«Պատրաստ եմ իմ ազգի համար լինել և՛ հավաքարար, և՛ առաջնորդ». Ռուբեն Վարդանյան

Հայազգի ռուսաստանաբնակ գործարար և բարերար Ռուբեն Վարդանյանը РБК-ին ծավալուն հարցազրույց է տվել, որում խոսել է այն մասին, թե ինչպիսի Հայաստան պետք է կառուցվի, սոցհարցումների արդյունքում բացահայտված երևույթների և երկրի «և' հավաքարարը, և՛ առաջնորդը» լինելու իր պատրաստակամության մասին։
«Նախ, պետք է խոստովանել, որ պատերազմը շատ լուրջ հետք է թողել հայության գիտակցության վրա թե՛ Հայաստանի ներսում, թե՛ դրսում, այն տեսանկյունից, որ եղել է պարտություն։ Եվ այս առումով՝ նոյեմբերի 9-ը սառը ցնցուղ էր, բայց կարևոր պահ՝ հասկանալու, թե որտեղ ենք գտնվում։ Մյուս կողմից, պետք է ասել, որ «ոչ խաղաղություն, ոչ պատերազմ» վիճակը, որում մենք ապրում էինք պատերազմական գործողություններից առաջ, ցավոք, մնաց նաև դրանից հետո։ Կարծես թե հրադադարի պայմանավորվածություն կա, միաժամանակ, ինչ-որ անհասկանալի բաներ են տեղի ունենում։ Երրորդը, իհարկե, քաղաքական ճգնաժամն է, որը շարունակվում է այս տարվա ընթացքում հայ հասարակության ներսում, այդ թվում՝ իշխանափոխության փորձով, այն էլ տարբեր ձևերով։ Դա կարևոր իրադարձություն է ողջ Հայաստանի և ողջ հայ հասարակության համար, որում, ինձ թվում է, բավականին լուրջ փոփոխություններ են տեղի ունեցել։ Որովհետև հասարակությունն ասաց. «Այո, ներկայիս իշխանությունը պարտվել է։ Առաջացած շատ խնդիրների մեղավորը ներկա իշխանությունն է։ Բայց, այնուամենայնիվ, մենք չենք ուզում հետ գնալ, չենք ուզում վերադառնալ անցյալ, կարծում ենք, որ այս էջը շրջվել է»,֊ասել է Ռուբեն Վարդանյանը։

«Ես խորապես համոզված եմ, որ մենք կարող ենք կառուցել շատ ուժեղ բանակ, որը միևնույն ժամանակ ոչ միայն կպաշտպանի, այլև կլինի տնտեսական փոփոխությունների շարժիչ ուժը, քանի որ դա կլինի տեխնոլոգիապես բոլորովին այլ բանակ, և այն կլինի բանակ, որը կպատվիրի տեխնոլոգիա։ Ես խորապես համոզված եմ, որ մենք կարող ենք ունենալ Հայաստանի դիրքավորման բոլորովին այլ մակարդակ աշխարհում»,֊եզրափակել է Ռուբեն Վարդանյանը:

Այս թեմայով Դիմադրություն միևնույն է՝ լինելու է. Ռուբեն Վարդանյանը ծավալուն հարցազրույց է տվել Caucasus Watch-ին Ռուբեն Վարդանյանն ընդգրկվել է Ուկրաինայի «Миротворец» պատժամիջոցների բազայում Արցախում իսկապես շատ մեծ ուժ կա, որը դրսում տեսանելի չէ․ Ռուբեն Վարդանյան Ադրբեջանը պետք է հասկանա, որ խաղաղության չի կարող հասնել հայերի կյանքի գնով. Ռուբեն Վարդանյան Պետք է ցույց տանք աշխարհին, որ մենք կանք․ Ռուբեն Վարդանյանի կոչը՝ արցախցիներին (տեսանյութ) «Փաստ». Ռուբեն Վարդանյանը՝ անակնկալ խնդրի առջև РБК հեռուստաալիքը ադրբեջանցիների սպառնալիքների պատճառով չի հրապարակել Ռուբեն Վարդանյանի հետ հարցազրույցը Մենք Արցախը ստացել ենք մեր նախնիներից և պարտավոր ենք փոխանցել հայության հաջորդ սերունդներին. Ռուբեն Վարդանյան Ռուբեն Վարդանյանը նշանակվել է Արցախի պետնախարար. որ ոլորտներն է նա համակարգելու «Բոլորս զինվորներ ենք, որոնք պետք է պաշտպանեն մեր հայրենիքը․ պաշտոնների մասին խոսելն անիմաստ է»