Մենք պետք է ի վերջո գնանք 1920-1930-ականների իրավական հիմքերին․ վարչապետը՝ դեմարկացիայի և դելիմիտացիայի մասին

 Հայաստանի Հանրապետության վարչապետ Նիկոլ Փաշինյանն անդրադարձել է հարցին, թե Հայաստանի և Ադրբեջանի միջև դեմարկացիայի և դելիմիտացիայի գործընթացը սկսելու դեպքում որ թվականի քարտեզները պետք է հիմք հանդիսանան գործընթացը իրականացնելու համար։ Հանրային հեռուստաընկերությանը տված հարցազրույցում վարչապետն ընդգծել է, որ նախ պետք է հասկանալ, թե քարտեզ ասելով ինչ նկատի ունենք, որովհետև դիտարկումները ցույց են տալիս, որ քարտեզները վերատպություններ են։ «Տեսեք մենք ասում ենք 1985 թվականի քարտեզ, 1980 թվականի քարտեզ, 1975 թվականի քարտեզ, 1973 թվականի քարտեզ։ Այդ քարտեզները հիմնականում վերատպություններ են, որովհետև, քանի որ թղթային նյութը մաշվում է, ժամանակ առ ժամանակ վերատպվել են։ Կարևոր  են իրավական հիմքերը, ի՞նչ իրավական հիմքերի վրա է տեղի ունեցել սահմանազատում և սահմանագծում Խորհրդային Հայաստանի և Խորհրդային Ադրբեջանի միջև։  Ընդհանրապես Խորհրդային Հայաստանի և Խորհրդային Ադրբեջանի միջև սահմանազատման և սահմանագծման ի՞նչ իրավական հիմք կա։ Որովհետև քարտեզի վրա արձանագրվում է իրավական հիմքը»,- նշել է վարչապետը։

Նա նաև ընդգծել է նաև, որ այդ բոլոր վերատպված քարտեզները նույնական չեն։ «Ինչու, որովհետև Խոհրդային Միության ժամանակ եղել է այդպիսի ավանդույթ և ոչ միայն ավանդույթ, որ օրինակ՝ Կոմունիստական կուսակցության ինչ-որ տարեդարձի կապակցությամբ եղբայրական հանրապետությունները իրար տարածքներ են նվիրել։ Ընդ որում, դա արվել է տեղական մակարդակով։ Օրինակ՝ այսինչ շրջանը այսինչ տեղից այսքան հեկտար արոտավայր նվիրում է։ Մեր նախնական ուսումնասիրությունը ցույց է տալիս, որ հիմնականում փոխադարձության սկզբունքով է դա տեղի ունեցել։ Եվ հիմա շատ կարևոր է այդ իրավական հիմքերը հասկանալ։ Մենք քարտեզ ասելով նկատի չունենք ուղղակի թղթի վրա գրված գծագիր, մենք նկատի ունենք դրա իրավական հիմնավորումը, որովհետև քարտեզն առանց իրավական հիմնավորման ոչ մի նշանակություն չունի»,- ասել է Փաշինյանը։

Հարցին՝ եթե խոսքը Սովետական Միության մեջ տեղի ունեցած վարչատարածքային նվիրաբերումների մասին է, ի՞նչ իրավական հիմք կարող է լինել, վարչապետը պատասխանլ է․ «Պետք է հասկանալ, թե ինչ իրավական հիմքով է դա տեղի ունեցել, և այդ իրավական հիմքերը որքանով են վերաբերելի թեմային։ Բայց ընդհանուր առմամբ մենք եկել ենք այն եզրակացության, որ բոլոր իրավական հիմքերը այն իրավական հիմքերն են, որոնք 1920-1930 ականներին համաձայնեցվել են Հայաստանի և Ադրբեջանի միջև։ Այսինքն, մենք ի վերջո պետք է գնանք դրանց։ Այստեղ կա գործնական խնդիր, որ տեքստում նշված պայմաավորվածություններն արտացոլվեն քատեզների վրա, սա է աշխատանքը, որ պիտի արվի»,- եզրափակել է Նիկոլ Փաշինյանը։

Այս թեմայով ՌԴ-ն Հայաստանից հստակ արձագանք է ակնկալում ռազմաքաղաքական տեղեկատվության արտահոսքի մասին Մենք զգուշացրել ենք հարևան երկրներին Իսրայելի դեմ գործողությունների մասին. Աբդոլլահիան ԼՂ-ի հայերը պետք է վերադարձի հնարավորություն ունենան՝ իրավունքների և անվտանգության ապահովմամբ. Զախարովա Պետք է Նիկոլի հարցը լուծենք, որ պարզ էրեսով կարողանանք գնալ «Եռաբլուր»՝ մեր տղերքի մոտ. Չախալյան ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ Դա դեռ հարց ա՝ էդպես ա եղել, թե չէ. Երևանի ոստիկանապետը՝ Սամվել Վարդանյանին խոշտանգելու մասին Սա պետք է համազգային մեծ շարժում դառնա, ժողովուրդ, միացեք Քննարկում՝ «Տեսալսողական մեդիայի մասին» օրենքում փոփոխությունների շուրջ Փաշինյանն ասել է՝ ադրբեջանցիները պետք է գան, կանգնեն գետի կողքը. Գառնիկ Դանիելյան Ֆրանսիայի առաջին տիկին Բրիջիթ Մակրոնի մասին սերիալ կնկարահանվի (լուսանկարներ)