Ինչի՞ վրա է ծախսվել քաղաքացիների կողմից հատուկ հաշվեհամարին ուղարկված 1 մլրդ դրամը

COVID-19 վարակի հաղթահարման գործում առողջապահական համակարգին  աջակցելու նպատակով 2020 թվականի մարտի 17-ին Գանձապետարանում բացվեց հաշվեհամար` նախատեսված այն ֆիզիկական անձանց և կազմակերպությունների համար,  որոնք ցանկանում են պետությանն այս նպատակով գումար նվիրաբերել։

Սրան զուգահեռ՝  հատուկ ծրագիր սկսեց նաև Հայաստան համահայկական հիմնադրամը, որի շրջանակներում ևս բացվեց հատուկ հաշվեհամար։ Ծրագրի կարգախոսն է՝ «COVID-19 Հայաստան. միասին հաղթահարենք համաճարակը»։

Գանձապետարանում բացված հաշվում նախորդ տարվա հուլիսի 24-ի դրությամբ առկա է եղել 1 մլրդ 118 մլն դրամ (մոտ 2 մլն 330 հազար ԱՄՆ դոլար)։ Այդ գումարը հավաքվել է 4654 փոխանցումներից։

ՀՀ կառավարության որոշումներով՝ նշված գանձապետական հաշվից 1 մլրդ 35 մլն դրամ գումար հատկացվել է ՀՀ Առողջապահության նախարարությանը` ՀՀ-ում կորոնավիրուսային վարակի (COVID-19) կանխարգելման, վերահսկման, բուժման և այլ համալիր միջոցառումների իրականացման համար:

Ինչպես գիտենք` նախարարությունը պատշաճ կերպով ծանուցում է հանրությանը, թե համավարակի դեմ պայքարում ինչ ծախսեր են կատարվել և ինչի վրա են կատարվել այդ ծախսերը: Սակայն, այդ հաշվետվություններից դժվար է հասկանալ, թե կոնկրետ ինչի վրա է ծախսվել քաղաքացիների, անհատների, բարերների կողմից հավաքված 1 միլիարդ դրամը: Սա չի նշանակում, որ նախարարությունը յուրացրել է տվյալ գումարը, սակայն, հետաքրքիր է, թե հատկապես այդ գումարը, որը հավաքվել է 4654 փոխանցումներից, ինչ նպատակի է ծառայել: Դիցուք՝ նախարարությունն իր հաշվետվության մեջ որպես ծախս ներառել էր նաև պարգևատրումները՝ պարգևատրում Քովիդ-19-ի շրջանակում տողի տակ: Շարքային քաղաքացին կարող է չէ՞ մտածել, որ հավաքված, հանգանակած գումարը գնացել է հենց այդ սուրբ գործին: Կարող է: Իսկ նման մտքերի ծագման համար պատասխանատու են առաջին հերթին հենց իշխանությունները, որոնք նոր չէ, որ պետք է ապացուցեն՝ ինչպես են հարկատուների գումարները ծախսում սեփական կարիքների բավարարման համար: Այս տեսանկյունից հանրության ավելի թափանցիկ և ընդգրկուն իրազեկումը կօգնի փակել առաջացող հարցերի բացը:

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով