Մարտական գործողություններում զոհվել է 30–ամյա պայմանագրային զինծառայող Մերուժան Հարությունյանը

Պաշտպանության նախարարությունը հրապարակել է այսօր ՀՀ արևելյան սահմանագոտում տեղի ունեցած մարտական գործողությունների հետեւանքով զոհված մեկ հայ զինծառայողի անուն՝ 1991թ. ծնված, պայմանագրային զինծառայող, շարքային Մերուժան Արթուրի Հարությունյան։ ՊՆ–ն հայտնում է, որ այս պահին ճշտված տվյալներ կան միայն մեկ զոհի մասին։ Վիրավորների թիվը նույնպես ճշտվում է։ Եվս 12 զինծառայող գերեվարվել է։

Հիշեցնենք, որ ավելի վաղ ՔՊ խմբակցության պատգամավոր Էդուարդ Աղաջանյանը հայտնել էր, որ նախնական տվյալով հայկական կողմից զոհերի թիվը 15 է։

ՊՆ հաղորդագրության համաձայն՝ հայկական կողմի պատասխան գործողությունների արդյունքում հակառակորդն ունի կենդանի ուժի մեծաթիվ կորուստ, մի քանի միավոր զինտեխնիկա ոչնչացվել կամ շարքից դուրս է բերվել։ Հայկական կողմը նույնպես կորուստներ ունի։

Ավելի վաղ հայտնել էինք, որ ռուսական կողմի միջնորդությամբ ձեռք բերված պայմանավորվածության համաձայն՝ ժամը 18։30-ից ՀՀ արևելյան սահմանագոտում կրակը դադարեցվել է, իրադրությունը հարաբերականորեն կայունացել է։ Հիշեցնենք, որ նոյեմբերի 16-ին, ժամը 13։00-ի սահմաններում, Ադրբեջանի ԶՈՒ ստորաբաժանումները հարձակում են գործել սահմանի տվյալ ուղղությամբ տեղակայված հայկական դիրքերի վրա։ Հակառակորդը կիրառել է նաև հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։

Այս թեմայով Զինվորներն են իրենց գումարով հաճախ զինվորական մեքենաները նորոգում. վթարից տուժածի մայր Վթարի հետևանքով տուժած զինծառայողների հարազատները հավաքվել են «Մուրացան» հոսպիտալի մոտ (տեսանյութ) Վթարի հետևանքով մահացած բոլոր չորս զինծառայողները ժամկետայիններ էին․ News.am 4 զինծառայողի կյանք խլած վթարը տեղի է ունեցել Մեղրիում․ մանրամասներ Զինծառայողներին տեղափոխող «Ուրալը» վթարի է ենթարկվել․ կա 4 զոհ և վիրավորներ Գեղարքունիքի մարզում 19-ամյա զինծառայողը հրազենային վնասվածքով տեղափոխվել է հիվանդանոց Զինծառայող Ժորա Կարապետյանին անզգուշությամբ ինքնասպանության հասցնելու վարույթի նյութերը, երկու անձի մեղադրանքով, ուղարկվել են դատարան Զինծառայող Ավագ Զաքարյանի սպանության մեղադրանքով կալանավորվել է նրա համածառայակիցը Փոքրիկ Սոֆյան փոխեց զոհված զինծառայող Հովհաննես Մկրտչյանի ընտանիքի կյանքը (տեսանյութ) Դեռևս չպարզված հանգամանքներում մահացած զինծառայող Ավագ Զաքարյանը Արարատ գյուղից էր