Ամենաուժեղ կռվողներն ամենահամեստն են. Մարուքյան

Համազգեստ հագնելը չպետք է ուղիղ եթեր մտնելու ցանկություն առաջացնի, այլ միայն ակնածանք դրա նշանակության և այն պատվով կրած ու կրող անձանց հանդեպ թե՛ այն հագնողի, թե՛ այն տեսնողների մոտ։ Այս մասին ֆեյսբուքյան իր էջում գրել է «Լուսավոր Հայաստան» կուսակցության նախագահ Էդմոն Մարուքյանը։ 

«Վերջին պատերազմից հետո շարունակաբար հանդիպում եմ պատերազմին մասնակցած մեր հերոս տղաներին։ Նրանք հիմնականում չափազանց համեստ ու քչախոս մարդիկ են, սակայն հետաքրքրվելով՝ պարզում ես, որ նրանցից յուրաքանչյուրը թշնամական մի քանի տանկ, ԱԹՍ-ներ և այլ տեխնիկա, թշնամու առնվազն մի քանի տասնյակ զինվոր ոչնչացրած և այլ հերոսություններ գործած զինվորականներ են, ովքեր շատ համեստ են ու զուսպ։

Մտնելով սոցիալական ցանցի զուգահեռ իրականություն՝ ավելի ու ավելի հաճախ եմ տեսնում զինվորական համազգեստով ուղիղ եթեր մտնող տղաների, ովքեր տանը նստած հագնում են զինվորական համազգեստը, հիմնականում չեն սափրվում և մտնում ուղիղ եթեր ասելով՝ «լսեք ինչ եմ ասում», «մենք դա թույլ չենք տա», «մենք այսպես կանենք, մենք այնպես կանենք ․․․» և նման այլ արտահայտություններ։ Իրականում անհասկանալի է, թե այդ մարդիկ ովքեր են, ի՞նչ ներդրում ունեն անցած պատերազմում կամ բանակաշինության գործում, ի՞նչ թույլ չեն տա, ինչո՞ւ թույլ չեն տա, իսկ եթե թույլ չտալու էլ բան կար, արդեն այնքան բան են թույլ տվել, որ մարդ չգիտի ի՞նչ մտածի...

Մի քիչ զուսպ եղեք և զինվորական համազգեստին պատկառանքով վերաբերվեք։ Կա՛մ համազգեստը հանեք, տանը մի տեղ պահեք, կա՛մ եթե հագել եք, ուրեմն պետք է համապատասխան ստորաբաժանման կազմում առաջադրանք կատարելիս լինեք, այլ ոչ թե տանից բազմոցին նստած ուղիղ եթեր մտնեք։

Սա անընդունելի վարք է. նման գործողությունները միայն բացասաբար են ազդում զինվորական համազգեստի նկատմամբ հասարակության հարգանքի ու ընկալման վրա՝ արժեզրկելով նաև այդ համազգեստը կրողին։

Համազգեստ հագնելը չպետք է ուղիղ եթեր մտնելու ցանկություն առաջացնի, այլ միայն ակնածանք դրա նշանակության և այն պատվով կրած ու կրող անձանց հանդեպ թե՛ այն հագնողի, թե՛ այն տեսնողների մոտ»,-գրել է Մարուքյանը։

Այս թեմայով 1.5 մլն զոհերի անուն-ազգանունները ճշտելը նշանակում է տրվել Թուրքիայի օրակարգին. Մարուքյան (տեսանյութ) Այս օրակարգով 4 գյուղերի հարցը փակված է, խնդիրը Երևանում է, այստեղից է պետք սկսել. Էդմոն Մարուքյան Սա ծուղակ է, դադարեցրեք քննարկել Հայոց ցեղասպանության զոհերի ցուցակագրումը. Մարուքյան ԼՂ-ում մնացած մոտ 10 հայերն այժմ ենթարկվում են հալածանքների. Մարուքյան Եթե ​​Ադրբեջանը չպատժվի, այդ թվում՝ քաղաքական և տնտեսական, երբեք չի դադարեցնի իր ագրեսիվ պահվածքը. Մարուքյան ՆԱՏՕ-ի քարտուղարն ասում է՝ կոտորվեք, դարձեք պլացդարմ, մենք մի քանի հատ ռակետ կտանք. Մարուքյան Իմ տեղեկություններով` մինչև ընտրություններ սահմանադրական փոփոխություններ չեն լինելու․ Մարուքյան Մարուքյանը հայտնել է, թե ինչու է հրաժարական տվել և ինչի շուրջ է անհամաձայնություն ունեցել Փաշինյանի հետ (տեսանյութ) Ինձ առաջարկվել էր ԲՏԱ նախարարի պաշտոնը․ Էդմոն Մարուքյանը փակագծեր է բացել (տեսանյութ) 21 մլն դրամ աշխատավարձ և հատուկ հանձնարարականով հրաժարական. Էդմոն Մարուքյանի իրական դեմքը․ Yerkir.am