ՀՀ զինված ուժերի կարիքների համար ռազմամթերքի մատակարար կազմակերպության տնօրեն Դավիթ Գալստյանը (Պատրոն Դավո), ըստ ԱԱԾ հաղորդագրության, կասկածվում են ավելի քան 2,2 միլիարդ դրամ հափշտակելու, կեղծիքներ կատարելու համար:

Այս թեմայով «Բանակի «կաշկանդված» լինելը ծանր հետեւանքներ է ունենալու». Դավիթ Տոնոյան «Ժողովուրդ». Ինչ ազգակցական կապ ունեն Վիլեն Գաբրիելյանն ու Դավիթ Տոնոյանը Տոնոյանի գործով դատակոչի ցուցակում 15 վկա կա, նրանցից միայն մեկի հետ է առերեսվել Տոնոյանը Հայտնի է Արցախի նախագահի կորոնավիրուսի թեստի պատասխանը Ինչու արցախցիներին որոշ դեսպանատներ շենգենյան վիզա չեն տրամադրում «Արմեն Սարգսյանն ինքը որոշեց դուռը շրխկացնի և գնա» Ինչ տարբերություն Արմեն Սարգսյա՞նն է թուղթը ստորագրել, թե՞ Պողոս Պողոսյանը․ Շարմազանով Ով կարող է առաջադրվել նախագահի թեկնածու Հայտնի է` երբ կհրապարակվի Դավիթ Տոնոյանի խափանման միջոցի հարցով որոշումը Դավիթ Տոնոյանին անձնական երաշխավորությամբ ազատ արձակելու միջնորդություն է ներկայացվել