Ինձ համար Հրազդանը զարգացնելը գերխնդիր է, միասնական ուժերով կարող ենք այն դարձնել ժամանակակից քաղաք

2018 թվականի հոկտեմբերի 21-ին ստանալով ձեր վստահության քվեն` Հրազդան համայնքի պատմության մեջ բացեցինք մի նոր էջ` մեկնարկ տալով անհնարին թվացող բազմաբնույթ ծրագրերի իրականացմանը:

Այս մասին ֆեյսբուքյան իր էջում գրել է Հրազդանի ՏԻՄ ընտրություններում ՔՊ կուսակցության թեկնածու Սևակ Միքայելյանը՝ շարունակելով.

«Պաշտոնավարման ընթացքում մշտապես գործել եմ բաց և թափանցիկ` պահպանելով բնակիչ և համայնքի ղեկավար անմիջական կապը:

Վերջին երեք տարիներին համայնքային տարբեր ոլորտներում իրականացված մեծածավալ աշխատանքներն են փաստում, որ ձեզ տրված յուրաքանչյուր խոստում իրականություն է դառնում:

Ձեզանից յուրաքանչյուրի վստահությունն ինձ համար մշտապես վեր է եղել ամեն ինչից, մշտապես ուշադիր եմ եղել ձեր կողմից բարձրացված խնդիրներին և երբեք որևէ խնդիր չեմ անտեսել :

Մեր քաղաքում բացերն ու խնդիրները դեռևս բազմաթիվ են, քանի որ տարիներ շարունակ համայնքային միջոցները չեն ուղղվել Հրազդանի զարգացմանը: Չնայած այդ խնդիրներին և բացերին մենք չենք հուսահատվել և հնարավոր բոլոր միջոցները գործի ենք դրել ի բարօրություն մեր քաղաքի:

Համայնքային գրեթե բոլոր ոլորտներն այս տարիների ընթացքում առաջընթաց և զարգացում են ապրել, բոլորիս աչքի առաջ իրականացվել են լայնածավալ աշխատանքներ, որ չէին կատարվել երկար տարիներ:

Սիրելի համաքաղաքացիներ, ինձ համար Հրազդանը զարգացնելը գերխնդիր է և վստահ եմ, որ միասնական ուժերով կարող ենք այն դարձնել հանրապետությունում զարգացած և ժամանակակից քաղաքներից մեկը:

Դեկտեմբերի 5-ին սպասվող համայնքային խոշորացման արդյունքում մեզ միացող նոր թաղամասերը նույնպես ինտենսիվ կերպով զարգացում են ապրելու և ներգրավվելու են բարեկարգման աշխատանքներին:

Վստահեցնում եմ, մշտապես լինելու եմ ձեր կողքին, քանի որ ձեզանից յուրաքանչյուրի վստահությունն ինձ համար ամենամեծ ձեռքբերումն է:

Սիրելի հայրենակիցներ, երեք տարի շարունակ մենք միասին անցել ենք դժվարին ու պատասխանատու ճանապարհ. այդ ճանապարհը եկեք միասին շարունակենք արածս գործով և ձեր վստահության քվեով : Այս ընթացքում արդեն իսկ կատարված բազմաբնույթ աշխատանքներն ու ծրագրերը պետք է ունենան իրենց շարունակականությունն ու զարգացումը: Այս հավատով եմ ներկայացնում ձեզ բարեկեցիկ, զարգացող և օր օրի առաջընթաց ապրող Հրազդան ունենալու իմ ծրագրերն ու հետագա քայլերը:

Սիրելի հրազդանցիներ, ես ձեզանից մեկն եմ, ձեր կողքին և ձեր ընկերը, եկեք միասին շարունակենք մեր քաղաքը դարձնել առաջատարն ու լավագույնը:

Եվս մեկ անգամ ակնկալում եմ ձեր աջակցությունը և վստահեցնում, որ շարունակելու ենք զարգացնել և բարեկարգել մեր բոլորի հարազատ համայնքն իր բոլոր բնակավայրերով»:

Այս թեմայով Սևակ Ամրոյանը հայր կդառնա (տեսանյութ) Պարույր Սևակ փողոցում զենքով խուլիգանության դեպքը բացահայտվել է․ 2 անձի մեղադրանք է ներկայացվել Սևակ Քեթենջյանը՝ Հայաստանի բասկետբոլի Մ18 հավաքականի գլխավոր մարզիչ Որտեղ է Սևակ Ամրոյանը նշել Ամանորը (լուսանկար) ՃՏՊ Երասխ-Պարույր Սևակ ավտոճանապարհին․ կա մեկ տուժած և մեկ զոհ Սոթքում այս պահին հանգիստ վիճակ է, խուճապ չկա․ գյուղապետ Սևակ Ամրոյանը նշում է ծննդյան տարեդարձը. երգչի կնոջ անակնկալը (տեսանյութ) Դժվարա գոնե մի քանի օր ձեր քեֆերի, համերգների ու չգիտեմ ինչերի story-ները չանել, զզվելիա․ Ամրոյան «Այս պահին այդ լուրերը իրականության հետ կապ չունեն»․ Սևակ Ամրոյան Սևակ Ամրոյանի կինը հերքել է երեխա ունենալու լուրը