Սինգապուրում չպատվաստված կորոնավիրուսով հիվանդները բուժման համար ավելի քան 18 000 դոլար կվճարեն
ԱշխարհՍինգապուրի բնակիչները, ովքեր հրաժարվում են պատվաստումներից, ծանր կորոնավիրուսային վարակի դեպքում, հիվանդանոցային բուժման համար, այդ թվում՝ վերակենդանացման բաժանմունքներում, ստիպված կլինեն վճարել միջինը 18 400 դոլար: Այս մասին ուրբաթ գրում է Straits Times թերթը՝ հղում անելով հանրապետության առողջապահության նախարարության տվյալներին։ «Սինգապուրի քաղաքացիները, ինչպես նաև մշտական կացության կարգավիճակ ունեցող օտարերկրացիները կկարողանան դրա մեծ մասը վճարել սոցիալական ապահովագրության ծրագրի միջոցով, որի դեպքում գումարը կնվազի մինչև 2,9 հազար դոլար,-նշել են նախարարությունից։ Բացի այդ, եթե չպատվաստված բնակիչները, երբ վարակվել են կորոնավիրուսով, ուղարկվեն հատուկ մեկուսացման կենտրոններ, նրանք ստիպված կլինեն վճարել 3,3 հազար դոլար այնտեղ գտնվելու յոթ օրվա համար, հավելել է Առողջապահության նախարարության խոսնակը։
Մինչ օրս բոլոր սինգապուրցիների մոտավորապես 85%-ը ստացել է կորոնավիրուսի դեմ պատվաստանյութի երկու չափաբաժինները։ Իմունականխարգելման պետական ծրագրում օգտագործվում են Pfizer, BioNTech, Moderna, Sinovac դեղերը: