Ուզու՞մ ես խաղաղություն՝ պետք է ռազմասեր լինես, պատերազմասեր լինես, և հաղթանակով հաստատես խաղաղություն. Բագրատ Սրբազան

Պատերազմը ավարտված չի եղել և չի ավարտվելու, քանի դեռ մենք՝ որպես ազգ, որոշում ենք կայացրել ապրել ա՛յս տարածաշրջանում, ա՛յս հայրենիքում, ա՛յս երկրում: Այս մասին ասել է Տավուշի թեմի առաջնորդ Բագրատ Սրբազանը:

«Սա մեր ազգի ինքնության հավերժական կռիվն է լինելու: Մենք միշտ պետք է պատրաստ լինենք այդ պատերազմին: Մենք կեղծ խաղաղությամբ առաջ գնալու ոչ մի թեզ չունենք և ոչ մի երաշխիք չունենք: Մեր խաղաղության նվաճման միակ ճանապարհը ռազմասեր լինելն է: Եվ խաղաղության նվաճման միակ ճանապարհը գիտակցությունն է, որ մենք որոշում ենք կայացրել ապրել այս երկրում, որը մեր աստվածատուր, սրբազան երկիրն է, որտեղ ջրերից ավելի շատ մեր զավակների և հայրերի արյունն է:Հետևաբար՝ ամեն վայրկյանն է մեզ համար պատերազմ: Նախ մեր ներքին՝ հոգու պատերազմը հաղթելու և, ապա մեր վճռական հաղթանակը՝ երկրի վրա մեր ինքնության և արժանապատվության հաստատման:Սա բոլոր նրանց է ուղղված, ովքեր խաղաղության կեղծ թեզերով են գալիս մեզ մոտ: Չկա նման բան: Ուզու՞մ ես խաղաղություն՝ պետք է ռազմասեր լինես, պատերազմասեր լինես, և հաղթանակով հաստատես խաղաղություն»,-ասել է նա:

Լրագրողի դիտարկմանը, թե պատերազմասեր մարդկանց անվանում են ռևանշիստներ, սրբազանն ասում է. «Չգիտեմ՝ ով, ինչ է անվանում: Ես անվանում եմ՝ հաղթանակողներ»:

Այս թեմայով Այս օրերը դավաճանության և ուրացումի օրեր են, մեր ինքնության, նկարագրի վաճառքի օրեր են. Բագրատ Սրբազան «Անկլավականների» համար սա տուն չէ, այլ պարզապես արոտավայր կամ հողատարածք. Բագրատ Սրբազան Մենք այսօր անգամ չգիտենք՝ հայրենիք ունե՞նք, թե չունենք..․ Բագրատ Սրբազան Ձեզ այստեղ միայն գերեզմաններ են սպասվում. Բագրատ Սրբազանը՝ Շուշիի Սուրբ Ամենափրկիչ Ղազանչեցոցում (տեսանյութ) Այսպես ենք արթնանում. տեսանյութ Տավուշից