Սիսիանի նախկին քաղաքապետի պաշտպանը պահանջում է դատավորին կարգապահական պատասխանատվության ենթարկել

Սիսիանի նախկին համայնքապետ, «Հայաստան» խմբակցության պատգամավոր Արթուր Սարգսյանի պաշտպան Էմին Խաչատրյանը հանդես է եկել հայտարարությամբ, որով պահանջում է կարգապահական վարույթ հարուցել Վերաքննիչ քրեական դատարանի դատավոր Արմեն Դանիելյանի նկատմամբ։ 

«Նախկինում տեղեկացրել էինք, որ 15․11․2021թ․ ՀՀ Վերաքննիչ քրեական դատարանի դատավոր Արմեն Դանիելյանը՝ առանց պաշտպանական կողմին պատշաճ ծանուցելու և պաշտպանական կողմի բացակայությամբ, հրատապ դատական նիստ էր անցկացրել՝ ՀՀ ԱԺ պատգամավոր Արթուր Սարգսյանի նկատմամբ ընտրված խափանման միջոց գրավի դեմ դատախազի Վերաքննիչ բողոքը քննության առնելու համար և բեկանել էր Սյունիքի մարզի ընդհանուր իրավասության առաջին ատյանի դատարանի 14․10․2021թ․-ի որոշումը։

Տեղեկացնում ենք, որ այսօր համապատասխան միջնորդություններ ենք ներկայացրել ՀՀ Բարձրագույն դատական խորհրդի Էթիկայի և կարգապահական հարցերի հանձնաժողով և ՀՀ արդարադատության նախարարին, որպեսզի կարգապահական վարույթ հարուցվի ՀՀ Վերաքննիչ քրեական դատարանի դատավոր Արմեն Դանիելյանի նկատմամբ։ Բողոք ենք ներկայացրել նաև ՀՀ Մարդու իրավունքների պաշտպանին, իսկ ՀՀ գլխավոր դատախազին ներկայացրել ենք հաղորդում հանցագործության մասին՝ ՀՀ Վերաքննիչ քրեական դատարանի դատավոր Արմեն Դանիելյանի կողմից ակնհայտ ապօրինի դատական ակտ կայացնելու վերաբերյալ։

Իմ փաստաբանական գործունեության ընթացքում երբևէ նման նախաձեռնությամբ հանդես չեմ եկել, սակայն սա այն դեպքն է, երբ ՀՀ Վերաքննիչ քրեական դատարանի դատավոր Արմեն Դանիելյանի կողմից կայացված նման ակնհայտ անհիմն և ապօրինի որոշմամբ խաթարվել է արդարադատության բուն էությունը, խախտվել են մեր պաշտպանյալի մի շարք հիմնարար իրավունքներ, ինչպես նաև, վերը նշված որոշմամբ, խախտվել են քրեական իրավունքի և դատավարության կարևորագույն սկզբունքները։

Ինչպես Արթուր Սարգսյանի պաշտպաններ, այնպես էլ որպես ՀՀ փաստաբանների պալատի փաստաբաններ, մեզ համար անընդունելի է դատավորի նման գործելակերպը։

Վերջին շրջանում ՀՀ արդարադատության նախարարն իր տարբեր ելույթներում շատ է խոսել անարդար և արդարադատություն չիրականացնող դատավորներին վեթինգի ենթարկելու մասին։ Ըստ իս, այս միջնորդությունը լավ առիթ է, որպեսզի ՀՀ արդարադատության նախարարն ապացուցի իր խոսքերի անկեղծությունը», - ասված է Սարգսյանի փաստաբան Էմին Խաչատրյանի տարածած հայտարարությունում։

Այս թեմայով Ինչպես են գիշերը բերման ենթարկել տավուշցիներին (տեսանյութ) Բերման են ենթարկում մի մարդու, ով այս շարժման ամենաակնառու ոգեշնչողներից և նախաձեռնողներից է Ոսկեպարի եկեղեցու մոտ սակրավորներն ականներ են փնտրում, բնակիչները պահանջում են դադարեցնել (տեսանյութ) ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում է․ Armlur Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Կիրանցում իրավիճակը լարված է. ոստիկանությունը պահանջում է բացել ճանապարհը (տեսանյութ) Տեղի ունեցողը Հայաստանի՝ առաջին հերթին դիվանագիտության խոշոր պարտությունն է. Փաշինյանի նախկին խորհրդական Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Վարդանաշենցիկ փակել են Մարգարա-Վանաձոր ճանապարհը, պահանջում են Կառավարության ներկայացուցիչներին Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել