Արդեն իրականացրե՞լ եք դելիմիտացիա և դեմարկացիա, որ որոշել եք՝ «Գորիս-Կապանը» ՀՀ տարածքում չէ․ Թովմասյան

«Ինչպե՞ս եք որոշել, որ «Գորիս-Կապանը» ՀՀ տարածքում չէ, արդյոք արդեն իրականացրել եք դելիմիտացիա և դեմարկացիա. դրա հիման վրա դուք միայն կարող էիք նման հայտարարությամբ հանդես գալ»․ Այս մասին այսօր՝ նոյեմբերի 11-ին,  ԱԺ մարդու իրավունքների պաշտպանության հանձնաժողովի հրատապ նիստի ժամանակ ասաց հանձնաժողովի նախագահ Թագուհի Թովմասյանը՝ ընթերցելով Փաշինյանին ուղղված հարցերը։

«Գորիս-Կապան ճանապարհին տեղադրվել են մաքսային կետեր, ստացվում է, որ ՀՀ տարածքի մասին այլևս պետք է անցյալով խոսենք, և չենք կարողանալու օգտվել այդ տարածքից: Սա վարչապետն ասում է սառը դատողությունների հորդորով և սառը գլխով որոշումներ կայացնելու անհրաժեշտությամբ, ինչն անընդունելի է»,-ասաց պատգամավորը:

Թագուհի Թովմասյանը նշեց, որ Նիկոլ Փաշինյանը հստակ պետք է պատասխանի հետևյալ հարցերին՝

- Ինչի՞ հիման վրա եք հայտարարել, որ ադրբեջանական անցակետը չի գտնվում ՀՀ տարածքում։

- Արդյո՞ք արդեն իրականացվել է դեմարկացիա և դելիմիտացիա։ Միայն դրա հիման վրա դուք կարող էիք նման հայտարարությամբ հանդես գալ։

- Ի՞նչ իրավական հիմքով է հայտարարվում, որ անցակետը ՀՀ տարածքից դուրս է․ ո՞ր քարտեզի հիման վրա։

- Երբ պետական սահմանի փոփոխություն է իրականացվում, այն իրականացվում է «Պետական սահմանի մասին» ՀՀ օրենքի փոփոխությամբ։ Մենք օրենքի որևէ փոփոխություն չենք իրականացրել, հետևաբար սա իրավական տեսանկյունից խնդրահարույց է։

- Ինչպե՞ս է իրականացվելու ադրբեջանական սահմանային ու մաքսային վերահսկողության պայմաններում մարդկանց ու ապրանքների ազատ և անվտանգ տեղաշարժը։

Թագուհի Թովմասյանը նշեց, որ ակնկալում են այս հարցերի պարզաբանումներն ստանալ կառավարությունից, բայց մինչ այս պահը արձագանք չկա.

«Հույս ունենք, որ Կառավարության ներկայացուցիչը, որին կլիազորի վարչապետը, կներկայանա խորհրդարան: Իսկ եթե չներկայանա, մենք մեր ասելիքը հրապարակավ պետք է փոխանցենք՝ ակնկալելով, որ առաջիկայում ինչ-որ ֆորմատ կձևավորվի և հնարավորություն կունենանք մինչև լիագումար նիստերի սկսվելը պարզաբանումներ ստանալ»,-ասաց նա:

Թագուհի Թովմասյանը նշեց, որ քննարկմանը հրավիրված են եղել նաև գործադիրի ներկայացուցիչները, ինչպես նաև իշխող «Քաղաքացիական պայմանագիր» խմբակցության պատգամավորներ, սակայն նրանցից որևէ մեկը ներկա չէ քննարկմանը.

Այս թեմայով Գորիս-Կապանի հանձնումից հետո Սյունիքի խոցելիությունը մեծացավ, նույնը կլինի Տավուշում «Գորիս» ՔԿՀ պետն ազատվել է պաշտոնից Գորիս-Կապան ճանապարհը ռուսներն են տվել, Արցախը՝ ձեր ղեկավարությունը․ Գագիկ Մելքոնյանը՝ լրագրողներին ՃՏՊ Սիսիան-Գորիս ավտոճանապարհին. կա տուժած Աշխատանքներ են տարվում Սոչին և Կապանը քույր քաղաքներ ճանաչելու ուղղությամբ. Զախարովա Մերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենա Ուժեղ բքի պատճառով դադարեցվել է Երևան-Գորիս ճանապարհի մոտ 3-4 կիլոմետրանոց հատվածի երթևեկությունը Զանգեր-Գորիս ավտոճանապարհին ձնամրրիկ է (տեսանյութ) Գորիս-Տաթև և Գորիս-Սիսիան ավտոճանապարհները փակ են բեռնատարների համար Սիսիան-Գորիս-Հարժիս ճանապարհին իրականացվում են մաքրման և աղ-ավազով մշակման աշխատանքներ