Մայրը ձայնը տվել է Գևորգ Փարսյանին, տղան էլ՝ ՔՊ-ին. ով է Աղվանում ՔՊ-ին 1 ձայն տված քաղաքացին

«Քաղաքացիական պայմանագիր» կուսակցությունը երեկ ընտրություններին Սյունիքի մարզի Աղվանի գյուղում ստացել էր ընդամենը 1 ձայն:

ԼՈՒՐԵՐ.com-ը կապ հաստատեց Աղվանի գյուղի ղեկավարի՝ Աշոտ Սուքիասյանի հետ՝ պարզելու, թե ով էր «ՔՊ»-ին 1 ձայն տված քաղաքացին և թե արդյոք թյուրիմացություն էր եղել և այդ 1 քվեն էլ չպետք է լիներ, գյուղապետը պատասխանեց, որ թյուրիմացություն չի եղել, մարդը ում ցանկացել՝ քվեարկել է.

«ՔՊ-ին ձայն տալիս նրան, անգամ, չմտափոխեց ադրբեջանական անցակետերի տեղադրումը: Իշխանության ներկայացուցչին ձայն տվողն ապրում է նորմալ պայմաններում՝ ո՛չ լավ, ո՛չ վատ: Ամբողջ ընտանիքը բնակվում է Կապանում, գյուղում մնացել են ինքն ու մայրը: Մայրը ձայնը տվել է «Շանթ» դաշինքին, ինքն էլ՝ «ՔՊ»-ին»,- ասաց Աշոտ Սուքիասյանը՝ հավելելով, որ իրենց գյուղում ընտրողները քիչ են, և, բացի դա, մի մեծ ընտանիք են, բոլորն էլ գիտեն, թե ով, ում է տվել իր ձայնը:

Նա ասաց, որ, ընտրության արդյունքները տեսնելով, անակնկալի չի եկել, սպասում էր, որ այդ պատկերը կլինի. «Մարդիկ իրենք են որոշել՝ ինչ անեն ու ում տան իրենց ձայնը, կոպիտ ասած՝ «վառված են», նրանք այլ բաների էին սպասում, բայց իրականում լրիվ այլ բան ստացվեց, մնացել են շիվար»,- նշեց Աշոտ Սուքիասյանը:

Վերջինս հավելեց, որ Գորիս-Կապան, Ճակատեն_Կապան ավտոճանապարհներին Ադրբեջանի կողմից տեղադրված մաքսակետերը չեն արգելափակում բնակիչների տեղաշարժը, քանի որ ինչպես նախկինում, հիմա ևս օգտվում են Տաթևի ճանապարհով. «Այդ անցակետերը մեզ հետ որևէ կապ չունեն, մեր ճանապարհը դեպի Տաթև է եղել:

Թեև մաքսային կետերի տեղակայումը որևէ կերպ չի խոչընդոտում Աղվան գյուղի բնակիչների ազատ տեղաշարժը, այնուամենայնիվ, գյուղապետն այն կարծիքին է, որ «դրանք, որ դրվում են, ոնց որ մուրճով մարդկանց գլխին հարվածեն»:

Հիշեցնենք, որ երեկ՝ նոյեմբերի 14-ին, Հայաստանի 3 քաղաքներում՝ Կապան, Իջևան և Ստեփանավան տեղական ինքնակառավարման մարմինների ընտրությունները եղան։ 

Զվարթ Պետրոսյան

Այս թեմայով Ես հրաժարվել եմ այդ հանձնաժողովի անդամ լինելուց, ես իմ սահմանը ճանաչում եմ դիրքերով, ոչ թե փշալարով. Բաղանիսի գյուղապետ Այս պահին գյուղ են եկել պետական օղակներից ու չափագրումներ են իրականացնում․ Գառնիկ Դանիելյան Աննա Վարդապետյանը «Արի գյուղ, գյուղում կյանք կա» նախաձեռնության շրջանակում հանդիպել է Արարատի մարզի երեք բնակավայրերի աշակերտներին ՔՊ-ականները թող գան և մեզ մոտ ասեն, որ ադրբեջանական գյուղ է․ պատգամավորը զրուցել է ոսկեպարցիների հետ Մենք Տավուշի մարզի ո՞ր գյուղն ենք հանձնում, դե ասեք` Խրեմլու անունով գյուղ կա՞ այդ մարզում. Փաշինյան Գորիս-Կապան ճանապարհը ռուսներն են տվել, Արցախը՝ ձեր ղեկավարությունը․ Գագիկ Մելքոնյանը՝ լրագրողներին Երբեք խոսք չի եղել և չի կարող լինել Տավուշի որևէ գյուղ հանձնելու մասին․ Փաշինյան «Կապան քաղաքը չկա ըստ էության․ 2020-ին Վաղարշակ Հարությունյանը Փաշինյանի հետ ստորագրել է դելիմիտացիան» ՃՏՊ Կապան-Տաթև ավտոճանապարհին. կա տուժած Մերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենա