Բրիտանացու համար 3D տպիչով աչք է տպվել (տեսանյութ)
Наука и культураՄուրֆիլդս կլինիկայի բրիտանացի ակնաբույժներն աշխարհում առաջին անգամ կատարել են 3D տպիչով տպված աչքի պրոթեզի տեղադրման վիրահատություն: Այս մասին հայտնում է Daily Mail թերթը։
Նշվում է, որ պացիենտ Սթիվ Վերսը կորցրել է ձախ աչքը 20 տարեկանում և դրանից հետո օգտագործել է պրոթեզներ, որոնք պետք է փոխվեին հինգ տարին մեկ։
Նոր պրոթեզն ավելի դիմացկուն է, և դրա ստեղծման և տեղադրման համար շատ ավելի քիչ ժամանակ է պահանջվում:
Վերսը հայտարարել է, որ «նոր աչքը» ավելի իրական տեսք ունի, քան նախորդները և կվերականգնի իր ինքնավստահությունը։
Վիրահատությունը տեղի է ունեցել Մեծ Բրիտանիայի Առողջապահության ազգային համակարգի կողմից ֆինանսավորվող հետազոտության շրջանակներում:
Ինչպես գրում է պարբերականը, մեր օրերում աչքերը կորցրած բրիտանացիները հաճախ ստիպված են լինում վիրահատությունից հետո չորս-հինգ ամիս սպասել՝ պրոթեզ տեղադրելու համար։ Այն պատրաստելու և տեղադրելու համար տևում է ևս վեց շաբաթ:
Նոր տեխնիկան կօգնի կրճատել այս ժամանակահատվածը մինչև երեք շաբաթ և ապահովել ավելի ճշգրիտ չափսեր: Աչքի պրոթեզի իրական տպագրությունը 3D տպիչի վրա տևում է երկուսուկես ժամ։
Самое популярное 
Какой гражданский договор: почему запаниковали Андраник Кочарян и ГД?: ''Паст''
