Անհետ կորած զինծառայողների ընտանիքները կշարունակեն աջակցության գումար ստանալ

Կառավարությունը փոփոխություններ և լրացումներ է կատարել նախկինում ընդունած որոշումներից մեկում՝ անհետ կորած զինծառայողներին մինչև դատական կարգով անհայտտ բացակայող ճանաչելն ընկած ժամանակահատվածում աջակցության գումարի տրամադրման  շարունակականությունն ապահովելու համար:

Որոշմամբ   առաջարկվում է աջակցության վճարման ժամկետը 9 ամսվա փոխարեն սահմանել 12 ամիս՝ անհետ կորած զինծառայողների ընտանիքներին ընձեռնելով հնարավորություն դատական կարգով անհայտ բացակայող ճանաչելու գործընթացը ավարտին հասցնելու, ինչպես նաև աջակցության գումարների վճարման շարունակականությունն ապահովելու նպատակով:

«Արդյունքում, մինչև անհետ կորած զինծառայողներին դատական կարգով անհայտ բացակայող ճանաչելու վերաբերյալ որոշման ընդունումն ընկած ժամանակահատվածում, բայց ոչ ավելի, քան 12 ամիս ժամկետով ամենամսյա դրամական վճարի ձևով սոցիալական աջակցություն կտրամադրվի անհետ կորած յուրաքանչյուր զինծառայողի հաշվով ամսական 300.000 դրամի չափով` սկսած նշված միջոցառումը հաստատելու ամսվանից»,- նշված է որոշման մեջ:

Գործադիրը վերաբաշխում է կատարել պետբյուջեում, փոփոխություններ՝ նախկինում ընդունած որոշումներից մեկում՝ Ադրբեջանի կողմից 2020 թ. սեպտեմբերի 27-ին սանձազերծված պատերազմի սոցիալական հետևանքները մեղմելու համար իրականացվող մի շարք միջոցառումների շրջանակներում դրամական օգնություն նշանակած, սակայն դեռևս սոցիալական աջակցություն չստացած շահառուներին դրամական օգնությունը վճարելու համար անհրաժեշտ ֆինանսական միջոցներ հատկացնելու նպատակով:

Ըստ այդմ՝ առաջարկվում է պետբյուջեի միջոցների հաշվին հատկացնել 617,430.0 հազար դրամ:

Այս թեմայով 40+10 հազար դրամ աջակցության ծրագրի շահառուների շրջանակն ընդլայնվել է Մովսես Ոսկանյանը որոնվում է որպես անհետ կորած Նաիրա Պետրոսյանը որոնվում է որպես անհետ կորած Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար Որպես անհետ կորած փնտրվող 37-ամյա տղամարդուն գտել են մահացած վիճակում Զինված հարձակում՝ Փարաքարում․ արցունքաբեր գազ է կիրառել ու գողացել խոշոր չափի գումար և ոսկի «Հրապարակ». 1 մլն 175 հազար դրամ Սահմանադրության օրվա համար Ֆրանսիան Հայաստանին տրամադրում է ռազմական տեխնիկա, որը բոլորը շատ են ցանկանում ստանալ․ դեսպան Դըկոտինյի Նարեկ Մկրտչյանը և Քերոլայն Քոքսը քննարկել են ԼՂ-ից տեղահանված անձանց աջակցության գործընթացին առնչվող հարցեր Սահմանվել են բռնության ենթարկված երեխային տրամադրվող աջակցության ձևերը և կարգը