Անդրանիկ Քոչարյանը ցանկանում է ՊՆ մատակարա՞ր դառնալ

ՔՊ-ական պատգամավոր Անդրանիկ Քոչարյանն այսօր իր ելույթում անդրադարձ էր կատարել բանակում դեռևս առկա կոռուպցիոն դրսևորումներին: Վերջինս հայտարարել էր, որ  ՊՆ փոխնախարար Բրուտյանի խոսքով՝ ՊՆ-ում ամեն ինչ փոխվել է, բայց գնումների մատակարարները մնացել են նույնը: 

Քոչարյանը իր ելույթում կոչ արեց նաև, որ զինվորականները չզբաղվեն գնումների գործընթացով` դրանով իսկ կանխելով կոռուպցիան զինված ուժերում: Այս հարցում, ինչ խոսք, Քոչարյանի հետ չհամաձայնելը բարդ է:

Սակայն, պատգամավորի այս ելույթի ֆոնին հարկավոր է հիշել ամիսներ առաջ մամուլում հրապարակված նյութերը և դրանց կից ուշագրավ փաստաթղթերը: Հրապարակ կայքը հրապարակել էր՝ մի նյութ, որում, մասնավորապես, ասվում էր, որ Անդրանիկ Քոչարյանը հավակնում է դառնալ ՊՆ մատակարար: Ըստ կայքի՝  Քոչարյանն իր ծանոթ գործարարի միջոցով փորձել է զենք մատակարարել բանակին, որը մի քանի անգամ թանկ է եղել, իսկ երբեմն էլ կիրառման համար ոչ այնքան պիտանի։ Եվ միայն ԳՇ պետի ջանքերով այդ փորձերը կանխվել են։ 

Նույն տեղեկատվությունը տարածել էր նաև Yerkir.am-ը՝ «Անդրանիկ Քոչարյանը նվաստացրել եւ սպառնացել է հրամանատարին. լուսանկարներ». վերտառությամբ հոդվածում:

Հրապարակին հղում էր արել նաև 168.am-ը, գրելով, որ Կանադահայ գործարար Րաֆֆի Քեոհնելյանն իրեն պատկանող «CAVRO LIMITED» ընկերության միջոցով պաշտպանության նախարարությանը 2020 թվականի հոկտեմբերին կոմերցիոն առաջարկ է ներկայացրել՝ մոտ 120 միլիոն եվրոյի ընդհանուր արժողությամբ մի շարք զինատեսակներ մատակարարելու վերաբերյալ, ընդ որում՝ ՊՆ-ին ներկայացված առաջարկում պարտադիր կետ է նշել, որ համաձայնության դեպքում նշված գումարի 45 տոկոսը պետք է ինքը ստանա կանխավ՝ կանխիկ կամ փոխանցումով։ Սակայն նախարարությունում քննարկել են և գործարարին պատասխանել, որ առաջարկը ոչ նպատակահարմար են գնահատում։ Ինքը` գործարարը, հաստատել էր, որ ճանաչում է Անդրանիկ Քոչարյանին:

Նույն աղբյուրի պնդմամբ՝ Անդրանիկ Քոչարյանը բոլորովին պատահական և ազգանվեր նպատակներով չէր քննադատության թիրախ դարձրել ՀՀ ՊՆ նախկին նախարար Դավիթ Տոնոյանին, «Պատրոն Դավո» մականվամբ հայտնի Դավիթ Գալստյանին: Ըստ որոշ տեղեկությունների՝ գործող իշխանությունները փորձում են ազատվել «Պատրոն Դավոյից» և զենքի մատակարարումներով զբաղվող նոր մարդկանց և ընկերությունների ներգրավվել:

Որևէ պնդումներ չանելով և գնահատականներ չտալով հանդերձ, հաշվի առնելով, որ Անդրանիկ Քոչարյանը կրկին սկսել է շոշափել մատակարարումների թեման` արդյո՞ք կարելի է ենթադրել, որ կարկառուն ՔՊ-ականը նորից ցանկություն ունի դառնալ ՊՆ մատակարար, կամ առնվազն նպաստել վերը նշված նոր մարդկանց և նոր մատակարարների նեգրավմանը:

Այս թեմայով Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Զուգադիպությո՞ւն, թե գծված ծրագիր Վենեդիկտովը հիշել է իր խոսակցությունը Հեյդար Ալիևի և Ռոբերտ Քոչարյանի հետ (տեսանյութ) Մենք բառիս բուն իմաստով ամրոցներ ենք կառուցում սահմանին՝ չինական պարիսպի պես. Անդրանիկ Քոչարյան Կրակոցը վատ բան է, բայց եթե չենք պատասխանում, նշանակում է՝ այդքան մեծ վտանգ չենք տեսել դրանում. Քոչարյան Մենք մտահոգված ենք ցանկացած կրակոցով. Քոչարյան (տեսանյութ) Փաշինյանը խաբե՞լ է. Անդրանիկ Քոչարյանի բացահայտումը Ուզում է՝ Վահե Ղազարյանը ցուցմունք տա, չեն կարող ապացուցել մի բան, որը չի եղել․ Լևոն Քոչարյան (տեսանյութ) Հայաստանի կողմից զինատեսակների ձեռքբերումը միտված է տարածաշրջանում բալանսի վերականգնմանը. Քոչարյան Այնքան ուրախացա, որ ադրբեջանցիները նկարել են մեր ինժեներական դիրքերը․ Քոչարյան