ՔՊ-ականների ստերն ու իրականությունը Գորիս-Կապան ճանապարհի վերաբերյալ

Երեկ ուշ երեկոյան հայտնի դարձավ, որ Գորիս-Կապան ճանապարհի վրա ադրբեջանական կողմը մաքսակետ է տեղադրելու` այսպիսով վերջնականապես փակելով ճանապարհը հայկական կողմի անխափան օգտագործման համար: Ուշագրավ է, որ ամիսներ և շաբաթներ շարունակ իշխանության տարբեր ներկայացուցիչներ փորձում էին հանրությանը համոզել, որ նման սցենարի մասին անգամ խոսք չի գնում: 

Երեկ վերոնշյալ լուրը հայտնած ԱԽ քարտուղար Արմեն Գրիգորյանը դեռ սեպտեմբերին հայտարարում էր, որ ճանապարհի հարցը քննարկում են բոլոր մակարդակներում, որպեսզի հնարավորինս արագ լուծում ստանա: «Ե՛վ մեր ռուս գործընկերների, և՛ ադրբեջանցիների հետ քննարկումներում բարձրացնում ենք այս հարցն ու ակնկալում արագ լուծել»,- նշել էր Գրիգորյանը:

Նրա խոսքով՝ նոյեմբերի 9-ից հետո ձեռք բերված պայմանավորվածությունների համաձայն՝ հայկական կողմը պետք է այդ ճանապարհն անվտանգ օգտագործի:

Նիկոլ Փաշինյանը հայտարարել էր հետևյալը, որ 2020-ի դեկտեմբերին պայմանավորվածություն է ձեռք բերվել, որ այդ ճանապարհն անարգել կերպով պետք է օգտագործվի ՀՀ տրանսպորտային միջոցների և բեռների տարանցման համար: 

Սյունիքի մարզի Գորիս-Կապան միջպետական ճանապարհի երկու հատվածի վերաբացման համար Հայաստանը «ոչինչ չի զիջել, ինչ-որ բանի շուրջ կոմպրոմիս չի եղել»,- այդ մասին շաբաթներ առաջ հայտարարել էր Ազգային ժողովի Արտաքին հարաբերությունների մշտական հանձնաժողովի նախագահ, ՔՊ-ական Էդուարդ Աղաջանյանը:

Ամիսներ առաջ  ԱԺ «Իմ քայլը» խմբակցության անդամ Արմեն Խաչատրյանը ֆեյսբուքյան էջում տեսանյութ է հրապարակել՝ կից գրելով. «Սիրելի հայրենակիցներ Գորիս-Կապան Մ-2 միջպետական ճանապարհահատվածը արդեն բաց է։ Կարող եք երթևեկել այդ հատվածով։ Ճանապարհի անվտանգությունն լիովին ապահովված է»։

Ճանապարհի փակման առաջին շաբաթների ընթացքում ՔՊ-ական պատգամավոր Նարեկ Ղահրամանյանը հայտարարում էր, որ ժամերի ընթացքում այն կբացվի:

ՔՊ-ական պատգամավոր Արթուր Հովհաննիսյան էլ հայտարարել էր՝ այս գործընթացների վերաբերյալ տեղի ունեցող բանակցություններում ցանկացած արձանագրված փաստ համապատասխան պետական խողովակների միջոցով տեղ է հասցվում հանրությանը։

Շաբաթներ առաջ համացանցում տարածված փաստաթուղթը, որի տակ այն ժամանակվա ՊՆ նախարար Վաղարշակ Հարությունյանի ստորագրությունն էր, և որը ենթադրում էր՝ 5 տարի ժամկետով ճանապարհի հանձնումը ադրբեջանական կողմին, հերքվեց պատկան մարմինների կողմից:

Այսպիսով` կարող ենք փաստել, որ հեղափոխական իշխանությունները, որոնք խոստացել էին բաց և թափանցիկ գործել, ժողովրդից ոչինչ չթաքցնել, հերթական զիջումն են արել այդ նույն ժողովրդի թիկունքում: Ընդ որում, այս պարագայում գործ ունենք ՀՀ սահմանադրության կոպիտ ոտնահարման հետ, քանի որ տարածքային ցանկացած փոփոխություն պետք է դրվի հանրաքվեի, մինչդեռ հպարտ քաղաքացիների կարծիքը որևէ մեկը չի հարցրել, ավելին՝ այդ նույն քաղաքացիների գլխի տակ ամիսներ շարունակ ՔՊ-ական պաշտոնյաները փափուկ բարձ էին դնում և մեկ օրվա ընթացքում կանգնեցրին փաստի առաջ` ճիշտ և ճիշտ ինչպես մեկ տարի առաջ:

Այս թեմայով Գորիս-Կապանի հանձնումից հետո Սյունիքի խոցելիությունը մեծացավ, նույնը կլինի Տավուշում «Գորիս» ՔԿՀ պետն ազատվել է պաշտոնից Գորիս-Կապան ճանապարհը ռուսներն են տվել, Արցախը՝ ձեր ղեկավարությունը․ Գագիկ Մելքոնյանը՝ լրագրողներին «Կապան քաղաքը չկա ըստ էության․ 2020-ին Վաղարշակ Հարությունյանը Փաշինյանի հետ ստորագրել է դելիմիտացիան» ՃՏՊ Սիսիան-Գորիս ավտոճանապարհին. կա տուժած ՃՏՊ Կապան-Տաթև ավտոճանապարհին. կա տուժած Մերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենա Ճամբարակ, Ջերմուկ, Կապան, Բերդ քաղաքներում վորքաութ տեսակի մարզահրապարակներ կկառուցվեն Կապան, գարուն, բնության զարթոնք․ Սուրենյան Ուժեղ բքի պատճառով դադարեցվել է Երևան-Գորիս ճանապարհի մոտ 3-4 կիլոմետրանոց հատվածի երթևեկությունը