ԵԱՏՄ անդամ երկրները վերացրել են խոչընդոտների 80 տոկոսը. Ղազախստանի վարչապետ

Եվրասիական տնտեսական միության անդամ երկրները հինգ տարվա ընթացքում վերացրել են Միության խոչընդոտների 80 տոկոսը։  Եվրասիական միջկառավարական խորհրդի նիստին ունեցած ելույթում այս մասին ասաց Ղազախստանի վարչապետ  Ասկար Մամինը։

«2016 թվականից առ այսօր ԵԱՏՄ շրջանակներում վերացվել է ներքին շուկայում երբևէ գոյություն ունեցող խոչընդոտների 80 տոկոսը։ Մեծածավալ աշխատանք է կատարվել մի շարք կարևորագույն ոլորտներում առևտրի պայմանների ներդաշնակեցման ուղղությամբ»,- ասաց Ղազախստանի վարչապետը։

Նրա խոսքով՝ այդ ուղղությամբ աշխատանքների հետագա խթանման համար Ղրղզստանում Եվրասիական միջկառավարական խորհրդի նախորդ նիստի շրջանակներում կողմերը հաստատել են բացառումների և սահմանափակումների ցանկը, որոնք ենթակա են վերացման մինչև 2023 թվականի հունվարի 1-ը:

Ղազախստանի կառավարության ղեկավարը նաև նշել է, որ արդեն իսկ մեկնարկել է Եվրասիական ապրանքափոխադրման համակարգի հայեցակարգի ձևավորումը։

«Ղազախստանի կողմից նշված ենթակառուցվածքի կառուցման աշխատանքներն արդեն ակտիվորեն ընթանում են։ Ձեռնարկված միջոցառումները դրական ազդեցություն են ունեցել ԵԱՏՄ-ի փոխադարձ առևտրի վրա, որի ծավալը 9 ամսում կազմել է 52 միլիարդ դոլար ՝ նախորդ տարվա նույն ժամանակահատվածի համեմատ աճելով 32,5 տոկոսով եւ 16,5 տոկոսով ՝ 2019 թվականի մինչհամավարակային ցուցանիշի համեմատությամբ»,- հավելեց Ղազախստանի վարչապետը։

Այս թեմայով Ղազախստանի նախագահի հետ տորագրվել են մի շարք երկկողմ համագործակցության փաստաթղթեր Ալեն Սիմոնյանն ընդունել է Ղազախստանի նախագահ Կազիմ-Ժոմարտ Տոկաեւին Հայաստանը մեծապես կարևորում է Իռլանդիայի հետ հարաբերությունների ընդլայնումը. ՀՀ վարչապետ Ղազախստանի նախագահը Հայաստանին առաջարկել է ներդրումային համատեղ ծրագրեր իրականացնել Տեղի է ունենում ՀՀ վարչապետի և Ղազախստանի նախագահի առանձնազրույցը Պաշտոնական այցով Հայաստան է ժամանել Ղազախստանի նախագահը G7-ի երկրները դատապարտել են Իրանից Իսրայել անօդաչու թռչող սարքերի և հրթիռների արձակումը Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ ԵԱՏՄ-ն տնտեսական միավորում է՝ առանց որևէ քաղաքական և, հատկապես, աշխարհաքաղաքական օրակարգի Ղազախստանի նախագահն ապրիլի 15-ին պաշտոնական այցով կժամանի Հայաստան