Dior-ը ներողություն է խնդրել Չինաստանից սկանդալային լուսանկարի համար

Christian Dior ֆրանսիական բարձր նորաձեւության տունը հայտարարել է, որ «հարգում է չինացիների զգացմունքները», այն բանից հետո, երբ Շանհայում Dior-ի ցուցահանդեսին ցուցադրված լուսանկարներից մեկը վրդովմունք առաջացրեց չինացիների շրջանում, հայտնում է «ՌԻԱ Նովոստի»-ն:

Ավելի վաղ Շանհայում բացվել էր Christian Dior-ի Lady Dior խորագրով ցուցահանդեսը, որի շրջանակներում լուսանկարչական ցուցահանդես էր կազմակերպվել:  Լուսանկարներից մեկը պայուսակը ձեռքին ասիացի աղջկա դիմանկարն էր, որն առաջացրել էր չինացիների վրդովմունքը։ Չինացիների կարծիքով՝ լուսանկարը չինուհիներին «վատ լույսի ներքո» է ներկայացրել։

Ինչպես նշվում է երեքշաբթի օրը նորաձեության տան` Weibo հարթակում էջին հրապարակված հաղորդագրության մեջ, լուսանկարի հետ կապվախ քննադատություն հայտնվեց համացանցում, Dior-ն «անմիջապես մեծ նշանակություն տվեց դրան եւ անմիջապես ջնջեց համապատասխան լուսանկարը Dior-ի պաշտոնական կայքում, լուսանկարը հանվեց նաեւ ցուցահանդեսից»։

«Dior-ը, ինչպես միշտ, հարգում է չինացի ժողովրդի զգացմունքները, խստորեն հետեւում է չինական օրենսդրությանը եւ աշխատում է համապատասխան գերատեսչությունների հետ՝ վերանայելու եւ հաստատելու բոլոր հրապարակային ցուցադրված աշխատանքները: Եթե ​​ինչ-որ սխալ է եղել, մենք միշտ պատրաստ ենք լսել մեկնաբանությունները, այնուհետեւ ժամանակին ուղղել սխալը։ Dior-ի անկեղծ մտադրությունները չինական հասարակության եւ սպառողների նկատմամբ անսասան են»,- ասվում է հայտարարության մեջ:

Անցյալ շաբաթ Beijing Daily-ն հոդված էր հրապարակել՝ «Այսպիսին են չինուհիները. Արեւմտյան շքեղ ապրանքանիշերը վերադառնում են հնին... » վերնագրով: «Լուսանկարում փոքր, կկոցած աչքերով մոդել է` կապտասեւ ստվերներով, մռայլ կնճիռներով, յուղոտ մազերով եւ միեւնույն ժամանակ դեռ Ցին դինաստիայի հագուստով»,- գրում է պարբերականը:

China Women's News-ը լուսանկարի վերաբերյալ իր հոդվածում գրել է, որ ցուցահանդեսը եւս մեկ անգամ ցուցադրել է «արեւմտյան որոշ ապրանքանիշերի գեղագիտական ​​եւ մշակութային ամբարտավանությունն ու նախապաշարմունքները», ինչպես նաեւ` «չինական մշակույթը խեղաթյուրելու» մտադրությունը:

Այս թեմայով Չինաստանի նախագահը կոչ է արել Արևմուտքին չօգնել Ուկրաինային․ ԶԼՄ Հայաստան-Չինաստան հարաբերությունների հանգրվանային նշանակությունը. «Փաստ» Լավրովը պաշտոնական այցով ժամանել է Չինաստան Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը» Չինուհին փորձել է թունավորել հղի գործընկերուհուն՝ ֆիզարձակուրդի ժամանակ նրա փոխարեն չաշխատելու համար Չինաստանում կապիկները հարձակվել են զբոսաշրջիկների խմբի վրա (լուսանկարներ) Չինուհին 2 տարի ականջակալներով է քնել ու կորցրել լսողությունը Չինաստանում հայտարարել են «X հիվանդության» տարածման սպառնալիքի աճի մասին Չինաստանում 14.000 դոլարով վաճառում են K-pop երգչուհու գլխից 3 մազ Այսօր կա երկու եռանկյունի՝ ՌԴ-Չինաստան-Իրան եւ ԱՄՆ-ԵՄ-Թուրքիա. Մենք պետք է ընտրություն կատարենք. Արմեն Գեւորգյան