Քիմիա առարկայից կտրվել է նաև ուսուցիչ, որը ամեն տարի ԵՊԲՀ է ուղարկում 10-ից ավել ուսանողներ. Սոֆյա Հովսեփյան

Անցկացվեց խայտառակ ամոթալի գործընթաց ,որին հաջորդեց խայտառակ ամոթալի վերաբերմունք բոլոր ուսուցիչների նկատմամբ ։ Այս մասին Facebook-ի իր էջում գրել է ԱԺ նախկին պատգամավոր Սոֆյա Հովսեփյանը`անդրադառնալով ուսուցիչների կամավոր ատեստավորման թեմային: 

«Ուսուցիչների կամավոր ատեստավորում...

Ի՞նչ կա թաքնված այս քայլի ներքո, որն այդպես էլ շատերը չնկատեցին ։ 

Վերջին շրջանում ակտիվ քննարկվում էր ուսուցիչների ցածր աշխատավարձը և դրա ամոթալի լինելը և զուգահեռ տարվում կառավարության շռայլությունների հետ։

Բոլորը շատ լավ գիտակցում են, որ կրթության որակը միայն ծրագրի անորակությունից չէ , այլ նաև ցանկացած ծրագրի որակյալ իրացումից է։ Մինչ օրս ուսուցիչների մեծ մասն այն արել են շատ հոգատար և սիրով՝ փորձելով հնարավորության սահմանում կրթել և արժեքներ ստեղծել սերունդների մոտ, սակայն ցանկացած պարագայում միշտ ակնկալել են տարրական հարգանք և վերաբերմունք իրենց նվիրական աշխատանքին։ Հարգանքի բացակայությունը բոլոր ժամանակներում ակնհայտ է եղել, վերաբերմունքը նույնպես, սակայն մարդիկ ակնկալում էին այդ վերաբերմունքի փոփոխություն և ահա եկավ ուսուցչին լռեցնելու մի դավադիր ծրագիր...

Կառավարության յուրաքանչյուր անդամ իրեն իրավունք վերապահեց խոսել կամավոր ատեստավորման մասին ,սակայն որևէ մեկը չհետաքրքրվեց , թե դա ի՞նչ և ինչե՞ս է իրականացվելու։ Կազմեցին թեսթեր, որոնցում հաշվի չառնեվեց բազմաթիվ կարևոր հանգամանքներ։

Եկան ասելու « ցանկանու՞մ եք բարձր աշխատավարձ, ապա քննություն հանձնիր, հայտնվիր մեր թակարդում»։
Ովքե՞ր էին այդ ասողները։ Նրանք այն մարդիկ էին, որոնք այդ որոշման կայացմանը հասել էին նույն ուսուցիչների շնորհիվ ։ 
Անցկացվեց խայտառակ ամոթալի գործընթաց ,որին հաջորդեց խայտառակ ամոթալի վերաբերմունք բոլոր ուսուցիչների նկատմամբ ։ 
Սկզբից խոսեցին ցածր ցուցանիշի մասին, իսկ հետո որակեցին ուսուցչին անբան և համարեցին, որ եթե չեն կարող ատեստավորումն անցնել, ապա պետք է դուրս գան դպրոցից։ Կրկին կառավարության նիստի ժամանակ ամեն մեկը հասկանալով և չհասկանալով անարգեց ուսուցչին՝ դարձնելով նիստի ամենաթրենդային հարցը։ 
Այս օրերին քննարկվում է դատախազների աշխատավարձի բարձրացման հարցը և գլխավոր դատախազի տեղակալի մեկ ամսվա աշխատավարձը ավելին է քան ուսուցչի մեկ տարվա աշխատավարձը և այն դեպքում, երբ այս դատախազությունը տապալել է ամբողջ գործընթացը։ 

Դատախազը կամավոր ատեստավորման չի գնում, նրան նվիրում են այդ աշխատավարձը, քրտնաջան չի աշխատում ,այլ քրտնաջան գործեր է սարքում կամ գործեր ձախողում, բայց կրկին իրեն նվիրում են բարձր աշխատավարձ։ 

Այս գործընթացը համարում եմ հերթական մանիպուլյացիան, որով եկան ասելու.
Լռե՛ք ուսուցիչներ, ձեր աշխատավարձը չենք բարձրացնելու, քանի որ դուք մեր թակարդում կամավոր հայտնվեցիք։ 

Ի դեպ քիմիա առարկայից կտրվել է նաև ուսուցիչ, որը ամեն տարի ԵՊԲՀ է ուղարկում 10֊ից ավել ուսանողներ և ակնկալիքն էր, որ կամավոր ատեստավորմամբ կբարձրանա իր աշխատավարձը 30-50000 դրամ։ 

Մի՛ մտեք այս խաղերի մեջ հարգելի ուսուցիչներ։ Կազմակերպված հրաժարվե՛ք ատեստավորումից և պահանջեք հարգել և արժանապատիվ կերպով վերաբերվել ձեզ։ 

Որևէ մի բարձրաստիճան պաշտոնյա իրավունք չունի ձեզ անարգելու, հիշե՛ք, որ իրենք ձեր շնորհիվ են այդ աթոռները զբաղեցնում։ 
Կամ դուք կլինեք միասնական կամ կհալածվեք ինչպես միշտ...»,- գրել  է նա:

Այս թեմայով Դատարանի որոշմամբ և ԴԱՀԿ–ի միջոցով՝ Մարիամ Հովսեփյանը ներողություն է խնդրել Նարինե Դավթյանից Հրդեհել են Արիանա Հովսեփյանի ավտոմեքենան (տեսանյութ) «Չէի ուզում ծեր մայր լինել»․ Սոֆյա Վերգարան բացահայտել է ամուսնուց բաժանվելու պատճառը Սա էլ մյուս փաստը, որ Արտակ Գալստյանի տղան բանակից թռած է. Հովսեփյան Կդադարեցվի Նորքի՝ Գ. Հովսեփյան փողոցի ջրամատակարարումը Նախկին գլխավոր դատախազի եղբոր՝ Ռուբեն Հովսեփյանի նկատմամբ քրեական հետապնդումը դադարեցվել է․ փաստաբան Առավելագույնը մեկ շաբաթ հետո Արցախում կլսենք սովամահության դեպքերի մասին․ Սոֆյա Հովսեփյան Արցախցի կինը գիշերը հերթ է կանգնել, որ ձու գնի, իսկ գիշերն այստեղ հրավառություն էր. Սոֆյա Հովսեփյան Սոֆյա Հովսեփյանը փոքրիկ է ունեցել․ «Հրապարակ» Սոֆյա Ռոտարուն «իր անձնական թշնամի» է հռչակել Իրինա Ալեգրովային