Փաշինյանը միանձնյա որոշումներ է ընդունում համազգային նշանակության հիմնախնդիրների վերաբերյալ. հայտարարություն

«5165 շարժումը» հայտարարություն է տարածել ՀՀ կառավարությանն ուղղված դիմումին վարչապետի աշխատակազմի կողմից տրված պատասխանի վերաբերյալ, որը ներկայացնում ենք ստորև.

«Նոյեմբերի 22-ին «5165 շարժման» անդամներս և ՀՀ մի խումբ քաղաքացիներ գրավոր դիմում հանձնեցինք Կառավարությանը՝ պահանջելով հանրայնացնել Նիկոլ Փաշինյանի վկայակոչած փաստաթղթի բովանդակությունը, որը վերաբերում էր Հայաստանի Հանրապետության ու Ադրբեջանի միջև սահմանագծմանն ու սահմանազատմանը: Դիմումի մեջ նշել էինք փաստաթղթի հետ կապված մեր մտահոգությունները, որոնք վերաբերում են Հայաստանի Հանրապետությունից թշնամուն կենսական տարածքներ, ռազմավարական կապուղիներ ու բարձունքներ զիջվելու, Արցախը Ադրբեջանի մաս ճանաչվելու հնարավորությանը:

Նոյեմբերի 23-ին ուղիղ հեռարձակմամբ Նիկոլ Փաշինյանը մեր պահանջի առնչությամբ հայտարարեց, որ իր նշած փաստաթուղթը վերաբերում է միայն սահմանագծման ու սահմանազատման հարցերով զբաղվող հանձնաժողով ստեղծելուն: Մենք քանիցս պարզաբանեցինք, որ մեր պահանջը բնականաբար վերաբերում է ոչ թե հանձնաժողովի ձևավորման փաստին, այլ դրա աշխատանքների հիմքում ընկած քարտեզներին, սկզբունքներին, հայկական կողմի համար ընդունելի և անընդունելի զիջումներին (կարմիր գծեր): Կասկածից վեր է, որ Նիկոլ Փաշինյանը հասկանում էր այս ամենը: Նա անշուշտ հասկանում էր, որ մեր պահանջը վերաբերում է սահմանագծման ու սահմանազատման մեխանիզմներին, որոնք մինչև տարեվերջ հստակեցվելու են՝ համաձայն ՌԴ նախագահ Վլադիմիր Պուտինի հայտարարության, որ արվել էր նոյեմբերի 26-ին Սոչիում տեղի ունեցած եռակողմ հանդիպման ու ստորագրված հայտարարության առնչությամբ:

Նոյեմբերի 29-ին մենք ՀՀ վարչապետի աշխատակազմից ստացանք գրություն այն մասին, որ ՀՀ կառավարությանն ուղղված մեր դիմումում նշված բովանդակությամբ փաստաթուղթ գոյություն չունի և որ այդ մասին Նիկոլ Փաշինյանը հայտնել է նոյեմբերի 23-ին Հանրային հեռուստաընկերության կողմից հեռարձակված իր հարցազրույցի ընթացքում:

 Նման պատասխանը հերթական վկայությունն է այն բանի, որ.

1. Նիկոլ Փաշինյանը, հանրային արդարացի պահանջի բովանդակությունը քաջ գիտակցելով հանդերձ, ժողովրդին չի հայտնում սահմանագծման ու սահմանազատման հետ կապված ողջ ճշմարտությունը, թե ինչ է սպասվում Արցախի հարցին, ՀՀ-ի սահմանային տարածքների հարցին, թեև նախկինում խոստացել էր գալ հրապարակ և հայտնել ժողովրդին:

2. Հերթական անգամ հանրությունից թաքցվում է նրա թիկունքում ձեռք բերված իրական պայմանավորվածությունները:

3. Նիկոլ Փաշինյանը անթույլատրելիորեն միանձնյա որոշումներ է ընդունում համազգային նշանակության կարևորագույն հիմնախնդիրների վերաբերյալ՝ այս գործընթացին մասնակից չդարձնելով իշխանության մյուս թևերին և փաստորեն ուզուրպացնելով ողջ իշխանությունը»:

Շարժումը հրապարակել է նաև վարչապետի աշխատակազմից ստացված պատասխանը, որը ներկայացնում ենք ստորև.

Այս թեմայով «Հրապարակ». Համոզված եմ՝ հրահանգ է իջեցվել․ այսօրվա ոստիկանությունն առանց հրահանգի անգամ չի շնչում․ Տոնոյան Մի ժամ ժամանակ ենք տալիս, այս ճիվաղին անվստահություն եք հայտնում, թուղթը բերում եք. Կարին Տոնոյան Ավելի ու ավելի Է հնչեղանում 3 հարց․ Կարին Տոնոյան Վաղ առավոտյան Եռաբլուրում էի, նվացող ինչ-որ կանչ արթնացրեց ու նորից տարավ. Կարին Տոնոյան Նիկո՛լ, տղա՞ ես՝ դիմացիր․ գալիս է զոհերի ծնողների ժամանակը․ Կարին Տոնոյան «Ինչո՞ւ եմ շարունակում գնալ ու մասնակցել այս տանջարանների թատրոնին». Կարին Տոնոյան Վանեցյանի հետ երբեք չենք համագործակցել և չենք համագործակցելու. Կարին Տոնոյան «Մենք ձեզ հող չե՛նք տա»․ անչափահաս ցուցարարը միացավ «Ազատագրական շարժմանը» «Ազատագրական շարժման» հանրահավաքը Հանրապետության հրապարակում. ուղիղ «Ակամայից հիշել էի հայտնի հեքիաթը Քաջ Նազարի մասին». Կարին Տոնոյանը` Փաշինյանի ասուլիսի մասին