Ռուսաստանի և Ֆրանսիայի արտաքին գործերի ու պաշտպանության նախարարները կհանդիպեն. հայտնի է` ինչ են քննարկելու

Ֆրանսիայի և Ռուսաստանի արտաքին գործերի և պաշտպանության նախարարների հանդիպումը կկայանա նոյեմբերի 12-ին Փարիզում Լիբիայի հարցով միջազգային համաժողովի շրջանակներում, կողմերը կքննարկեն իրավիճակը Ուկրաինայում, Իրանի միջուկային գործարքը և Աֆղանստանը, ասված է Ֆրանսիայի ԱԳՆ-ի հաղորդագրության մեջ։

«Լիբիայի վերաբերյալ միջազգային համաժողովի շրջանակում Եվրոպայի և արտաքին գործերի նախարարը և Ֆրանսիայի Զինված ուժերի նախարարը նոյեմբերի 12-ին Փարիզում կընդունեն իրենց ռուս գործընկերներին՝ նախարարներ Սերգեյ Լավրովին և Սերգեյ Շոյգուին` անվտանգության հարցերով համագործակցության խորհրդի շրջանակներում»,- ասված է հաղորդագրությունում։

Նշվում է, որ կողմերը կքննարկեն տարածաշրջանային ու միջազգային ճգնաժամերի քաղաքական և ռազմական ասպեկտները, մասնավորապես՝ իրավիճակը Ուկրաինայում։

«Նախարարները կքննարկեն նաև Ֆրանսիայի և Ռուսաստանի համատեղ ջանքերը Մինսկի խմբում համանախագահության շրջանակներում, ինչպես նաև Եվրոեռյակի երկրների և Ռուսաստանի միջև սերտ համագործակցությունը՝ Իրանի հետ միջուկային գործարքին վերադառնալու բանակցությունները շուտափույթ վերսկսելու համար»,- հավելել է Ֆրանսիայի ԱԳՆ-ն։

Ֆրանսիայի և Ռուսաստանի արտաքին գործերի նախարարները տարածաշրջանային անվտանգության վերաբերյալ մտքեր կփոխանակեն նաև Մերձավոր Արևելքի, Աֆղանստանի և Հնդխաղաղօվկիանոսյան տարածաշրջանի մասին։

Այս թեմայով Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Մակրոնը հայտնել է Կիև այցելելու իր ծրագրերի մասին Մակրոնը կոչ է արել ուժեղացնել ճնշումը Թեհրանի վրա Ռուսաստանից հրադադար կխնդրենք. Մակրոն Արևմուտքը չի ցանկանում, որ իրականացվեն ՌԴ-ի օգնությամբ Հայաստանի և Ադրբեջանի միջև ձեռք բերված պայմանավորվածությունները. Լավրով Լավրովը ժամանել է Մինսկ՝ մասնակցելու ԱՊՀ ԱԳ նախարարների խորհրդի նիստին Մեդվեդևը Մակրոնին անվանել է «Կրոկուսում» տեղի ունեցած ահաբեկչության «հովանավոր» Մակրոնն «օգտակար տեղեկություն» ունի Մոսկվայի համար Մակրոնը Ռուսաստանին կասկածում է Օլիմպիական խաղերը տապալելու մտադրության մեջ