Քիչ-քիչ մարդիկ գիտակցում են, թե խոստացած «խաղաղության» փոխարեն ինչ ճակատագիր է նրանց սպասում․ընդդիմադիր պատգամավոր

Ամեն անգամ ավելի ակնառու է մարդկանց տրամադրությունների փոփոխությունը․ հույս, տագնապ, լքվածություն, զայրույթ, օտարում։ Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Արթուր Խաչատրյանն՝ անդրադառնալով Սյունիքի մարզ կատարած այցելությանը։

Նա, մասնավորապես, նշել է․

«Քիչ առաջ վերադարձա դեպի հարավ ուղեւորությունից։ Եղա Վայք, Սիսիան, Գորիս եւ Կապան քաղաքներում, «վայելեցի» այլընտրանքային ճանապարհը եւ ժամից ավել տեւած անանցանելի խցանումը, տեսա բարձունքները, որոնք թուրքերը գրավել են վերջին ամիսներին, այցելեցի Գորիս քրեակատարողական հիմնարկ, խոսեցի բազմաթիվ մարդկանց հետ՝ տարբեր տարիքի, զբաղմունքի, կրթական ցենզի ու քաղաքական հայացքների։ Երեւանից հեռու՝ դեպի ադրբեջանկան սահման, մարդկանց հոգսերը լրիվ այլ են։ Թանկացումներից ու ծանր տնտեսական պայմաններից ավելի մարդկանց հուզում էին անվտանգային հարցերը։ Ինչը շատերի համար Երեւանում, Գյումրիում, Արտաշատում, Վարդենիսում աշխարհագրական տեղանուն է՝ Իշխանասար, Սեւ լիճ, այնտեղ իրական վտանգ է։ Քիչ- քիչ մարդիկ սկսում են գիտակցել, թե խոստացած «խաղաղության» փոխարեն ինչ ճակատագիր է նրանց սպասում։

Անցյալ տարի դեկտեմբերի 16-17-ին եղել եմ Գորիսում եւ Կապանում, անցել եմ Շուռնուխի ճանապարհով։ Դեկտեմբերի 16-ին ադրբեջանցիներին հանձնվեց Շուռնուխը, թուրքերը հայտնվեցին Գորիս-Կապան ու Կապանից հարավ ընկած մայրուղու վրա․․․ Չեմ թաքցնում՝ կային մարդիկ, որ ժպիտով էին հիշում այն օրերը, որ թուրքի հետ խաղաղ էին ապրում, առեւտուր էին անում, գնացքով Բաքու էին գնում։ Հիմա այդ հուսյերից էլ բան չի մնացել, հասկացել են, որ թուրքի հետ ինչքան էլ «բարեկամություն» անես, փայտը չպետք է ձեռքից բաց թողնես։

Այս տարի սա արդեն 4-րդ այցս էր հարավ։ Ամեն անգամ ավելի ակնառու է մարդկանց տրամադրությունների փոփոխությունը․ հույս, տագնապ, լքվածություն, զայրույթ, օտարում․․․ Ոչ միայն Արցախն ու Սյունիքը, ամբողջ երկիրն ու ազգն են կանգնած գոյութենական խնդրի առաջ։ Վերջապես պետք է դուրս գալ ետ-պատերազմյան շոկից, զարթնել անտարբերության թմբիրից ու տեր կանգնել երկրին, քանի երկրից դեռ ինչ որ բան մնացել է»։

Այս թեմայով Բարբաջում եք, իշխանափոխություն ուզում, բայց հանրահավաքին 10 մարդու չեք կարողանում հավաքել․ Խաչատրյան Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան ԼՂ բռնի տեղահանվածները որևէ իրավունքից չեն զրկվի, եթե դառնան ՀՀ քաղաքացի. Խաչատրյան Իմ ու Փաշինյանի ընդհանուր ծանոթ Արտակ Քամալյանի տան մոտ ոնց որ «Սմերչով» խփած լինեին. Խաչատրյան «Հրապարակ». Երբ եւ որտեղ տեղի կունենա Արթուր Վանեցյանի որդու հարսանիքը «Սկզբունքայնություն»՝ ՔՊ ոճով. Արմեն Խաչատրյան, Բաբկեն Թունյան Ադրբեջանն ամեն ինչ անում է խաղաղության գործընթացը վիժեցնելու համար․ Արմեն Խաչատրյան ՀԱՊԿ-ը միայն Երևանն ա՞ պաշտպանության տակ վերցրել, այդտեղ չենք լինի, եթե սահմանի մասով կասկած ունեն. Արմեն Խաչատրյան Չես կարա չվերադարձնես էդ 4 գյուղերի տարածքները, իրավական գործընթաց է սկսվել. Արմեն Խաչատրյան Ալիևը պահանջում է, Փաշինյանն էլ՝ գլխիկոր մտածում, թե ինչպես արդարացնի այդ պահանջները. Խաչատրյան