Ինչ տեսք ունի Աբրահամ Ռուսոյի առանձնատունը, որի վրա նա ամսական ծախսում է 18-20 հազար դոլար (լուսանկարներ)

Фотографии 27 Ноябрь, 2021 21:26

Հայտնի 52-ամյա երգիչ Աբրահամ Ռուսսոն ներկայացրել է իր շքեղ առանձնատունը, որը ձեռք է բերել ԱՄՆ-ի Նյու Ջերսի քաղաքում՝ Նյու Յորքի մերձակայքում։

Հայազգի աստղը դեռ 2008-ին բավականին մեծ գումար է ծախսել 60 ակր հողատարածքի վրա պալատ կառուցելու համար՝ վստահելով դա պրոֆեսիոնալներին։ Սակայն ներքին հարդարման հարցերով նա նախընտրել է զբաղվել կնոջ՝ Մորելայի հետ, ում հետ ամուսնացած է 2005 թվականից։ Ամբողջ կահույքն ու դեկորացիան պատրաստված է պատվերով, դրանց նման երկրորդը չկա, գրում է Life.ru-ն։

Առանձնատունը զարդարված է Միքելանջելոյի գլուխգործոցների պատճեններով, կենդանիների կաշվով և տարբեր երկրների հուշանվերներով։ Այստեղ ջահերը պատրաստված են լեռնային բյուրեղապակուց, իսկ աստիճանները՝ մարմարից։ Միանգամից պարզ է դառնում, որ Ռուսոն ամեն ինչ արել է մեծ մասշտաբով։

Աբրահամ Ռուսսոյի պալատում կա բառացիորեն այն ամենը, ինչ անհրաժեշտ է կյանքի համար, և, հետևաբար, այն ավելի շատ հիշեցնում է միկրոթաղամասի: Վեց ննջասենյակ, ութ լոգասենյակ, երեք հյուրասենյակ, համամ և սոլյարի. սա առանձնատան հարստության միայն մի փոքր մասն է:

Պալատի տարածքում կարելի է գտնել կինոթատրոն, մարզադահլիճ, աշխատասենյակ, ձայնագրման ստուդիա և իսկական ուղղափառ եկեղեցի՝ կառուցված ոսկուց և սրբերի մասունքներով։ Բայց նման գեղեցկությունը երկու դուստրերի հոր համար ոչ քիչ գումար է արժեցել։

Երբ զույգը գնեց այդ տունը Նյու Ջերսիում, նրանք չէին պատկերացնում, թե որքան հսկայական կլինեն հարկերը։ Ինչպես նաև կոմունալ ծառայությունները, որոնք նույնպես հարստություն արժեն, հատկապես` էլեկտրաէներգիան և գազը: Նման առանձնատները և տեղանքը պետք է հսկվեն ու խնամվեն, և, հետևաբար, Ռուսսոն պայմանագիր ունի բազմաթիվ սպասարկող ընկերությունների հետ՝ սիզամարգերը հնձելու, ձյունը հեռացնելու և այլն: Երգիչը ստիպված է տան համար ամսական վճարել 18-20 հազար դոլար։

Տունն ինքնին 2017-ին գնահատվում էր 300 միլիոն ռուբլի, հենց այդ ժամանակ երգիչը հանկարծ հայտարարեց, որ բաժանվում է Մորելայից, և որ վերջինս պատրաստվում է խլել այդ առանձնատունն իրենից։

Նշենք, որ Ռուսսոն երկար ժամանակ է` բնակություն է հաստատել ԱՄՆ-ում, իսկ նրա դուստրերը՝ Էմանուելան և Ավե Մարիան, ունեն ամերիկյան քաղաքացիություն։