Ինչո՞վ են հայտնի Աշտարակի քաղաքապետի պաշտոնի հավակնորդները

Դեկտեմբերի 5-ին, ինչպես մի շարք համայնքներում, Աշտարակ քաղաքում եւս, որը վերջին փոփոխություններով խոշորացվեց, կանցկացվեն համայնքի ղեկավարի ընտրություններ։ Արդեն հայտնի է, որ իշխող «Քաղաքացիական պայմանագիր» կուսակցության ցուցակը կգլխավորի գործող քաղաքապետ, անկուսակցական Թովմաս Շահվերդյանը։ Ու թեեւ նախորդ անգամ՝ 2016 թվականին, նա քաղաքապետ էր ընտրվել նախորդ իշխանությունների՝ ՀՀԿ-ի աջակցությամբ, իշխանափոխությունից հետո հասցրել է դառնալ նաեւ գործող իշխանությունների «սրտի թեկնածուն»։

Շահվերդյանն Արագածոտնի արդեն նախկին մարզպետի՝ Դավիթ Գեւորգյանի հետ ուներ ջերմ հարաբերություններ, նրան ֆինանսապես աջակցում էր, Գեւորգյանն էլ լոբբինգ էր անում, որ ՔՊ-ի ցուցակը Շահվերդյանը գլխավորի։ Շահվերդյանն իր անչափ արագ կողմնորոշվելը պայմանավորում է նրանով, որ կանգնել է այն ուժի կողքին, որին ընտրել է ժողովուրդը: Չնայած ՔՊ-ն Աշտարակում դեմ չգնաց ՀՀԿ-ի ժամանակների քաղաքապետին, սակայն այլ համայնքներում, որոնց համայնքապետերի աջակցությունը չէին ստանում, նրանց անվանելով «նախկին», պաշտոնավարման ժամկետը լրանալուց հետո, երբեմն էլ անգամ օրենքի խախտումով, ազատում էին պաշտոնից՝ փոխարինելով իրենց նախընտրելի ԺՊ-ով: Ինչպես եղավ, օրինակ, Դիլիջանում և Վանաձորում:

ՔՊ-ն եւ անձամբ Թովմաս Շահվերդյանն Աշտարակում կմրցեն եւս երկու քաղաքական ուժերի հետ: Դրանցից մեկն Արթուր Վանեցյանի գլխավորած «Հայրենիք» կուսակցությունն է: «Հայրենիք» կուսակցության ցուցակը կգլխավորի Ազատ Զաքարյանը, որն Աշտարակի ավագանու անդամ է:

ՀՅԴ-ի ցուցակը կգլխավորի Կարապետ Առաքելյանը։ ՀՅԴ թեկնածուի շանսերը բարձր էին գնահատում, եթե առաջադրվեր Կարեն Շահազիզյանը: Նրա համար աշխատանքներ էին տանում խոշորացված համայնքի մի շարք համայնքապետեր՝ Օշականի գյուղապետ Արամ Ներսիսյանի գլխավորությամբ, սակայն ՀՅԴ-ն որոշել է այլ անձի դարձնել առաջին համար` Կարապետ Առաքելյանին: Առաքելյանը ՀՅԴ Արագածոտնի մարզային կառույցի անդամ է:

Այս թեմայով Եռուզեռ՝ Աշտարակ-Թալին ճանապարհի 42 կմ հատվածում Հյուսիս-հարավի Աշտարակ-Թալին ճանապարհահատվածի գրեթե ամբողջ երկայնքով ակտիվ շինաշխատանքներ են ընթանում «Հրապարակ». Աշտարակ քաղաքի ՔՊ-ական համայնքապետ Թովմաս Շահվերդյանին մի քանի անգամ կանչել են Հակակոռուպցիոն կոմիտե Եղվարդ-Աշտարակ ճանապարհին մեքենաներ են բախվել․ տուժածները հոսպիտալացվել են ՃՏՊ Աշտարակ-Էջմիածին ավտոճանապարհին Աշտարակ համայնքի Օրգով բնակավայրում գործարկվելու է էլեկտրական շչակ Աշտարակ-Ագարակ ճանապարհին մեքենան բախվել է երկաթյա արգելապատնեշին և հայտնվել դաշտամիջյան հատվածում Հյուսիս-հարավի Աշտարակ-Թալին հատվածում ընթանում են վերակառուցման աշխատանքներ Հրդեհ Աշտարակ քաղաքում Ֆրանսիացին լուցկու հատիկներով Էյֆելյան աշտարակ է կառուցել (լուսանկար)