Աղջիկը ջինսից կարել է Բրիթնի Սփիրսի խորհրդանշական զգեստը և ստացել հարյուրավոր դոլարներ
Ավստրալիայից Millie Rae հագուստի բրենդի հիմնադիր Միլի Ռեյը ջինսից կարել է ամերիկացի փոփ երգչուհի Բրիթնի Սփիրսի խորհրդանշական զգեստը, որով նա 2001 թվականին մասնակցել է American Music Awards-ին։ TikTok-ում տեղադրված տեսանյութը նկատել է Daily Mail-ը։
Բլոգեր Հեյլին պատմել է, որ երգչուհու հանդերձանքը վերստեղծելու համար The Salvation Army-ից 10 դոլարով գնել է մի քանի զույգ ջինսեր: Դրանից հետո դիզայները մանեկենի վրա գծանշումներ է արել, ջինսերը լվացել ու կտրատել։ Հետո աղջիկը նյութից կտրել է անհրաժեշտ ձևի կտորները և կարել դրանք։ Վարպետի խոսքով՝ ամբողջ գործընթացը երկու օր է տեւել։
Կադրերում երևում են, որ հանդերձանքը բավականին նման է Սփիրսի օրիգինալ զգեստին։ Հեյլին խոստովանել է, որ իր աշխատանքի դիմաց կարողացել է հարյուրավոր դոլարներ ստանալ՝ համացանցում այն վաճառելով 350 դոլարով: Համացանցի օգտատերերը բարձր են գնահատել դիզայների ստեղծած հագուստը։ «Սա անհավանական է», «Ես պաշտում եմ այս զգեստը: Այն ապշեցուցիչ է: Դու հիասքանչ ես», «Հիացած եմ», «Չեմ կարող հավատալ սրան»: - գրել են նրանք։