«Սերգո ջան, լավ չես ապրելու...». որքանո՞վ է թանկացել կյանքը Հայաստանում հեղափոխությունից հետո

2018 թվականի Թավշյա հեղափոխությունից ամիսներ անց Հայաստանի նոր իշխանությունները պատեհ և անպատեհ առիթները օգտագործում էին՝ երկրում առկա գնանկման մասին հայտարարություններ անելու նպատակով: Մասնավորապես, շատ էր թմբկահարվում ամենահեղափոխական մրգի՝ բանանի և բենզինի գների որոշակի նվազման հանգամանքը, ինչը, իհարկե, կապվում էր հեղափոխության բերած դրական փոփոխությունների հետ: Իսկ ի՞ նչ ունենք այդ հեղափոխությունից շուրջ չորս տարի անց և որքանո՞վ է թանկացել կյանքն այն հպարտ քաղաքացիների մոտ, որոնց չորս տարի առաջ խոստանում էին, որ վերջիններս լավ են ապրելու:

Դիցուք՝  գազի գինը սահմանին 2018 թվականին կազմում էր 150 դոլար: 2019-ի սկզբից սահանին Հայաստանի համար մատակարարվող ռուսական գազի գինը բարձրացավ 15 դոլարով՝ դառնալով 165 դոլար` 1000 խմ համար:

2018-ին խմելու ջրի սակագինը կազմում էր 180 դրամ և անձամբ Նիկոլ Փաշինյանն էր վստահեցնում, որ մինչև 2024 թվականը այդ սակագինը չի բարձրանա: Երեկ հայտնի դարձավ, որ հունվարի 1-ից սահմանվում է նոր սակագին՝ 200,47 դրամ:

Բենզինի գները Հայաստանում 2018-ին կազմում էին 420 դրամ: Այսօր բենզինի գինը նորանոր ռեկորդներ է խփում՝ հասնելով 510-20 դրամի:

Ամենահեղափոխական միրգը՝ բանանը, որի գնանկումը այդքան փիառվել էր Փաշինյանի և թիմակիցների կողմից, նույնպես թանկացել է: 2018-ին բանանի մեկ կգ-ի գինը հասել էր 420 դրամի, այսօր այն միջինը 850 դրամի է հասնում:

2018-ի համեմատ թանկացել է նաև հացը: Փոքր բոքոնը 110 դրամի փոխարեն այսօր հասնում է 140-150 դրամի: Հրազդանը (450 գրամ) արժե 300 դրամ, իսկ մատնաքաշ հացի կես կիլոգրամը՝ 350 դրամ։

Թանկացել է նաև մսամթերքը: Տավարի մսի մեկ կիլոգրամը 2900 դրամից դարձել է 3000 դրամ, իսկ գառան մսի մեկ կիլոգրամը գերազանցում է 4500 դրամ արժեքը:

Երեւանի սուպերմարկետներում եւ խանութներում վաճառվող ամենամատչելի ձեթի 1 լիտրը 2018 թվականին 930 դրամ էր, այսօր արդեն 1180 դրամ է:

2018-ին շաքարավազի 1 կգ-ն 200-250 դրամով էր վաճառվում, այսօր այդ գինը հասնում է 340 դրամի:

Տրանսպորտի գները 2018-ի համեմատ բարձրացել են 10%-ով, որը հիմնականում պայմանավորված է տաքսի ծառայությունների սակագների բարձրացմամբ։

Առողջապահության ծառայությունները, 2018 թվականի համեմատ, թանկացել են 5.3%-ով,

Ինչպես տեսնում ենք՝ կյանքը հեղափոխությունից հետո ոչ միայն չի էժանացել, այլև կտրուկ թանկացել է: Եվ այս ամենը բացատրվում է ինչպես արտաքին շուկաների ազդեցությամբ, այնպես էլ գործող իշխանությունների ապաշնորհ քաղաքականությամբ և ընդունված որոշումներով, ինչպես նաև մոնոպոլիաների մեջքը ջարդելու անվճռականությամբ: 2018-ի համեմատ` կյանքը Հայաստանում ամենամեղմ հաշվարկներով թանկացել է 40.5 տոկոսով: Ինչպես կասեր դասականը՝ «Սերգո ջան, լավ չես ապրելու...»:

Այս թեմայով Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ) Տավուշի համայնքապետերը վերադարձել են կառավարության շենք եւ հանդիպում են Փաշինյանի հետ (տեսանյութ) Ադրբեջանը շատ ագրեսիվ է արձագանքում ՀՀ ԶՈւ բարեփոխումներին․ Փաշինյան Տավուշցիներից առաջ Փաշինյանի մոտ էին ԱԱԾ պետը, ոստիկանապետը, պաշտպանության նախարարը. «Հրապարակ»